🔰🏇സേതുബന്ധനം 4 🚩👑 [M.N. കാർത്തികേയൻ] 355

“വിരലുകൾ കൊണ്ട് ഇന്ദ്രജാലമോ. സ്വാമി എനിക്ക് അങ്ങയുടെ അത്ര അറിവും കാര്യങ്ങളുമൊന്നുമില്ല. അങ്ങു മനസ്സിലാവുന്ന പോലെ പറയാമോ പ്ലീസ്”

“ഓക്കേ ലളിതമായി പറഞ്ഞു തരാം. മർമ്മ വിദ്യ എന്നു കേട്ടിട്ടുണ്ടോ? അതാണ് സംഭവം”

“മർമ്മ വിദ്യയോ… പക്ഷെ അതൊക്കെ പഠിക്കാൻ ഗുരുക്കന്മാരുടെ കീഴിൽ ഒക്കെ പോകണ്ടേ. ഇവൻ അനാഥാലയത്തിൽ വളർന്ന പയ്യനല്ലേ. ഇവനിത് എങ്ങനെ പഠിച്ചു എന്നാണ് പറഞ്ഞു വരുന്നത്”

“തീർച്ചയായും. ഒരു സാധാരണ പയ്യൻ അങ്ങനെ അഭ്യസിക്കാതെ ഈ വിദ്യ കാണിച്ചാൽ അത്ഭുതപ്പെടാം. പക്ഷേ ഇവനിത് കാണിച്ചില്ലെങ്കിൽ ആണ് അത്ഭുതം”

“അപ്പൊ സ്വാമി പറഞ്ഞു വരുന്നത് അവൻ സാധാരണക്കാരൻ അല്ലെന്നാണോ”

“തീർച്ചയായും അതേ…. തനിക്ക് ഒരു കാര്യമറിയാമോ അവിടെ തല്ലു കണ്ടു നിന്ന ഒരാൾ പോലും ഇവൻ മർമവിദ്യ പ്രയോഗിച്ചത് കണ്ടു കാണില്ല. കാരണം അത്രയും വേഗത ആണ് അവനു. ഒരു മനുഷ്യന് കാണാൻ കഴിയുന്നതിലും വേഗതയിൽ ഉള്ള നീക്കങ്ങൾ ആണ് അവന്റേത്”.

“അത് സ്വാമിക്ക് എങ്ങനെ അറിയാം. സ്വാമി ആ പയ്യനെ നേരിട്ട് കണ്ടിട്ട് കൂടിയില്ലല്ലോ. പിന്നെ എങ്ങനെ ഇത് പറയും”

“അവനെ കുറിച്ചു പറയാൻ നേരിട്ട് കാണണമെന്നില്ല. അവന്റെ ജനനത്തിനെയും രക്തത്തിനെയും പറ്റി അറിഞ്ഞാൽ മതി. താൻ നേരത്തെ ചോദിച്ചില്ലേ… അവൻ ആരും പഠിപ്പിക്കാതെ എങ്ങനെ ചെയ്തു എന്നു. അതിന്റെ ഉത്തരമാണിത്. അവന്റെ രക്തത്തിൽ ഉള്ളത് ആണിത്. അവനിതല്ല ഇതിനപ്പുറവും ചെയ്യും.”

“സ്വാമി പറയുന്നതൊന്നും എനിക്ക് മനസ്സിലാവുന്നില്ല. ആരാണവൻ. എന്താണവന്റെ പ്രാധാന്യം”

“അവന്റെ പ്രാധാന്യത്തെ പറ്റി പറയാൻ നിന്നാൽ ഒരു വലിയ ചരിത്രം തന്നെ പറയേണ്ടി വരും. അത് വിട് തനിക്ക് മർമവിദ്യയെ പറ്റി എന്തറിയാം?”