സേതുബന്ധനം 4

SethuBandhanam Part 4 | Author :  M.N. Karthikeyan | Previous Part

 

സേതുബന്ധനം കഥകൾ.കോമിൽ  അതിന്റെ നാലാം ഭാഗത്തേക്ക് കടക്കുന്ന ഈ വേളയിൽ  ഇത് വരെ സപ്പോർട്ട് ചെയ്ത എല്ലാവരോടും എന്റെ ഹൃദയം നിറഞ്ഞ നന്ദി അറിയിക്കുന്നു. തുടർന്നും സപ്പോർട്ട് തരിക. ലൈക്കും കമന്റും തരിക.കുറ്റങ്ങളും കുറവുകളും ധാരാളം ഉണ്ടാകും.അതെല്ലാം കമെന്റ് വഴി ചൂണ്ടിക്കാട്ടി തരിക.

ഡിസംബർ ആദ്യ വാരം തരാൻ അല്പം ദൃതി കാണിച്ചു. സമയം കിട്ടാത്തത് കൊണ്ട് അനാവശ്യ ഡീറ്റയിലിങ്ങും കോപ്പി പേസ്റ്റ് ചെയ്തു വെച്ചതും ഒക്കെയുണ്ട്. അതൊക്കെ ആരോചകമായും ലാഗ് ആയും തോന്നാം.തോന്നിയാൽ കമെന്റ് ബോക്സിൽ പറയുക. സപ്പോര്ട് തരിക.

കൂടുതൽ ഒന്നും പറയാനില്ല അപ്പോൾ തുടങ്ങാം.

 

 

 

(ഒരു തടാകത്തിൽ സ്നാനം ചെയ്തു  കൊണ്ടിരിക്കുന്ന സന്യാസി…..)

 

 

 

പ്രഭാതം പൊട്ടി വിടരുന്നതെ ഉള്ളായിരുന്നു. തടാകത്തിന്റെ കരയിലേക്ക് സ്നാനം കഴിഞ്ഞു കയറിയ സന്യാസി ആകാശത്തേക്ക് നോക്കി തന്റെ ഇരു കൈകളും കൂപ്പി.

 

പെട്ടെന്ന് ഒരു പരുന്ത് ശബ്ദമുണ്ടാക്കി കൊണ്ട് താഴ്ന്നിറങ്ങി വന്നു.  അയാൾ തന്റെ കൈ അതിനു വന്നിരിക്കാൻ പാകത്തിൽ നീട്ടി കൊടുത്തു. അത് അയാളുടെ കയ്യിലിരുന്നു കൊണ്ട് എന്തൊക്കെയോ ചിലച്ചു.

 

അയാൾ ശ്രദ്ധയോടെ അതു മൊത്തം കേട്ടു. അയാളുടെ മുഖത്തു ഗൂഢമായ ഒരു ചിരി വിരിഞ്ഞു.പരുന്തിനെ പറഞ്ഞു വിട്ട ശേഷം അയാൾ തന്റെ ഗ്രാമത്തിലേക്ക് ഓടി. കല്ലിലും മറ്റും ആഞ്ഞു ചവിട്ടി അയാളുടെ കാലുകൾ വേദനിച്ചിരുന്നു എങ്കിലും അയാളത് കാര്യമാക്കിയില്ല. കഴിവതും വേഗത്തിൽ ഗ്രാമത്തിലേക്ക് ഓടി.

 

താൻ അറിഞ്ഞ ശുഭ വാർത്ത അവരെ അറിയിക്കാൻ അയാളുടെ മനസ്സ് വെമ്പി. അവർക്കും അതറിയുമ്പോൾ സന്തോഷമാവും.ചിലർക്ക് സന്തോഷവും ചിലർക്ക് ഭയവും ഉണ്ടാക്കാൻ പോന്ന ആ വാർത്തയുമായി അയാൾ വളരെ വേഗത്തിൽ ഗ്രാമം ലക്ഷ്യമാക്കി കുതിച്ചു.