അപരാജിതന്‍ 27 [Harshan] 9784

“ആര് പറഞ്ഞു ,,, മോൾ ദേവി തന്നെയാ ,, മണ്ണിൽ പിറന്ന ശക്തി ,, അപ്പോ മണ്ണിൽ പിറന്ന ഒരു ശങ്കരനുമുണ്ടാകും ,, ” ചിരിച്ചു കൊണ്ട് അദ്ദേഹം പറഞ്ഞു

അവൾ മനസ്സിലോർത്തു “ശങ്കരനുണ്ട് ,,പക്ഷെ ആ ശങ്കരനെന്നെ വേണ്ടാ ,,,,”

അവളെങ്ങനെ ഓർത്തതും അതെ സമയം വൈദ്യർ മുത്തശ്ശൻ പറഞ്ഞു

“ശങ്കരൻ പലയിടത്തും മറഞ്ഞിരിക്കും ,,അതിനർത്ഥം ഇല്ല എന്നല്ല ,,ആവശ്യമുള്ളപ്പോൾ രുദ്രനായും കാലകാലനായുമൊക്കെ വരും മോളെ ,, മാർക്കണ്ഡേയന്‍റെ കഥ അറിയില്ലേ ,, മരണമില്ലാതെയാക്കാൻ കൊടും തപസ് ചെയ്തപ്പോൾ പോലും മഹാദേവൻ പ്രത്യക്ഷപ്പെട്ടില്ല ,,പക്ഷെ എന്ന് അവന്‍റെ കഴുത്തിൽ കാലപാശം വീണോ അന്ന് രുദ്രൻ പ്രത്യക്ഷമായി ,,കാലനോടുപറഞ്ഞു അവനെന്‍റെ ഭക്തനാ,,അവനെ നീ കൊണ്ടുപോകില്ല എന്ന് ,, കാലൻ ആ വാക്കുകളെ അവഗണിച്ചു കൊണ്ട് കാലപാശം മുറുക്കി ,, അന്ന് മൂന്നാം കണ്ണ് തുറന്നു കാലനെ തന്നെ സംഹരിച്ചുകളഞ്ഞ ആ രുദ്രനുള്ളപ്പോൾ ,,പിന്നെ മോളെന്തിനാ ഭയക്കുന്നത് ,, പ്രാർത്ഥിച്ചാൽ മതി മോളെ ,,,ശങ്കരനെ ”

അതുകേട്ടു പാർവതി മുത്തശ്ശനെ നോക്കി ഒരു പുഞ്ചിരിയോടെ പറഞ്ഞു

“എന്‍റെ പ്രാണനാ ,,,മുത്തശ്ശാ ” ഇടറുന്ന ശബ്ദത്തോടെ പാർവതി പറഞ്ഞു

അദ്ദേഹത്തിനാ വാക്കുകൾ കേട്ടു ഒരുപാട് സന്തോഷമായി

“പിന്നെതിനാ ഭയം ,,ശങ്കരനെന്നാൽ ശാന്തമാണ് , മംഗളമായ അവസ്ഥയിൽ നിൽക്കുന്നവനാണ് ശങ്കരൻ , അവന്‍റെ തേജസ് രൗദ്രതയിലേക്ക് പരിവർത്തനം ചെയ്‌താൽ അവൻ രുദ്രനായി ,, അവനിൽ മഹാരൗദ്രത നിറഞ്ഞാൽ അവൻ മഹാരുദ്രനായി ,, അവൻ പ്രപഞ്ചത്തിന്‍റെ ആദിയിൽ ( ആരംഭത്തിൽ ) മംഗളമായ അവസ്ഥയിൽ നിൽക്കുന്ന നേരം അവൻ ആദിശങ്കരനായി ” വൈദ്യർ മുത്തശ്ശൻ കൈകൾ കൂപ്പി ഭക്തിയോടെ പറഞ്ഞു

ആ വാക്കുകൾ അതിലെ ആദിശങ്കരൻ എന്ന അവസ്ഥാന്തരത്തെ വിശേഷിപ്പിച്ചപ്പോൾ ആത്മനിർവൃതി കൊണ്ടവളുടെ കണ്ണുകൾ തുളുമ്പി , അവൾ മൃദുമന്ദഹാസം തൂകി.

അന്നേര൦ കസ്തൂരി എല്ലാവർക്കുമുള്ള ചായയും ആയി വന്നു

അവിടെ ഇരുന്നു കൊണ്ട് ഗ്ലാസിൽ ചായ പകർന്നു

എന്നിട്ട് എല്ലാവർക്കും കൊടുത്തതിന് ശേഷം പുറത്തേക്കിറങ്ങി

ഉറക്കെ ,,”വാവേ ,,,,,,,” എന്ന് വിളിച്ചു

അതുകേട്ടു കൂട്ടുകാരുടെ ഒപ്പം കളിച്ചു കൊണ്ടിരുന്ന ഗൗരി ഓടി വന്നു

ഗൗരി എല്ലാവരെയും കണ്ടപ്പോൾ നാണിച്ചു

അവളെ പാർവതി അരികിലേക്ക് വിളിച്ചു

അവൾ നാണത്തോടെ പാർവതിയുടെ അരികിൽ വന്നിരുന്നു

“എന്താ ചുന്ദരിയുടെ പേര് ,,,?”

“ഗൗരി ..,,”,,,,,ചുന്ദരി എന്ന്  മാമൻ വിളിക്കുന്ന പേരാ ,,,,,,”