Wonder part – 3

Author : Nikila | Previous Part

 

കഴിഞ്ഞ ഭാഗത്തിന് അഭിപ്രായമറിയിച്ചവർക്ക് നന്ദി. അടുത്ത ഭാഗം തുടരുന്നു. ഇവിടെ വുമൺ ആക്റ്റിവിസ്റ്റുകൾ ആരെങ്കിലും ഉണ്ടെങ്കിൽ അവരോട് മുൻകൂറായി മാപ്പ് ചോദിക്കുന്നു. എന്തിനാണ് മാപ്പ് ചോദിക്കുന്നതെന്ന് ഈ പാർട്ട് വായിച്ചു കഴിഞ്ഞാൽ മനസിലാകും.

 

 

 

തുടരുന്നു…….

 

 

ജോസഫ് C J. സി ജെ എന്നാ വലിയ ബിസിനസ്സ് സാമ്രാജ്യത്തിന്റെ ഉടമസ്ഥനായ ചിറ്റിലപ്പറമ്പിൽ ജേക്കബ് എന്ന കോട്ടയംക്കാരന്റെ രണ്ടാമത്തെ പുത്രൻ. പോലീസുക്കാർ മുതൽ വലിയ രാഷ്ട്രീയക്കാർ വരെ സകലരെയും സ്വന്തം വരുതിയിലാക്കി ജീവിക്കുന്ന സി ജെ എന്ന പ്രസ്ഥാനത്തിന്റെ അവകാശികളിലൊരാളാണ് ഇപ്പോൾ ഈ സ്റ്റേഷനിൽ സാധാരണക്കാരനെപ്പോലെ വന്നിരിക്കുന്നതെന്ന് അവർക്കു വിശ്വസിക്കിനായില്ല.

 

 

ശരിക്കും ഞെട്ടിക്കുന്നതായിരുന്നു റോസിക്ക് ഈ തിരിച്ചറിവ്. ഒപ്പം ചില സംശയങ്ങളും അവരുടെ മനസ്സിൽ കയറിക്കൂടി. ന്യൂയോർക്കിൽ പുതിയൊരു ബിസിനസ്‌ തുടങ്ങാൻ പോയി എന്ന് അവർ പറഞ്ഞ ഈ ജോസഫ് എങ്ങനെ ഇവിടെയെത്തി. ഒപ്പം അവന്റെ കൂടെയുള്ള ഈ പയ്യൻ ആരാണ്. വേഗം ഒന്ന് നേരം പുലർന്നു കിട്ടിയെങ്കില്ലെന്ന് അവരാഗ്രഹിച്ചു. കൂടാതെ കുറച്ചു മുൻപ് അവരോട് മോശമായി സംസാരിച്ചതോർത്ത് ചെറിയൊരു പേടിയും.

 

……………………………………………………

 

പ്രഭാത സമയം, മറ്റൊരിടം

 

 

നഗരത്തിൽ നിന്നും ഉൾവലിഞ്ഞ് കാടിനുള്ളിലേക്ക് കേറി പോകുന്ന പ്രദേശത്തുള്ള ഒരു വീട്. അത്യാവശ്യം പഴഞ്ചൻ ലുക്ക്‌ ഉണ്ടെങ്കിലും ആവശ്യത്തിൽ കൂടുതൽ വിസൃതിയിൽ പണികഴിപ്പിച്ചിട്ടുള്ള രണ്ടു നില വീടാണത്. ആ വീടിനു ചുറ്റും പലതരത്തിലുള്ള മരങ്ങൾ തിങ്ങി നിൽക്കുന്നുണ്ട്. വീടിന്റെ നെയിം ബോർഡിൽ ‘wonder’ എന്നെഴുതിയിരിക്കുന്നു. സമയം രാവിലെ ഏഴര. വീടിനകത്തു നിന്നും ഫോണിൽ അലറാം മുഴങ്ങി. പ്രായമായ ഒരാൾ അത് ഓഫ് ചെയ്തു പതിവുകർമ്മങ്ങൾക്കിറങ്ങി. ഏകദേശം നാൽപ്പത്തിയേഴു വയസ്സു പ്രായമുണ്ട് അയാൾക്ക്. മുടി നരച്ചിട്ടുണ്ടെങ്കിലും ഡൈ ചെയ്ത് ഇപ്പോഴും യവ്വനം കാത്തു സൂക്ഷിക്കുന്നു. അയാൾ എന്നത്തേയും പോലെ അടുക്കളയിൽ കയറി ചായ തിളപ്പിക്കാൻ തുടങ്ങി.