അപരാജിതന്‍ 27 [Harshan] 9784

അവിടെ ജഗന്നാഥന്‍റെ ഫ്ലെക്സ് പലയിടത്തും സ്ഥാപിച്ചിട്ടുമുണ്ട്.

കഴിഞ്ഞ നാല് വർഷമായി ജഗന്നാഥന്‍റെ കാളവണ്ടിയാണ് ഒന്നാം സ്ഥാനം നേടുന്നതും , അതിന്‍റെ പ്രൗഢിയും അഹംകാരവും വേണ്ടുവോളം ജഗന്നാഥനുണ്ട്.

സിവെല്ലൂരി കുടുംബത്തിന്‍റെ കാളകളും ഓട്ടത്തിനുണ്ട്.

ഇത്തവണ കിഴക്കൻ മലയിൽ നിന്നും നല്ല കാളയോട്ടവീരന്മാരെയാണ് സിവെല്ലൂരി കുടുംബം ചെല്ലും ചെലവും കൊടുത്ത് ഇറക്കിയിരിക്കുന്നത്. ജഗന്നാഥനെ തോൽപ്പിക്കുവാനായി.

ഇരുപതു വർഷം മുൻപ് വരെ സിവെല്ലൂരി ഗോവിന്ദ റെഡ്ഢിയാണ് കാളകളെ പായിച്ചു കൊണ്ടിരുന്നത്.

അന്ന് ഗോവിന്ദറെഡ്ഢി കളത്തിൽ ഇറങ്ങിയാൽ ഒന്നാം സ്ഥാനവും കൊണ്ട് മാത്രമേ വരാറുണ്ടായിരുന്നുള്ളൂ.

പക്ഷെ മക്കൾക്കാർക്കും ആ കഴിവ് കിട്ടിയിട്ടില്ല , പ്രായം ചെന്നപ്പോൾ ഗോവിന്ദ റെഡ്ഢി അതിൽ നിന്നുമെല്ലാം വിട്ടു മാറിയതാണ്

ഒരു വശത്തു നാഗസ്വര തകിൽ മേളങ്ങൾ

ഇപ്പുറത്തു വലിയ ധോൽ ഡ്രമ്മുകൾ മുഴങ്ങുന്നു

സ്റ്റാർട്ടിങ് പോയിന്റിൽ കാളവണ്ടികൾ അണിനിരന്നു.

രണ്ടു കാളകളെ നുകം കൊണ്ട് കെട്ടി മേൽക്കൂര മറയില്ലാത്ത തരം കാളവണ്ടികൾ

മുന്നിൽ കാളയെ പായിക്കുവാൻ ഒരാൾ ഇരിക്കും അയാളോടൊപ്പം ചേർന്ന് തന്നെ മറ്റൊരാളും .

രണ്ടുപേരാണ് ഒരു വണ്ടിയിൽ കാളകളെ നയിക്കുവാൻ ഉണ്ടാകുന്നത്.

അവർ സ്റ്റേജിൽ ഇരിക്കുമ്പോളാണ് കറുത്ത മുണ്ടും കയില്ലാത്ത ചുവന്ന ബനിയനും ധരിച്ചു കൊണ്ട് ജഗന്നാഥൻ ആ സ്റ്റേജിനു മുന്നിലുള്ള വയൽ കളത്തിൽ വന്നത്.

അവൻ എല്ലാവരെയും നോക്കി

നിരുപമ അവനെ കണ്ടു വേഗം അവളുടെ മുത്തശ്ശിയുടെ പിന്നിലായി ഒളിച്ചു.

അവനെ കണ്ടു കോപത്തോടെ ഗോവിന്ദ റെഡ്ഢി എഴുന്നേറ്റു

“ഏയ് ,,,,പെരിയോരെ ,,,,, ഇന്ന് നിങ്ങൾക്ക് കാണാം ,, ഈ ജഗന്നാഥൻ തന്നെ ജയിക്കുന്നത് ,, സിവെല്ലൂരി കാളകൾക്കു ഈ ജഗനാഥനെ തോൽപ്പിക്കാനുള്ള ആയം വന്നിട്ടില്ല ,,,ഇനിയൊരിക്കലും വരികയുമില്ല ,, ”

അതുകേട്ടു ദേഷ്യത്തോടെ ഗോവിന്ദറെഡ്ഢിയുടെ മക്കൾ എഴുന്നേറ്റു വന്നെങ്കിലും ഗോവിന്ദ റെഡ്ഢി കൈ കാണിച്ചു തടഞ്ഞു

“അത് കളത്തിൽ നമുക്ക് കാണാം ,,,,” ഗോവിന്ദ റെഡ്ഢി ഉറക്കെ മറുപടി പറഞ്ഞു

“ഓർമയിൽ വെച്ചോ,,പെരിയോരെ എന്‍റെയീ പേര് ,,,,,,,,,,ജഗന്നാഥൻ ,,,,,,, ” അയാൾ ഉറക്കെ പറഞ്ഞു

“എന്നിട്ട് അയാൾ നിരുപമയെ നോക്കി ,,കോപത്തോടെ കൈ ചൂണ്ടി

“നീയും ……നീയും ഓർത്തു വെച്ചോ ,,,,,”എന്നുപറഞ്ഞു കൊണ്ട് അയാൾ നടന്നകന്നു

ആദിക്ക് അന്നേരം ചാടി ഇറങ്ങി അയാളുടെ തല പൊളിക്കാനുള്ള ദേഷ്യം വന്നു എങ്കിലും അവൻ തത്കാലത്തെക്കു ശാന്തത വിടാതെ തന്നെ നിന്നു

സംഘാടകർ മൈക്കിലൂടെ അനൗൺസ്‌മെന്റ് തുടങ്ങി

മത്സരം കൃത്യം മൂന്നരയോടെ ആരംഭിക്കുമെന്നും വണ്ടികളെ നിരനിരയായി സ്റ്റാർട്ടിങ് ലൈനിനു പിന്നിലായി അണിനിരത്തുവാനും, അതുകേട്ടു പലയിടങ്ങളിലായി നിന്നിരുന്ന കാളവണ്ടികൾ നിരയായി വന്നു സ്റ്റാർട്ടിങ് ലൈനിനു പിന്നിലായി നിൽക്കുവാൻ തുടങ്ങി.