??__സുനന്ദാ__?? ( The Alternate Version) [??????? ????????] 326

അന്ന്, ബീച്ചിൽ വെച്ച് ഞാനും ഭാർഗവും തമ്മിലുള്ള കൂടികാഴ്ച്ചയ്ക്കിടെ, ഭാർഗവ് അയാളുടെ വീടിന്റെ ലൊക്കേഷൻ പറഞ്ഞു തന്നിരുന്നു. അതനുസരിച്ചു ; ഞാൻ ഡബ്ബാവാലാ സ്ട്രീറ്റ് നമ്പർ ഇരുപത്തിമൂന്നിലെ ഒരു വീടിനു മുന്നിൽ ബൈക്ക് നിർത്തി.

ഞാൻ ആ വീടൊന്നു ആകപ്പാടെയൊന്നു നോക്കി…

കണ്ടാൽ ഒരു ചെറിയ, ഒരു നിലയുള്ള

വീടായിരുനു അത്. മുൻവശത്തെ വാതിൽ അടച്ചിട്ടിരിക്കുകയായിരുന്നു. ഞാൻ ബൈക്കിൽ നിന്നിറങ്ങി എന്നിട്ട് ; വീടിന്റെ കോളർ ബെലിൽ അമർത്തി.

കുറച്ച് നിമിഷങ്ങൾ കഴിഞ്ഞപ്പോൾ ഡോർ തുറക്കപ്പെട്ടു.

വാതിൽ തുറന്നയാളെ കണ്ട്, ഞാൻ അന്തം വിട്ടു നോക്കി നിന്നു പോയി.

സുനന്ദയായിരുന്നു അത്…

അതും ഞാൻ സാധാരണ കാണാറുള്ള വേഷത്തിലായിരുന്നില്ല അവൾ. പകരം, മോഡേൺ ന്യൂജൻ പെൺപിള്ളേരെ പോലെ ജീൻസും ചെക്ക് ഷർട്ടുമായിരുന്നു വേഷം. ടോട്ടലി ഒരു മുംബൈ പെൺകുട്ടി തന്നെയാണ് സുനന്ദ…

“ഖൊ… ഖൊ… ഹലോ സർ.. എങ്ങോട്ടാ നോക്കുന്നത്…” എന്റെ നോട്ടം അവളുടെ മുഖത്തേക്കായിരുന്നെങ്കിലും , അവൾക്ക് എന്തോ പന്തികേട് തോന്നിയത് കാരണം ഒന്നു ചുമച്ചു.

“ഹേയ് ഒ…ന്നുമില്ലാ സോറി …! ” ഞാൻ വിക്കി വിക്കി പറഞ്ഞു.

“മ്മ് എന്താ വന്നത്…. നിങ്ങൾ പ്രിയങ്കയുടെ വീട്ടിലെ മലയാളിയായ വാടകക്കാരനല്ലേ…??? ഇവിടെ എന്താ കാര്യം.??? അവൾ എന്നെ വിടുന്ന മട്ടില്ല.

“ആരാ മോളേ അത്…??? അരുൺ ആണോ അത്..??? ”

വീടിനകത്തു നിന്നു ഭാർഗവിന്റെ മുഴക്കമുള്ള സ്വരം കേട്ടു.

“അത് ബാപ്പുജി… ഇത് അയാളാണെന്നു തോന്നുന്നു.” അവൾ അകത്തേക്ക് നോക്കികൊണ്ട് പറഞ്ഞു.