??__സുനന്ദാ__?? ( The Alternate Version) [??????? ????????] 329

‘മ്മ്.. അപ്പോൾ അങ്ങനെയാണ് കാര്യം.’ എനിക്ക് എന്തൊക്കയോ കാര്യങ്ങൾ പിടികിട്ടി തുടങ്ങി.

അങ്ങനെ ഞങ്ങളിരുവരും ഇവിടെത്തെയും എന്റെ നാട്ടിലെയും കാര്യങ്ങളും മറ്റും സംസാരിച്ച് സമയം പോയതറിഞ്ഞില്ല. സമയം ഏകദേശം ഒന്നര ആയപ്പോൾ സുനന്ദ ഞങ്ങളെ ഭക്ഷണം കഴിക്കാൻ വിളിച്ചു.

ഞാനപ്പോൾ തിരികെ വീട്ടിലേക്ക് പോവാനൊരുങ്ങിയെങ്കിലും, സുനന്ദ ഭക്ഷണം കഴിക്കാൻ എന്നെ നിർബന്ധിച്ചത് കാരണം ഞാനും അവരോടൊപ്പം കഴിക്കാന്നിരിനു.

പക്ഷേ എനിക്ക് ഒന്നും തന്നെ കഴിക്കാൻ സാധിച്ചിരുന്നില്ല കാരണം ഞാൻ ഇതു പോലെ വാരാന്ത്യ ദിനങ്ങളിൽ സാധാരണ ഭക്ഷണം കഴിക്കാറുള്ളത് ഇവിടെ നഗരത്തിൽ തന്നെയുള്ള ഒരു മലയാളി ഹോട്ടലിൽ നിന്നായിരുന്നു…

കാരണം നോർത്ത് ഇന്ത്യൻസിന്റെ ഭക്ഷണവും ഭക്ഷണരീതികളും സൗത്ത് ഇന്ത്യൻസിനു especially മലയാളികൾക്ക് പിടിക്കില്ലല്ലോ…

ഇവിടെത്തെ എണ്ണയും മധുരവും നിറഞ്ഞ ഭക്ഷണത്തെക്കാളും എത്രയോ ഭേദമാണ് മലയാളി ഹോട്ടലിലെ ഭക്ഷണം.

ഞാൻ ഭക്ഷണം കഴിക്കാതെ ഇരിക്കുന്നത് കണ്ടപ്പോൾ രണ്ടുപേരും എന്നോട് കാര്യമന്വേഷിച്ചു. ഞാൻ ഉള്ള കാര്യമങ്ങു പറഞ്ഞു.

അത് കേട്ടപ്പോൾ രണ്ടുപേരുടെയും മുഖത്തെ തെളിച്ചം മങ്ങി. പ്രെതേകിച്ചും സുനന്ദയുടെ മുഖത്തെ വോൾട്ടേജ് കുറഞ്ഞത് ഞാൻ കണ്ടു.

“അങ്ങനെയാണെങ്കിൽ മോൻ ഹോട്ടലിൽ പോയി കഴിച്ചോ… മോളേ നിനക്ക് അരുണിനോടൊപ്പം ഔട്ടിങ്ങിനു പോകാൻ താല്പര്യമുണ്ടോ…???”

ആ ചോദ്യം കേട്ട് ഞാനൊന്നു ഞെട്ടി… ഞാൻ മാത്രമല്ല സുനന്ദയും ഞെട്ടിപോയി.

“അത്…!”

അവൾ അൽപ്പനേരമൊന്നു ആലോചിച്ച ശേഷം പറഞ്ഞു : ഉവ്വ് ബാപ്പുജി.. എനിക്ക് താല്പര്യമുണ്ട്.

ങേഹ്… ഇതെന്താ… ഇവൾ ഇങ്ങനെയൊക്കെ പറയുന്നത്…! ഇങ്ങേര് ഇത് എന്തോന്നാ പറയുന്നത്.. ഞാൻ നന്ദയേം കൊണ്ട് ഔട്ടിങ്ങിനു പോകണമെന്നു പറയാൻ ഭാർഗവ് ശേഖർ ആരാ എന്റെ അമ്മായിയപ്പന്നോ, സുനനന്ദാ ശേഖർ എന്റെ ഭാര്യ വല്ലതും ആണോ.