💛💫__സുനന്ദാ__💫💛 ( The Alternate Version) [അശ്വിനികുമാരൻ] 1054

അമ്മയെനിക്ക് ചില ഉപദേശങ്ങളും മറ്റും നൽകി ഫോൺ വെച്ചതോടെ, എനിക്ക് സുനന്ദയെ കാണണമെന്ന് തോന്നി.

 

താഴെയെത്തിയപ്പോൾ, അവൾ അവിടെയുണ്ടായിരുന്നു… എന്റെ നന്ദ..

സോഫയിലിരുന്നു പ്രിയയുമായി സംസാരിച്ചു കൊണ്ടിരിക്കുകയായിരുന്നു അവൾ.

 

ഞാൻ വരുന്നത് കണ്ട് പ്രിയ അവിടെ നിന്നും മാറി. ഞാൻ നന്ദയുടെ അടുക്കലിരുന്നു. എന്ത് സംസാരിക്കണമെന്ന് അറിയാൻ മേലാത്തത് കൊണ്ട് ഇത്ര മാത്രം ;

ഞാൻ അവളോട്, അവളുടെ കണ്ണുകളിലേക്ക് നോക്കികൊണ്ട് ചോദിച്ചു. :

 

“സുനന്ദയ്ക്ക് എന്റെ ജീവിതത്തിലേക്ക്, എന്റെ തണലായി നിൽക്കാൻ ആഗ്രഹമുണ്ടോ…??? ഞാൻ നിന്നെ സംരക്ഷിക്കുമെന്ന് ഉറപ്പ് തരുന്നു.”

അവൾ ഒന്നും മിണ്ടിയില്ല.. താല്പര്യമുണ്ടെന്നു മാത്രം തലയാട്ടി.

 

“പ്രോമിസ്???” ഞാൻ എന്റെ കൈ അവൾക്കരികിലേക്ക് നീട്ടി.

 

എന്റെ കൈയിൽ അവൾ തന്റെ കൈ ചേർത്തു, പ്രോമിസ് ചെയ്തു. ഞാൻ അവളെ ചേർത്തു പിടിച്ചു. അവൾ എന്നെ നോക്കിയൊന്നു പുഞ്ചിരിച്ചു. എനിക്ക് ജീവിതത്തോട് നന്ദി തോന്നി. ആ നിമിഷത്തോട് നന്ദി തോന്നി. ആ കൈകളോട് നന്ദി തോന്നി.

 

ആദ്യമായി ഞാൻ എന്നോടു തന്നെ പറഞ്ഞു. ഇനി നീ തനിച്ചല്ല… ഇനിയുള്ള ജീവിതയാത്രയിൽ നിനക്ക് കൂട്ടായി ഞാനുണ്ടാകും കൂടെ.

 

ഏതാനും ആഴ്ചകൾക്ക് ശേഷം…

 

 

രാത്രിയിൽ സുനന്ദയോടൊപ്പം നാട്ടിലേക്കുള്ള ട്രെയിനിലിരിക്കുമ്പോൾ വരാൻ പോകുന്ന, നാട്ടുകാരുടെ ചോദ്യങ്ങളെയും ബന്ധുക്കളുടെ ആരോപണങ്ങളെയും, അച്ഛന്റെ ശകാരത്തെയും ഞാൻ ഒട്ടും തന്നെ ഭയന്നില്ല. അതുണ്ടാകുമെന്ന അറിവുണ്ടെങ്കിലും.

 

പ്രതികൂലമോ അനുകൂലമെന്നോ ഇല്ലാതെ സാഹചര്യങ്ങൾക്ക് മാത്രം നൽകാൻ സാധിക്കുന്ന ചില ശക്തികളുണ്ട്. അന്നുവരെ ദുർബ്ബലമെന്നു കരുതിയ ചിന്തകളെപ്പോലും അതു ജ്വലിപ്പിക്കും. അതിശയിപ്പിക്കുംവണ്ണം പ്രവർത്തികളെ താങ്ങിനിർത്തും.

 

സ്ലീപ്പർ ബെർത്തിലെ സീറ്റിൽ ചുരുണ്ടു കൂടി കിടന്ന അവളെ ഒരു ബ്ലാങ്കറ്റ് കൊണ്ട് ഞാൻ നന്നായി പുതപ്പിച്ചു. ഞാൻ അവളുടെ സിന്ദൂരമണിഞ്ഞ സീമന്തരേഖയിലൊന്നു മൃദുലമായൊന്നു ചുംബിച്ചു. എന്നിട്ട് കണ്ണുകളടച്ചുറങ്ങുന്ന അവളെ നോക്കി…

 

അപ്പോൾ ഞാനവൾക്ക് നൽകിയ ചുംബനത്തിന്റെ പ്രതിഫലനമെന്നോണം അവളുടെ കഴുത്തിലെ താലി തിളങ്ങികൊണ്ടിരുന്നു…

ശുഭം…

ഈ കഥ, യഥാർത്ഥത്തിൽ ഒരു സീരീസ്  ആയിട്ട്  ഇറക്കാനായിരുന്നു, തീരുമാനിച്ചിരുന്നത്… എന്നാൽ തിരക്കുകൾ മൂലം അതിന് സാധിക്കാതെ വന്നതോടെ, ഈ കഥ first Glimpses വേർഷനിലേക്ക് മാറ്റേണ്ടി വന്നു. (  ഇനിയും ബാക്കിയാണ്  അരുണിന്റെയും  സുനന്ദയുടെയും ജീവിതം ).

ഇതിന്റെ Full Revised Version വേണമെനുണ്ടെങ്കിൽ, താഴെ കമന്റ്‌ ബോക്സിൽ പറയുക…. കൂട്ടത്തിൽ എന്തെങ്കിലും കുറ്റങ്ങളും കുറവുകളും ഉണ്ടെങ്കിൽ അതും പറയണേ… ?✨️❤️