അപരാജിതന്‍ 27 [Harshan] 9790

അപ്പോളേക്കും അനൗൺസ്‌മെന്റ് വീണ്ടും തുടങ്ങി.

വണ്ടികളിൽ നമ്പർ ഒട്ടിച്ചു കൊണ്ട് വരികയാണ്

സംഘാടകർ വന്നു വണ്ടികളിൽ നമ്പർ ഒട്ടിച്ചു കൊണ്ടിരുന്നു

“സിവെല്ലൂരി ഗോവിന്ദ റെഡ്ഢി ,,,,,,,,,,,,” എന്ന് മുഴക്കമുളള ശബ്ദത്തിൽ ഒരു വിളി ഉയർന്നു

അദ്ദേഹം തിരിഞ്ഞു നോക്കി

മുണ്ടും മടക്കി കുത്തി ഷർട്ടും പിരിച്ചു മുകളിലേക്ക് കയറ്റി കാളവണ്ടിയിൽ ഇരുന്നുകൊണ്ട് ചമ്മട്ടിയും കയറും പിടിച്ചു ആദിയായിരുന്നു

“ഇരുപതു കൊല്ലം മുന്നേ വണ്ടി ഓട്ടിയിരുന്ന ആളല്ലേ ,,ധൈര്യമുണ്ടോ ഇനിയും ഒരങ്കത്തിന് ,, ഉണ്ടെങ്കിൽ വാ ,,,നമ്മളോടിക്കും ഈ വണ്ടി ,, സിവെല്ലൂരി കുടുംബ ഗൗരവത്തിനു വേണ്ടി ,,,,,”

അദ്ദേഹം ഒന്നും പറയാതെ തിരിഞ്ഞു നടന്നു

“അപ്പൊ ,,ധൈര്യമില്ലല്ലേ ,, എന്നാൽ കേട്ടോ ,, ജയിച്ചാലും തോറ്റാലും ഈ വണ്ടി ഞാനോടിക്കും ,,,, കുടുംബത്തിന്‍റെ മാനത്തിനു വില കൊടുക്കുന്നുണ്ടെ ,,എന്‍റെ കൂടെയിരി ,,,,,,,”

ആദി വീണ്ടും ഉറക്കെ പറഞ്ഞു

എന്നിട്ടു ജഗന്നാഥനെ ഒന്ന് നോക്കി

ജഗന്നാഥൻ എന്താ സംഭവിക്കുന്നത് എന്ന് മനസിലാകാതെ ഇരുവരെയും നോക്കി

“പോടാ “ എന്നു ആദി ജഗന്നാഥനെ നോക്കി പറഞ്ഞു.

അയാള്‍ കോപത്തോടെ അവനെയൊന്ന് നോക്കി എന്നിട്ട് കാര്‍ക്കിച്ചു തുപ്പി

മുന്നോട്ട് നടന്നിരുന്ന വൃദ്ധനായ സിവെല്ലൂരി ഗോവിന്ദ റെഡ്ഢി ഒന്ന് തിരിഞ്ഞു.

മീശ ഒന്നങ്ങു പിരിച്ചു

തോളിൽ മടക്കിയിട്ടിരുന്ന മുണ്ട് എടുത്ത് അരയിൽ കെട്ടി

തന്‍റെ വെള്ളമുണ്ട് മടക്കി കുത്തി ആദിക്ക് നേരെ നടന്നു വന്നു

മക്കൾ ഭയത്തോടെ അപ്പാ ,വേണ്ട എന്ന് പറഞ്ഞെങ്കിലും അത് കൂട്ടാക്കാതെ അദ്ദേഹം നടന്നു

ജഗന്നാഥ൯ അമ്പരപ്പൊടെ അദ്ദേഹത്തെ നോക്കി

അദ്ദേഹം ആദിയുടെ സൈഡിൽ വന്നു നിന്നു

കാളകളെ ഒന്ന് തലോടി

“അറിയാത്തവർ ഓട്ടണ്ട കളിയല്ല കാളയോട്ടം ,,,,പിന്നിലിരിയെടാ. നിന്നെ ഞാന്‍ പഠിപ്പിക്കും ഒരു പാഠം ” ഉറക്കെ അദ്ദേഹം ജഗന്നാഥനും കൂടെ അദ്ദേഹം കേൾക്കെ പറഞ്ഞു .

അത് കേൾക്കേണ്ട താമസം ഒരു കുസൃതിചിരി ചിരിച്ചുകൊണ്ട് ആദി പിന്നിലേക്ക് നീങ്ങിയിരുന്നു

അദ്ദേഹം മുന്നിൽ കയറി ഇരുന്നു

വണ്ടിയും ബന്ധിപ്പിച്ച നുകവും കെട്ടിയ ഏർകാലിനു ഇരുവശത്തുമായി കാൽ വെച്ച് അതിനു കീഴെ കെട്ടിയ കയറിൽ കാൽ വെച്ചു , എന്നിട്ടു ചമ്മട്ടി കൈയിലെടുത്തു.

ആദിയെ ഒന്നുനോക്കി

ആദി കൈ കൂപ്പി ചിരിച്ചു

“സിവെല്ലൂരി ഗോവിന്ദ റെഡ്ഢി ,,സൂപ്പർ സ്റ്റാർ ,,,,,,,ഇല്ലേ മുത്തശ്ശാ ” എന്ന് വിളിച്ചുകൊണ്ട് ജഗന്നാഥനെ ഒന്ന് നോക്കി ആദി കൈ ചൂണ്ടി നാവു കടിച്ചു അവനുള്ള ഭീഷണി അടയാളം കാണിച്ചുകൊണ്ട് പറഞ്ഞു