അപരാജിതന്‍ 27 [Harshan] 9790

“ഈ നാട്ടിൽ ജഗന്നാഥ സ്വാമിയുടെ സഹായം വേണ്ട ആർക്കും അത് വഴി വന്നു ഇതിനുള്ളിൽ കയറി ജഗന്നാഥ സ്വാമിയേ തൊഴുത് ഈ മണി മൂന്നു വട്ടം മുഴക്കിയാൽ അവർക്കെന്തു സഹായമാണോ വേണ്ടത് അത് ഞങ്ങളുടെ കുടുംബം ചെയ്തു കൊടുക്കും ,, കാരണം അവർ ശരണമടഞ്ഞത് ജഗന്നാഥസ്വാമിയേ ആണ് ,, ഞങ്ങളുടെ കുലദൈവമാണ് ,, ”

“ഓ ,,,ഇന്റെരെസ്റ്റിംഗ് ,,,” ആദി മറുപടി പറഞ്ഞു

“ഈ ജഗന്നാഥ സ്വാമി എന്നത് ,,നാരായണനല്ലേ ,,,,?”

“അതെ ,,, ഒറീസയിലെ പുരി ജഗന്നാഥ൯ തന്നെ ,,, ”

ആദി വേഗം സ്വാമി വിഗ്രഹത്തെ തൊഴുതു.

നീരു വിളക്കിൽ എണ്ണയൊഴിച്ചിട്ട് പ്രാര്‍ഥിച്ച് പുറത്തേക്കിറങ്ങി

നിരൂപമയാണ് ആ മണിഗോപുരത്തിൽ വർഷങ്ങളായി ജഗന്നാഥന് വിളക്ക് കൊളുത്തുന്നതും രാവിലെയും വൈകീട്ടും മണി മുഴക്കുന്നതും

അവളുടെ പുറകെ ആദിയും നടന്നു

അവർ നടന്നു കൊണ്ടിരിക്കുമ്പോൾ തോളിൽ ശക്തിയിൽ ഇടി കിട്ടിയപ്പോൾ അവനൊന്നു തിരിഞ്ഞു.

പ്രജക്തയും ചേതന ആന്‍റിയുമായിരുന്നു .

“പാജി …എനിക്കി ഇടി നല്ലപോലെ വേദനിക്കുന്നുണ്ട് ,,”

“അറിയാം മാൻ ,,, അല്ലാതെ സുഖിപ്പിക്കാനല്ല ഇടിക്കുന്നത് ”

“കേട്ടില്ലേ ആന്‍റി ,,,” അവൻ പരാതി പറഞ്ഞു

“വേണ്ട ,മോളെ ,,, അപ്പു എത്ര കാലം കഴിഞ്ഞു വന്നതാ ,,,”

“പണ്ട് ഇയാൾ എന്നെ കുറെ ഇടിച്ചിട്ടുണ്ട് മമ്മി ,,ഇപ്പോളാ കൈയിൽ കിട്ടിയത് ,അന്ന് കിട്ടിയതൊക്കെ റിട്ടേൺ ചെയുന്നതാ വിത്ത് ഇന്‍ററസ്റ്റ് ,, ” പ്രജക്ത മറുപടി പറഞ്ഞു.

“അപ്പു ,,കേട്ടല്ലോ ,,അപ്പൊ എനിക്കിനി ഒന്നും പറയാനില്ല ,, ചെയ്യാനുമില്ല ,,ഐയാം ഹെൽപ്പ്,ലെസ്സ് ” ചേതനാന്റി അവനോടു പറഞ്ഞു

“ഹാ ,,അന്നിടിച്ചപ്പോ അറിയില്ലായിരുന്നു ,, ആ പോട്ടെ ,, ”

“നീരു ,,നിന്നെ മുത്തശ്ശി വിളിക്കുന്നുണ്ട് ,, ” ചേതന പറഞ്ഞു

“ആണോ ,,,മാമി ,,എന്ന ഞാൻ പോയിട്ട് വരാം ”

എന്നുപറഞ്ഞു കൊണ്ട് നിരുപമ അവിടെ നിന്നും വേഗം മാളികയിലേക്ക് പോയി

“ഈ കുടുംബത്തിലെ ആദ്യത്തെ വിവാഹമാണല്ലേ ആന്‍റി .. ”

“അതെയപ്പൂ ,,, ഏട്ടനും ഏടത്തിയും നീരുവും കൂടെ ഒരു യാത്ര പോയതാ ,, പോകും വഴി ആക്സിഡന്റ് ആയി ,, നീരു അന്ന് കുഞ്ഞായിരുന്നു ,, അവൾ കാറിന്‍റെ സീറ്റിന്‍റെ ഇടയിൽ പെട്ടു പോയതുകൊണ്ട് രക്ഷപ്പെട്ടതാ ,, അന്ന് മുതൽ അച്ഛനും അമ്മയും ഇല്ലാത്ത ഒരു കുറവ് അറിയിക്കാതെയാ അവളെ ഇവിടെ ഞങ്ങള്‍ വളർത്തിയത് ,,”

ആദി എല്ലാം സഹതാപത്തോടെ കേട്ടിരുന്നു

“പാവമാ അവള് ,,ഒരു വാക്കുകൊണ്ട് പോലും ആരെയും നോവിക്കില്ല ,,അതുംപണ്ട് മുതലേ അങ്ങനെയാ ,, ഒരു വാശിയോ വഴക്കു കൂടുന്ന സ്വഭാവമോ ഒന്നും അവൾക്കുണ്ടായിരുന്നില്ല ,, ഇപ്പോഴുമില്ല ,, ”

“അപ്പൊ ,,ശരിക്കും ഇവിടെ ഒരു ഉത്സവം തന്നെയാകുമല്ലേ ,,നീരുവിന്‍റെ കല്യാണം ,,”

“അതേ മോനെ ,,,,,,”