??__സുനന്ദാ__?? ( The Alternate Version) [??????? ????????] 329

അങ്ങനെ പദ്മയുടെ പ്രസവമടുത്തു വന്നതോടെ, ഭാർഗവ് അവളെ തന്റെ സഹ പ്രവർത്തകരായ സുഹൃത്തുകളുടെ സഹായതോടെ ഹോസ്പിറ്റലിലേക്ക് കൊണ്ടുപോയി. എന്നാൽ ഗർഭത്തിലെ ചില സങ്കീർണതകൾ മൂലം, പദ്മയെ സിസേറിയനു വിധേയമാക്കണമെന്ന് ഡോക്ടർമാർ അയാളോട് ആവശ്യപ്പെട്ടു.

എന്നാൽ അയാൾ ആദ്യമത് സമ്മതിച്ചില്ലെങ്കിലും, പദ്മയുടെയും, സഹപ്രവർത്തകരായ സുഹൃത്തുക്കളുടെയും നിർബന്ധത്തിനു വഴങ്ങി അയാൾ അതിന് സമ്മതിച്ചു.

എന്നാൽ ഓപ്പറേഷന് ശേഷം അയാളെ തേടിയെത്തിയത്, ഓപ്പറേഷനിടയിൽ അമിത രക്തസ്രാവം മൂലം പദ്മ മരണപ്പെട്ടുവെന്ന വാർത്തയാണ്. സിസേറിയനിലൂടെ പുറത്തെടുത്ത കുഞ്ഞാകട്ടെ, പെട്ടന്ന് മരിച്ചുപോവുകയും ചെയ്തു.

അയാൾക്കാ വാർത്ത സഹിക്കാൻ കഴിയുമായിരുന്നില്ല. തന്റെ പ്രിയപ്പെട്ടവൾക്ക് പിന്നാലെ പോകാൻ അയാൾ തീരുമാനിച്ചെങ്കിലും സുനന്ദയ്ക്ക് താൻ പോയാൽ ഇനി ആരാണുള്ളത്… എന്ന ചിന്ത അയാളെ അലട്ടിയതോടെ ഭാർഗവ് ആത്മഹത്യാ ചിന്ത ഉപേക്ഷിച്ച്, നാടുവിട്ടു നന്ദയുമായി മുംബൈയിലെത്തി.

മുംബൈയിലെത്തിയ അയാളെ മുംബൈ ഡബ്ബാവാലാ അസോസിയേഷനിൽ അംഗമാവാൻ സഹായിച്ചത് എന്റെ വീട്ടുടമസ്ഥനായ വികാസായിരുന്നു. അങ്ങനെ, പതിനഞ്ച് വർഷങ്ങളായി, വികാസിന്റെ സുഹുത്തും മുംബൈ നഗരത്തിന്റെ ഡബ്ബാവാലാകളിലൊരാളുമാണ് ഭാർഗവ് ശേഖർ.

അങ്ങനെ അയാളുടെയും, മകളുടെയും കഥ കേട്ടു കഴിഞ്ഞപ്പോൾ എനിക്ക് ഹൃദയത്തിൽ എന്തെന്നില്ലാത്ത ഒരു വിങ്ങൽ അനുഭവപ്പെട്ടു.തണുത്ത കടൽ കാറ്റ്, അതിന്റെ തീവ്രത കൂട്ടിയതേയുള്ളു. അയാളോട് വല്ലാത്തതൊരു

സാഹാനുഭൂതിയാണ് എനിക്ക് തോന്നിയത്.

അൽപം കഴിഞ്ഞു നോക്കുമ്പോൾ അയാൾ കണ്ണുകൾ തുടയ്ക്കുന്നതാണ് ഞാൻ കണ്ടത്. ഞാൻ പറഞ്ഞു :

“ഏയ്‌ ഭാർഗവ് ഭയ്യാ.. എന്താ ഇത് …! അങ്ങെന്തിനാണ് കരയുന്നത് ??? ”

“ഹേയ് ഒന്നുമില്ല കുഞ്ഞേ.. ഞാൻ എന്റെ മകളുടെ കാര്യം ഓർത്തു പോയതാണ്…

മോനെ അരുൺ, നിനക്കറിയാമല്ലോ ഞാൻ പറഞ്ഞത് പോലെ അവൾ എന്റെ മകളല്ല…”