💛💫__സുനന്ദാ__💫💛 ( The Alternate Version) [അശ്വിനികുമാരൻ] 1054

” ഭാർഗവ് ഭൈയ്യാ, ഇത് ഞാനാണ് അരുണോദയ്…”

“അയ്യോ ആണോ…നന്ദ മോളേ അദ്ദേഹത്തെ അകത്തേക്ക് ക്ഷണിക്കൂ…”

“അരുൺ ഇന്ന് നമ്മുടെ അതിഥിയാണ്.”

ഭാർഗവിന്റെ വാക്കുകൾ കേട്ട് , അവൾ തെല്ലൊന്നു അടങ്ങിയെങ്കിലും അവൾ എന്നെ അകത്തേക്ക് വിളിക്കും മുൻപ് ദഹിപ്പിക്കും വിധം തന്റെ വെള്ളാരം കണ്ണുകൾ കൊണ്ട് എന്നെ കൊത്തിവലിക്കാനും അവൾ മറന്നില്ല.

ഞാൻ വല്ലാതെയങ്ങു ചൂളിപ്പോയി.

അകത്തേക്ക് കയറിയ ഞാൻ അവിടെ കണ്ട സോഫയിൽ ഇരുന്നു…

അപ്പോൾ ദാ വരുന്നു ഭാർഗവ് ഭൈയ്യ, ഒരു കൈയിൽ ബൗളും മറു കൈയിൽ ബ്രഷുമായിട്ട്.

“ഹായ്, ഗുഡ് മോർണിംഗ് അരുൺ…! വഴിയൊക്കെ കണ്ടു പിടിക്കാൻ ബുദ്ധിമുട്ടിയോ ???…”

“ഇല്ല ഭൈയ്യാ.. ഒരു ബുദ്ധിമുട്ടുമില്ലായിരുന്നു… ” ഞാൻ ചിരിച്ചുകൊണ്ട് പറഞ്ഞു.

ങ്ങാ ശെരി.. മോളേ അരുണിന് നീ എന്തെങ്കിലും കുടിക്കാൻ കൊടുക്ക്. അരുൺ, ഞാൻ ഇപ്പോൾ വരാം. എന്റെ മുടി കണ്ടില്ലേ.. ഡൈ ചെയ്യുകയായിരുന്നു.. ഒരു പത്ത് മിനിറ്റ്. ഇപ്പോൾ വരാം.

അയാൾ അകത്തേക്ക് കേറിപോയി.

ഞാനാണെങ്കിൽ സുനന്ദയുടെ മുന്നിൽ ഇരുന്നു വിയർത്തു… എന്താണെന്നു വെച്ചാൽ അവൾ അത്രയും നേരം എന്നെ തറഞ്ഞു നോക്കി കൊണ്ടിരിക്കുകയായിരുന്നു. നമ്മൾക്ക് പിന്നെ എന്ത് ചെയ്യാൻ പറ്റും. ഇങ്ങനെ ഇരിക്കാനല്ലേ പറ്റുകയുള്ളു.

“ഹാവൂ വല്ലാത്ത ദാഹം…” ഞാൻ പരവശത അഭിനയിച്ചു കൊണ്ട് പിറുപിറുത്തു.

അത് കേട്ടതും അവൾ നേരെ അടുക്കളയിൽ പോയി, ഒരു ഗ്ലാസ്സ് ജ്യൂസ് തയ്യാറാക്കി കൊണ്ട് വന്നിട്ട്; ഗൗരവത്തോടെ എന്റെ നേർക്ക് നീട്ടി…