💛💫__സുനന്ദാ__💫💛 ( The Alternate Version) [അശ്വിനികുമാരൻ] 1054

‘ഭാഗവാനേ… ഇവരിത് എങ്ങനെയറിഞ്ഞു….’

എന്താ അരുൺ, ദീദി പറഞ്ഞത് കേട്ടില്ലേ…??? നീയെവിടെയൊക്കെ പോയി ??? വികാസ് ഭൈയ്യായും കൂടെ കളത്തിലിറങ്ങി.

“അത് പിന്നെ.. ഞാൻ… ഞാൻ അവളെ സിനിമ കാണിക്കാൻ കൊണ്ടുപോയതേയുള്ളു.. വേറെ ഒന്നുമില്ല. ഹി ഹി”

ഞാനൊന്നു ഇളിച്ചു കാണിച്ചിട്ട് വേഗം തന്നെ മുകളിലേക്ക് ഓടികയറി.

“ഞങ്ങൾ എല്ലാം മനസിലാക്കി.. കേട്ടോ.. കുറച്ച് മുൻപ് നിന്റെ നന്ദ എന്റെ പെങ്ങളെ ഇന്ന് നടന്ന കാര്യങ്ങളൊക്കെ വിളിച്ചു പറഞ്ഞായിരുന്നു കേട്ടോ …” വികാസ് ഭൈയ്യായുടെ മകൻ, ഇന്ദ്രജിത്ത് പറഞ്ഞു.

ഇന്ദ്രജിത്ത് റെയിൽവേയിൽ ക്ലർക്കാണ്.

‘ഹോ ഈ പെണ്ണിന് ഇത് എന്തിന്റെ കേടാ…???’

ഞാനതും കേട്ട്, മനസ്സിൽ പിറുപിറുത്തു കൊണ്ട് മുകളിലേക്ക് കേറിപ്പോയി…

എന്നിരുന്നാലും സുനന്ദയുമായുള്ള എന്റെ ബന്ധം നാൾക്കുനാൾ വളർന്നു…

അപ്പോഴേ എനിക്ക് മനസിലായി, ഇത് പ്രേമത്തിലോട്ടാണ് നീങ്ങുന്നതെന്നു. ‘എന്തായാലും വരുന്നത് വരട്ടെ’ എന്ന് ഞാനും തീരുമാനിച്ചു കഴിഞ്ഞിരുന്നു.

ആ ദിനത്തിന് ശേഷം, പിനീടങ്ങോട്ടുള്ള ഓരോ ആഴ്ചയിലും ഞാൻ പതിവായി നന്ദയെ കാണാനിറങ്ങി. ഞാൻ അവിടെ വരുന്നത്, സുനന്ദയെ കാണാനാണെന്നു ഭാർഗവിനു മനസിലായിയെങ്കിലും,

അദ്ദേഹം എതിരൊന്നും പറഞ്ഞില്ലെന്നു മാത്രമല്ല ഞങ്ങൾക്ക് തമ്മിൽ കാണുവാനുള്ള സാഹചര്യങ്ങൾ അദ്ദേഹം ഒരുക്കി തരുകയും ചെയ്തു.

അങ്ങനെ ഞാനും സുനന്ദയും തമ്മിലുള്ള ആ ബോയ്ഫ്രണ്ട് – ഗേൾഫ്രണ്ട് ഷിപ്പ് അനസ്യൂതം മുന്നോട്ട് ഒഴുകി പുതിയ തീരങ്ങൾ തേടുന്നതിനിടയിലായിരുന്നു ; മഹാരാഷ്ട്രയെ നടുക്കിയ ആ വാർത്ത വന്നത്…

മാറത്തകളുടെ ആത്മാഭിമാനമായ മഹാരാഷ്ട്രയിലെ ഗർജിക്കുന്ന കടുവ, അനുയായികളുടെ പ്രിയപ്പെട്ട

ബാലേസാഹേബ്, ഇന്ന് ഉച്ചയ്ക്ക് മൂന്നരയോടെ സ്വവസതിയായ മാതോശ്രീ- യിൽ വെച്ച് അന്തരിച്ചു.