💛💫__സുനന്ദാ__💫💛 ( The Alternate Version) [അശ്വിനികുമാരൻ] 1053

അതിനയാൾ തന്ന മറുപടി, ഒരുതരം നിസംഗതയുള്ള നോട്ടമായിരുന്നു. അയാളുടെ ആ നോട്ടത്തിൽ തന്നെ എനിക്ക്, ഭാർഗവിനെ കുറിച്ചും, മകൾ സുനന്ദയെക്കുറിച്ചും ചില കാര്യങ്ങൾ ഒളിഞ്ഞു കിടക്കുന്നതായി മനസ്സിലായി.

ആ പെൺകുട്ടിയുടെ അമ്മയ്ക്കും സഹോദരങ്ങൾക്കും എന്ത്

സംഭവിച്ചിരുന്നിരിക്കാം എന്ന് ഞാൻ ചിന്തിക്കാറുണ്ടായിരുന്നു.

അവൾ അനാഥയാണെന്നും, ഭാർഗവ് അവളെ എടുത്തു വളത്തിയതാണെന്നും അതുമല്ലങ്കിൽ അവളുടെ അമ്മ അവളെ പ്രസവിച്ചതിനു ശേഷം മരിച്ചുപോയതായിരിക്കും എന്നു വെറുതെ ഞാൻ കണക്കുകൂട്ടി. നമ്മൾ മലയാളികളുടെ ഒരു സ്വഭാവമാണല്ലോ അത് ആവശ്യമില്ലാത്ത കാര്യത്തെ പറ്റി ഓരോന്നും ചിന്തിച്ചു കൂട്ടുന്നത്.

എന്റെ സങ്കല്പ കഥയിൽ അവർ

വളരെയധികം സന്തുഷ്ടരായ കുടുംബമായിരുന്നു. പക്ഷെ യാഥാർത്ഥ്യത്തിൽ അവർ അതീവ ദുഃഖിതരായി കാണപ്പെട്ടിരുന്നു. എന്നിരുന്നാലും അവരുടേതായ ലോകത്തവർ സന്തുഷ്ടരായിരുന്നു.

രാവിലെ തന്നെ പുഞ്ചിരി വിരിയിച്ച മുഖത്തോടെ അയാൾ വീടുകൾ തോറും കയറിയിങ്ങുമായിരുന്നു. ചില ദിവസങ്ങളിൽ ആ പെൺകുട്ടിയും അയാളോടൊപ്പം കാക്കി കുപ്പായവുമണിഞ്ഞു ജോലിക്ക് പോകുന്നതായി കാണാം. അവളും വളരെ പ്രസന്നവദനയായി കാണപ്പെട്ടിരുന്നു.

ഒരു വരാന്ത്യ ദിവസം, ഞാനയാളെ അവിചാരിതമായി, ദാദർ ബീച്ചിൽ വെച്ച് കണ്ടു മുട്ടി.

അയാൾ എന്നോട് മാറാത്തിയിൽ കുശാലനെഷ്വണം നടത്തി. ഞാൻ ഹിന്ദിയിൽ തിരിച്ചും. ഭാർഗവ് വളരെയധികം സംസാരിക്കുന്ന ഒരാളായിരുന്നു. അയാൾ അയാളുടെ ജീവിതത്തെ കുറിച്ച് പറഞ്ഞു :

ഭാർഗവ് ശേഖറിന്റെ കുടുംബം, അറുപതുകളിൽ ഗുജറാത്തിൽ നിന്ന് നാസിക്കിലേക്ക് കുടിയേറിയവരാണ്. ഭാർഗവിന്റെ അച്ഛൻ ശേഖർദാസും അയാളെ പോലെ ഒരു ഡബ്ബാവാലായായിരുന്നു.