💮 ഗൗരീശങ്കരം 16 💮 (ഫൈനൽ) 1957

ജാനകിയിൽ നിന്നും നന്ദുവിനെ കുറിച്ച് അറിഞ്ഞപ്പോൾ എല്ലാവർക്കും മനസ്സിൽ ഒരു വിങ്ങലായി….

 

“നന്ദു… അവൾ എന്റെ ദേവന്റെ പെണ്ണാ…. എന്റെ മോളാ….. അവളെ നമുക്ക് തിരികെ കൊണ്ട് വരണം… ഈ മണ്ണിലേക്കും… ഒരു പുതു ജീവിതത്തിലേക്കും…..” അമ്മയുടെ കണ്ണുകൾ നിറഞ്ഞു……🥺

 

“ഞാൻ ഇപ്പൊ തന്നെ അവളെ വിളിക്കാം… അവള് വരും…..”

 

“വേണ്ട….” അജു ജാനകിയെ തടഞ്ഞു…..

 

“അവൾ ഈ നാട് വിട്ട് നിൽക്കുന്നതിനു തക്കതായ എന്തോ കാരണം ഉണ്ടെന്നു എന്റെ മനസ്സ് പറയുന്നു… അവരെ നേരിൽ പോയി കണ്ട്, കൂട്ടി കൊണ്ട് വരണം….”

 

“അജു പറഞ്ഞതാ ശെരി…” മനുവും സപ്പോർട്ട് ചെയ്തു…..

 

അസിസ്റ്റന്റ് കളക്ടറുടെയും ഡെപ്യൂട്ടി മാനേജരുടെയും കുപ്പായം ഊരി വെച്ച് അജുവും മനുവും വണ്ടി കയറി…..

 

ജാനകിയിൽ നിന്ന് അഡ്രസ്സ് ഒക്കെ നേരത്തെ കിട്ടിയതിനാൽ ഫ്ലാറ്റ് കണ്ടു പിടിക്കാൻ വല്യ ബുദ്ധിമുട്ടിയില്ല… പക്ഷെ നന്ദുവിന്റെ മുന്നിൽ ചെല്ലാൻ രണ്ടുപേർക്കും എന്തോ ഒരു…..

 

നന്ദു CA ഫൈനൽസ് കഴിഞ്ഞ് പ്രാക്ടീസ് ചെയ്യുകയാണ്…. നന്ദുവിന്റെ അച്ഛൻ പ്രൊഫ മാധവൻ…. ദേവന്റെ സഖാവ് മാധവേട്ടൻ അടുത്തുള്ള ഒരു പ്രൈവറ്റ് കോളേജിൽ പ്രൊഫസർ ആയി ജോലി ചെയ്യുന്നു….

 

നന്ദു ഓഫീസിലേക്കു ഇറങ്ങിയതിനു ശേഷം മനുവും അജുവും അവളുടെ ഫ്ലാറ്റിലേക്ക് ചെന്നു….

 

കാളിങ് ബെൽ കേട്ട് വാതിൽ തുറന്നത് മാധവേട്ടനാണ്…. ആദ്യം രണ്ടു പേരെയും മനസിലായില്ലെങ്കിലും… മനസ്സിലായപ്പോൾ ഒരുപാടു സന്തോഷം…..🙂

 

അപ്പോഴേക്കും നന്ദുവിന്റെ അമ്മയും വന്നു….

 

എന്ത് പറഞ്ഞ് തുടങ്ങും ആര് തുടങ്ങും എന്ന് ഒരു കൺഫ്യൂഷൻ….