??__സുനന്ദാ__?? ( The Alternate Version) [??????? ????????] 328

വാർത്തകൾ വന്നു തുടങ്ങിയതോടെ നാട്ടിൽ നിന്ന് അമ്മ വിളിച്ചു. “വല്ല പ്രശ്നോമൊണ്ടാകുന്നേനു മുന്നേ നീ ആ കുട്ടിയേം കൂട്ടി ഇങ്ങു പോന്നരെ”ന്നു അമ്മ ഫോണിലൂടെ ഓർമ്മിപ്പിച്ചു.

“അത് പ്രശ്നമുണ്ടാകുമ്പോഴല്ലേ… അപ്പോൾ നോക്കാമെന്നു ” ഞാൻ പറഞ്ഞിട്ട് ഫോൺ വെച്ചു.

എപ്പോൾ വേണമെങ്കിലും കലാപമുണ്ടാകാമെന്ന് മുന്നറിയിപ്പുണ്ടെന്ന് വീട്ടുടമസ്ഥൻ എന്നോട് പറഞ്ഞു. അന്ന് വൈകിട്ട് ഞാൻ പുറത്തേക്കിറങ്ങാതെ വീട്ടിൽ തന്നെയിരുന്നു.

അനുയായികളും പാർട്ടി പ്രവർത്തകരും നേതാവിന്റെ മരണത്തിൽ വിലപിക്കുമ്പോൾ, സാമൂഹിക മാധ്യമങ്ങളും, വാർത്താമാധ്യമങ്ങളുമാകട്ടെ അനുശോചന പോസ്റ്റുകളും,

എക്സ്ക്ലൂസീവുകളുമായി മരണം ആഘോഷിക്കുന്നു.

ഇതൊന്നും കേൾക്കാൻ താല്പര്യമില്ലാതെ ഞാൻ മുകളിൽ പോയി മുറി അടച്ചിരുന്നു, എബിൻ അലക്സാണ്ടറിന്റെ – ‘പ്രൂഫ് ഓഫ് ഹെവൻ’ വായിച്ചു. ഇപ്പോൾ ഇറങ്ങിയ പുസ്തകമാണത്. നിയർ ഡെത്ത് എക്സ്പീരിയൻസ്. അഥവാ ഒരാൾ അയാളുടെ മരണം അനുഭവിക്കുന്ന അവസ്ഥയെ കുറിച്ച്, ഒരു ന്യൂറോസർജന്റെ സ്വന്തം അനുഭവത്തിലൂടെ വിവരിക്കുന്ന ഒരു പുസ്തകം.

പിറ്റേന്ന് ഞാൻ ലീവ് എടുക്കാൻ തീരുമാനിച്ചിരുന്നു. ഇന്ന് രാവിലെ മുതൽ തന്നെ നഗരം സ്തംഭിച്ചിരിക്കുകയാണ്. പ്രെതേകിച്ചും, ശിവജി പാർക്കും, അതിന് ചുറ്റുമുള്ള സമീപപ്രദേശങ്ങളും കനത്ത പോലീസ് കാവലിലാണ്…

കാരണം ശിവജി പാർക്കിലാണ്, മാറാത്തയുടെ ഹൃദയ സാമ്രാട്ടിനു ചിത്തയൊരുങ്ങുന്നത്. ഇന്ദ്രജിത്തും, വികാസ് ഭൈയ്യായും എന്തോ ആവശ്യത്തിന് പുറത്തേക്ക് പോയിരിക്കുകയായിരുന്നു.

രാവിലെയുള്ള വ്യായാമത്തിനിടെ താഴെ ആരോ ഡോറിൽ മുട്ടുന്നതും, ഡോർ തുറന്ന നിർമൽ ദീദിയുടെ ഞെട്ടലോടുള്ള നിലവിളിയും സുനന്ദയുടെ കരച്ചിലും കേട്ടാണ് താഴേക്ക് ഞാൻ ഓടിച്ചെന്നത്. അപ്പോൾ ഞാൻ കണ്ടത്, വീട്ടുപടിവാതിൽക്കൽ, നിസ്സഹായമായ അവസ്ഥയിൽ നിൽക്കുന്ന സുനന്ദയെയാണ്.