അപരാജിതന്‍ 27 [Harshan] 9784

ഉച്ച കഴിഞ്ഞു വേമാവരത്ത്

സിവെല്ലൂരി കുടുംബം അപ്പാടെ എല്ലാവരും മൈദാനവയലിലേക്ക് പുറപ്പെട്ടു.

അവിടെ നിന്നും പന്ത്രണ്ടോളം കാറുകളിലാണ് എല്ലാവരും പുറപ്പെട്ടത്.

ആദിയുടെ ഒപ്പം പ്രാജക്തയും പ്രദീക്കും പിന്നെ

അവരുടെ മാമൻമാരുടെ മക്കളും കയറിയിരുന്നു.

വർഷത്തിൽ ഒരിക്കൽ നടക്കുന്ന കാളയോട്ടഉത്സവമാണ്.

വേമാവരം ആന്ധയിലെ നെൽകൃഷിക്ക് പ്രാധാന്യം കൊടുത്തിരിക്കുന്ന പ്രദേശമാണ്.

ആകെയുള്ള 695 ഹെക്ടർ പ്രദേശത്ത് നാന്നൂറ് ഹെക്ടറും കൃഷിഭൂമിയാണ്

ഉഷ്ണകാലത്തു വിളവെടുക്കേണ്ട ദാൽവാ വിഭാഗത്തിൽ പെട്ട നെൽവിത്തു തണുപ്പുകാലത്താണ് വിതയ്ക്കുന്നത്.അതിനു മുന്നോടിയായി ഏക്കറുകണക്കിന് വിസ്തൃതിയുള്ള ഒഴിഞ്ഞ നെൽവയലിൽ കാളയോട്ട൦ സംഘടിപ്പിക്കും.വേമാവരത്തെ കാളയോട്ടം പ്രശസ്തമായത് കൊണ്ട് സമീപഗ്രാമങ്ങളിൽ നിന്നും ദൂര ഗ്രാമങ്ങളിൽ നിന്നും മത്സരിക്കുവാനായി കർഷകർ രണ്ടു കാളകളെ പൂട്ടിയ വണ്ടികളുമായി വരും .

മത്സരദിനം നൂറു കണക്കിന് കാളവണ്ടികൾ വരമ്പിൽ അണിനിരക്കും.

സിവെല്ലൂരി കുടു൦ബാംഗങ്ങൾ എല്ലാവരും ഉത്സവവയലിലെത്തി.

സംഘാടകർ അവരെ വന്നു സ്വീകരിച്ചു.

ആദി എല്ലാം നോക്കിയും കണ്ടും നിൽക്കുകയായിരുന്നു

അഞ്ഞൂറ് മീറ്റർ ദൂരം കൊടി തോരങ്ങൾ കെട്ടിയലങ്കരിച്ചിരിക്കുന്നു.

സ്റ്റേജിൽ ഗ്രാമമുഖ്യനും എം എൽ എ അടക്കമുള്ള പ്രധാനികൾക്ക് ഇരിക്കാനായി കസേരകൾ ഒഴിച്ചിട്ടിരിക്കുന്നു .

ആയിരക്കണക്കിന് ജനങ്ങൾ കാളയോട്ടം കാണുവാനായി വന്നു നിൽക്കുകയാണ്.

ഇരു വശങ്ങളിലും പ്രമാണികളായ കുടു൦ബങ്ങളിലുള്ളവർ വലിയ സ്റ്റേജ് കെട്ടി അതിൽ ഇരിപ്പിടങ്ങൾ ഒരുക്കിയിരിക്കുന്നു.അങ്ങനെ ഒരു സ്റ്റേജിൽ സിവെല്ലൂരി കുടു൦ബാംഗങ്ങൾ ഗോവിന്ദറെഡ്ഢിയുടെ നേതൃത്വത്തിൽ വന്നിരുന്നു.

ഓട്ടം നടക്കുന്ന കളത്തിന്‍റെ പ്രത്യേകത എന്നത് ഇരുന്നൂറ്റി അമ്പതു മീറ്റർ നീളമുള്ള വലിയ വയലാണ്

ചുറ്റുമായി കവുങ്ങു കെട്ടി മറച്ചിട്ടുണ്ട്

അറ്റത്തായി നന്ദികേശന്‍റെ പത്താൾ പൊക്കമുള്ള മരം കൊണ്ടുള്ള രുപം സ്ഥാപിച്ചിട്ടുണ്ട്.

ഓടിപോകുന്ന വണ്ടികൾ ആ രൂപത്തിനെ ചുറ്റി തിരികെ തുടങ്ങിയ സ്ഥലത്തു വരണം.

അങ്ങനെ മുന്നോട്ടും തിരിച്ചുമായി ഇരുന്നൂറ്റി അമ്പതു മീറ്റർ വീതം ആകെ അരകിലോമീറ്റർ ദൂരം.

സിവെല്ലൂരി കുടുംബത്തിന്‍റെ സ്റ്റേജ് കെട്ടിയതിനു എതിരായി അതിലും വലിയ സ്റ്റേജ് ഉയർത്തിയിട്ടുണ്ട്

ആ വശം മൊത്തം കാൽ കിലോമീറ്റർ നീളത്തിൽ കാഴ്ചക്കാർക്ക് വെയില് കൊള്ളാതെ കാണുവാനായി പന്തലും കെട്ടിയിരിക്കുന്നു , അത് മൊത്തത്തിൽ ജഗന്നാഥന്‍റെ ചിലവിലാണ്.

അത് സിവെല്ലൂരി കുടുംബത്തിനോടുള്ള ഒരു വെല്ലുവിളിയാണ്