💛💫__സുനന്ദാ__💫💛 ( The Alternate Version) [അശ്വിനികുമാരൻ] 1054

ഞാനാ ഗ്ലാസ്സ് മേടിച്ചു. എന്നിട്ട് അതിലെ ജ്യൂസ്‌ ഫുൾ കുടിച്ചു തീർത്തു… അത് കണ്ടതും പെണ്ണിന്റെ കണ്ണുകളിൽ ഒരു തിളക്കവും, ചുണ്ടിൽ ഒരു ചെറുചിരിയും ഞാൻ കണ്ടു… പക്ഷേ അവളത് പുറത്ത് കാണിച്ചില്ല.

‘ഹ്മ്മ് ഇവൾ പഠിച്ച കള്ളിയാണല്ലോ… കണ്ടില്ലേ എന്നെ വട്ടം ചുറ്റിക്കുന്നത്..’ ഞാൻ അവളുടെ മുഖത്തേക്ക് നോക്കി ചിന്തിച്ചു.

അപ്പോഴേക്കും ഭാർഗവ് അവിടേക്ക് വന്നു… നോ നരച്ച മുടി…! ഫുൾ ബ്ലാക്ക് മുടി ആയിരുന്നു പുള്ളിയുടെ തലയിൽ.

“എങ്ങനെയുണ്ട് ജ്യൂസ്‌ ???

… ഇവൾ ജ്യൂസ്‌ ഒക്കെ ഉണ്ടാക്കാൻ മിടുക്കിയാണോ അരുൺ…??? ”

വന്നയുടനെ ഭാർഗവ് പാതി കാര്യമായും പാതി കളിയായും എന്നോട് ചോദിച്ചു.

” ഹാ കുഴപ്പമില്ല… സുനന്ദയ്ക്കു ജ്യൂസ്‌ ഒക്കെ ഉണ്ടാക്കാൻ അറിയാമല്ലോ…

“അത് കേട്ടതും ഭാർഗവ് പൊട്ടി ചിരിക്കാൻ തുടങ്ങി.

അതോടെ എനിക്കും ചിരിവന്നു. ഇത്രയുമായതോടെ സുനന്ദ മുഖം കറുപ്പിച്ചു, എന്തോ പിറുപിറുത്തു കൊണ്ട് എന്റെ കൈയിലിരുന്ന ഗ്ലാസ്സ് തട്ടി പറിച്ചു വാങ്ങിയിട്ട് അടുക്കളയിലേക്ക് ചവിട്ടി തുള്ളികൊണ്ട്, ഞാൻ പ്രിയയുടെ വീട്ടിൽ വെച്ച് അവളിൽ കണ്ട അതേ ഭാവത്തോടെ കടന്നു പോയി.

ങ്ങേ…! സുനന്ദയുടെ ആ പോക്ക് കണ്ടിട്ട് ഞാൻ അന്തം വിട്ടു പോയി. അത് കണ്ടിട്ടാകണം ഭാർഗവ് ഇങ്ങനെ പറഞ്ഞു :

“അതൊന്നും കാര്യമാക്കണ്ട അരുൺ. അവൾ എപ്പോഴും ഇങ്ങനെയാണ്.”

“അവളെ സ്നേഹിക്കുന്നവരോ, അവൾ സ്നേഹിക്കുന്നവരോ ആയിട്ടുള്ളവർ അവളോട് എന്തെങ്കിലും തരത്തിൽ ഇതു പോലെ പറയുകയോ പെരുമാറുകയോ ചെയ്താൽ അവളുടെ സ്വഭാവം ഇങ്ങനെയാകും.