🔰🏇സേതുബന്ധനം 4 🚩👑 [M.N. കാർത്തികേയൻ] 355

 

(കാറിനുള്ളിൽ……….)

 

 

 

കാറിൽ ഇരുന്നപ്പോഴും സേതുവിന്റെ മനസ്സിലൂടെ നൂറ് ചിന്തകൾ ആണ് ഓടിയത്. തനിക്ക് ചുറ്റും എന്തൊക്കെയാണ് സംഭവിക്കുന്നത് എന്നവന് മനസ്സിലായില്ല. അച്ഛൻ പറഞ്ഞതിന്റെ അർത്ഥം എന്താണെന്ന് മനസ്സിലാക്കാൻ നോക്കിയെങ്കിലും പരാജയമായിരുന്നു ഫലം.
മുൻസീറ്റിൽ ഇരുന്ന ആൾ അവനെ വിളിച്ചു..

 

“മോനെ…..”

സേതു വിളി കേട്ടു മുൻപിലേക്ക് നോക്കി.

 

“ആ…. എന്താ ചേട്ടാ…”

 

“എന്താ പേര്…..”

 

“സേതു. സേതു മാധവൻ”

 

“മ്മ്.. നല്ല പേര്. എന്റെ മകനെ പോലെ തന്നെയുണ്ട് നിന്നെയും കാണാൻ. അതാ ചോദിച്ചത്”

 

“ആഹാ…. എന്താ മകന്റെ പേര്?”

 

“ഇന്ദുചൂഡൻ. പൂവള്ളി ഇന്ദുചൂഡൻ”

 

“എവിടെയോ കേട്ടു മറന്ന പേര്. എവിടെയാണ് എന്നൊരു ഓർമ കൃത്യമായി കിട്ടുന്നില്ല”

 

“കേട്ടു കാണും. ആൾ പ്രസിദ്ധനാണ്. പത്രത്തിൽ ഒക്കെ കണ്ടും കാണും.”

 

“പത്രത്തിലൊക്കെ കാണാൻ മാത്രം വല്യ പുള്ളിയാണോ”

 

“ഉം.വലിയ പുള്ളി തന്നെയാണ്. കൊല പുള്ളി ഒരു തടവ് പുള്ളി”

 

“സർ…….” സേതു ഒന്നു ഞെട്ടി കൊണ്ടു അയാളെ വിളിച്ചു.