??സേതുബന്ധനം 4 ?? [M.N. കാർത്തികേയൻ] 355

ഒരു ടൂറിസ്റ്റ് ഗൈഡിന്റെ ലാഘവത്തോടെ അവൻ ഓരോന്നും എനിക്ക് വിശദീകരിച്ചു തന്നു. ഞങ്ങൾ ഒരുപാട് പൊളിഞ്ഞ കെട്ടിട അവശിഷ്ടങ്ങൾ ഉള്ള ഒരു സ്ഥലത്തു എത്തി.

“ഇതൊക്കെ മുൻപ് ക്ഷേത്രങ്ങൾ ആയിരുന്നു. മുൻപത്തെ രാജാക്കന്മാർ നശിപ്പിച്ച് കളഞ്ഞതാണ്.”

ഞാൻ ആ അവശിഷ്ടങ്ങളിലേക്ക് നോക്കി. ഒരുപാട് കെട്ടിടങ്ങൾ. നൂറ്റാണ്ടുകൾ പഴക്കമുള്ള കെട്ടിടഅവശിഷ്ടങ്ങൾ.

അവിടുന്നു ഞങ്ങൾ ഗംഗാ തീരത്തേക്ക് നടന്നു. അവിടെ ഗംഗാ തീരത്തു മണ്ണ് കൊണ്ട് ഉണ്ടാക്കിയ കുഴലിൽ കഞ്ചാവ് ഒക്കെ പുകച്ചു വിടുന്ന സന്യാസിമാരും പിതൃ ദർപ്പനത്തിനായി ഇരിക്കുന്ന ആളുകളും ഒക്കെ ഉണ്ട്. നല്ല തിരക്ക്. അവൻ ഒരു കാഴ്ച എനിക്ക് കാണിച്ചു തന്നു. ഒരു സ്ഥലത്തു ഒരിക്കുന്ന രണ്ടു പേരുടെ അടുത്തേക്ക് വേറെ രണ്ടു പേർ ചെന്നു എന്തൊക്കെയോ സംസാരിച്ചിട്ട് എഴുന്നേറ്റു പോണത്.

“അവർ എന്താണ് സംസാരിച്ചതെന്നറിയമോ”

“ഞാനെങ്ങനെ അറിയാനാണ് ബ്രോ. അവരും നമ്മളും തമ്മിൽ ഇത്രയും ദൂരമില്ലേ”

“എന്നാൽ ഞാൻ പറയാം. കഞ്ചാവ് വേണമോ എന്നാണ് അവരോട് ചോദിച്ചത്”

“അത് നിനക്കെങ്ങനെ മനസ്സിലായി”

“അതൊക്കെ മനസ്സിലായി. ഞാൻ ഇവിടെ അല്ലെ ജനിച്ചത്. ഇവിടെ ഇതൊന്നും പ്രശ്നമല്ല അണ്ണാ. കഞ്ചാവ് ഒക്കെ വലിക്കുന്നതൊന്നും ഇവിടെ പ്രശ്നമേ അല്ല. സന്യാസിമാർ മുതൽ ഇവിടുള്ള ഓരോരുത്തരും വലിക്കും”

ഞാൻ അതെന്തോ അത്ഭുതത്തോടെയാണ് കേട്ടത്. നമ്മുടെ നാട്ടിൽ മുടി വളർത്തിയാൽ പോലും കഞ്ചാവ് എന്നു മുദ്ര കുത്തി വിടുന്നത് കൊണ്ടാവും. ഏതായാലും എനിക്കത് ഇഷ്ടപ്പെട്ടു.

പിന്നെയും മുന്നിലേക്ക് നടന്നു. വഴിയിൽ പൂജ സാമഗ്രികൾ വിൽക്കുന്ന കടകൾ കാണാം. അവയുടെ മുന്നിലും നല്ല തിരക്കുണ്ട്. മുന്നിൽ ഇരുന്ന ഒരു വ്യക്തിയെ ചൂണ്ടി കാണിച്ചു ഞാൻ ചോദിച്ചു.

“അത് അഘോരി അല്ലെ.”

“അഘോരി ഒക്കെയാണ്. പക്ഷെ ഒറിജിനൽ അല്ല ഡ്യൂപ്ലിക്കേറ്റ്. പൈസ വാങ്ങി ഫോട്ടോ എടുക്കാനൊക്കെ നിൽക്കുന്ന ഉടായിപ്പ് ടീമാണ്. ഇവിടെ നിങ്ങൾ ആരെ പരിചയപ്പെട്ടലും അവന്മാർ പത്തു രൂപ എങ്കിലും വാങ്ങാതെ ഒഴിഞ്ഞു പോവില്ല. അതാണ് വേറൊരു കാര്യം”

“അപ്പൊ ഒറിജിനൽ അഘോരികൾ ഇല്ലേ?.”