🔰🏇സേതുബന്ധനം 4 🚩👑 [M.N. കാർത്തികേയൻ] 355

ആനന്ദംകൊണ്ടുമാത്രമേ മറ്റൊരു ശ്രേഷ്ഠലോകത്ത്‌ എത്തിച്ചേരാൻ കഴിയൂ.
ഭാരതത്തിലെ മറ്റു സന്യാസി സമ്പ്രദായങ്ങളിലും ജീവിതത്തോടുള്ള വിരക്തി തന്നെയാണു പ്രതിഫലിക്കുന്നത്‌.

ഇനിയൊരു ജന്മമെടുക്കാതെ ബ്രഹ്മത്തിൽ ലയിക്കണം എന്നാണെങ്കിൽ ലഭിച്ച മനുഷ്യജന്മത്തിൽ അതു സാധിച്ചെടുക്കാവുന്ന സന്യാസിമാർ എത്രയൊ വിരളമാണ്..

നല്ലൊരു ശതമാനം സംന്യാസിമാരും പണത്തിന്റെ ധാരാളിത്തത്തിൽ മുങ്ങി ബ്രഹ്മചര്യം ഒരു മറയാക്കികൊണ്ട്‌ ലൈംഗികതയിൽ വരെ ഏർപ്പെടുന്നവരാണ്.ഇതിൽപ്പരം കൊടിയ മഹാപാപം വേറെയേതുണ്ട്‌.?
അഘോരികള്‍ മരണം പോലും മുന്‍കൂട്ടി അറിയുന്നു…
സമയമാകുമ്പോള്‍ ആത്മബലിദാനം അല്ലെങ്കില്‍ ചിരസമാധി എന്ന മാര്‍ഗം ഉപയോഗിക്കുന്നു…”

“ഇതൊക്കെ ഉള്ളത് ആണോ… അതോ വെറും കേട്ടു കേൾവികളാണോ”

“ഉള്ളത് ആണെന്നാണ് വിശ്വാസം.”

അവൻ എന്നെയും പിടിച്ചു വലിച്ചു ഒരു വഴിയോര കച്ചവടക്കാരന്റെ അടുത്തിരുന്നു.

“ഇതാണ് രുദ്രാക്ഷക്കായ.”

ഞാനത് എടുത്തു നോക്കി. ശെരിയാണ്. ഒരു പച്ചക്കയ. അതിനുള്ളിൽ രുദ്രാക്ഷം. പകുതി തോട് കളഞ്ഞു വെച്ചിട്ടുണ്ട് കാണാൻ വേണ്ടി. ഞാനത് തിരിച്ചും മറിച്ചും നോക്കി. അവിടെ നിന്നും എഴുന്നേറ്റ് വീണ്ടും മുന്നിലേക്ക് നീങ്ങി.

ഗംഗയിൽ സ്ത്രീ പുരുഷ ഭേദമന്യേ ഒരുപാട് പേർ മുങ്ങി കുളിക്കുന്നു. അവരുടെ ആകാരവടിവിൽ ആരും ശ്രദ്ധ കൊടുക്കുന്നില്ല. ഇവിടം ആത്മീയ ലഹരിക്കപ്പുറം കാമം പോലുള്ള വികാരങ്ങൾക്ക് ഒരു വിലയും കൊടുക്കുന്നില്ല എന്നു ഞാൻ മനസ്സിലാക്കി. നാട്ടിൽ വല്ലോം ആണെങ്കിൽ ലൈംഗിക ദാരിദ്ര്യം ഉള്ള ടീമുകൾ ആണ്. കമ്പിൽ തുണി ചുറ്റിയാലും നോക്കി വെള്ളമിറക്കും.