അപരാജിതന്‍ 27 [Harshan] 9790

INTELLIGENCE BEAREAU (H.Q),                                                                                                CHANAKYA PURI,

NEW DELHI

കേന്ദ്ര ആഭ്യന്തര മന്ത്രാലയത്തിന് കീഴിൽ പ്രവർത്തിക്കുന്ന ഇന്റലിജ൯സ് ബ്യുറോ ഹെഡ് ക്വർട്ടേഴ്‌സ്.

രാജ്യസുരക്ഷയുമായി ബന്ധപ്പെട്ട വിവിധ വിഷയങ്ങളെ സസൂക്ഷ്മം നിരീക്ഷിക്കുവാനും കേന്ദ്ര സംസ്ഥാന ഗവണ്മെന്റുകൾക്ക് സമയസമയം ഇൻഫോർമേഷ൯ കൊടുക്കുവാനും കൗണ്ടർ ടെററിസം കൗണ്ടർ ഇന്റലിജൻസ് വി ഐ പി സെക്യൂരിറ്റി തുടങ്ങി അതിപ്രധാനമായ ധർമ്മങ്ങൾ നിർവ്വഹിക്കുന്ന സ്ഥാപനമാണ് ഇന്റലിജ൯സ് ബ്യുറോ.

ഗവണ്മെന്റ് ഓഫ് ഇന്ത്യ എന്ന ചുവന്ന അക്ഷരങ്ങളിൽ എഴുതിയ ബോർഡ് പിടിപ്പിച്ച ഒരു ഹോണ്ട സിറ്റി കാർ സർദാർ പട്ടേൽ മാർഗ്ഗ് റോഡില്‍ നിന്നും ഇടത്തേക്ക് തിരിഞ്ഞു ഇന്റലിജൻസ് ബ്യുറോയുടെ മെയിൻ ഗേറ്റിനു മുന്നിലെത്തി.

സി ഐ എസ് എഫ് ജവാന്മാർ അടക്കം കനത്ത സുരക്ഷയുറപ്പാക്കിയ ഗേറ്റിലെ സെക്ക്യൂരിറ്റി ഒഫിഷ്യൽ അണ്ടർ വെഹിക്കിൾ സേർച്ച് മിറർ ട്രോളിയുമായി വന്ന് കാറിനു കീഴെ പരിശോധിച്ചു. ഉള്ളിലിരുന്നയാൾ തന്‍റെ ഐഡന്റിറ്റി കാർഡ് കാണിച്ചു .സെക്ക്യൂരിറ്റി ഒഫിഷ്യൽ, കാറില്‍ ഇരുന്ന വ്യക്തിക്ക് സല്യൂട്ട് നൽകി ആ കാറിനെ അകത്തേക്ക് പോകാൻ അനുവദിച്ചു,

കാർ സ്‌പെഷ്യൽ ഓഫീസർസ് വെഹിക്കിൾ പാർക്കിങ് സ്ലോട്ടിൽ പാർക്ക് ചെയ്തു.

കാറില്‍ നിന്നും ഒരു അമ്പതു വയസിലേറെ പ്രായം തോന്നിക്കുന്ന വ്യക്തി പുറത്തേക്കിറങ്ങി.

വെട്ടിയൊതുക്കിയ മുടിയും കട്ടി മീശയും ഷേവ് ചെയ്ത താടിയും ഫോർമൽ ബ്ലാസേർസ് ആണ് വേഷം

കാറിൽ നിന്നും തന്‍റെ ലാപ്പ് ടോപ്പ് ബാഗുമെടുത്തു അദ്ദേഹം മെയിൻ റിസപ്‌ഷനിലേക്ക് നടന്നു.

റിസപ്‌ഷനിൽ ചെന്ന് ഐഡന്റിറ്റി കാർഡ് കാണിച്ചു പാസ് എടുത്തു

അവിടെ നിന്നും നടന്നു ലിഫ്റ്റിൽ കയറി നാലാമത്തെ നിലയിലേക്ക് ചെന്നു.

ശിവറാം സായ്, 1983 IPS PASS OUT

വിവിധ സംസ്ഥാനങ്ങളില്‍ പോലീസില്‍ സേവനം അനുഷ്ടിച്ച പരിചയവും അതിനു ശേഷം സി ബി ഐ യിലും ആഭ്യന്തര മന്ത്രാലയത്തിന് കീഴിൽ ഇന്റെർണൽ സെക്കൂരിറ്റി ഡിവിഷനിലും കൗണ്ടർ ടെററിസം ആൻഡ് കൗണ്ടർ റാഡിക്കലൈസെഷൻ ഡിവിഷനിലും പ്രവർത്തിച്ചു ദീർഘകാല പരിചയവും ഇപ്പോൾ ജമ്മു , കാശ്മീർ & ലഡാക്ക് അഫയേർസ് ഡിവിഷനിൽ അസിസ്റ്റന്‍റ് ഡയര്‍ക്ടറായി പ്രവര്‍ത്തിക്കുന്നു.