🔰🏇സേതുബന്ധനം 4 🚩👑 [M.N. കാർത്തികേയൻ] 355

 

“ഓ…. താൻ സത്യസന്ധനായ വിവരം ഞാൻ അറിഞ്ഞില്ല”

 

“സർ വരാൻ പറഞ്ഞ കാര്യം…”

 

“ആ… അത് താനിതൊന്നു നോക്കിക്കേ…..”

 

ഡോക്ടർ പോസ്റ്റ് മോർട്ടം റിപ്പോർട്ട് എടുത്തു അയാളുടെ കയ്യിലേക്ക് കൊടുത്തു.

അയാളത് ഓടിച്ചു വായിച്ചു നോക്കി.

 

“സർ…. ഇത്…..”

 

“ഉം. എഴുതിയിരിക്കുന്നത് ശെരിയാണ്. തലയോട്ടി അടിച്ചു പൊട്ടിച്ചിരിക്കുന്നു”

 

“പക്ഷെ അതെങ്ങനെ സാധ്യമാകും.അപ്പൊ വന്യമൃഗ ആക്രമണം അല്ലെ..”

 

“ചിലപ്പോ ആദ്യം മൃഗത്തെ കൊണ്ടു ആക്രമിച്ച ശേഷം കട്ടിയുള്ള എന്തെങ്കിലും കൊണ്ടു തലയോട്ടി അടിച്ചു പൊട്ടിച്ചത് ആവാം.”

 

“കുത്തി വീഴ്ത്തിയപ്പോൾ എന്തിലെങ്കിലും തല ചെന്നു ഇടിച്ചതും ആകാമല്ലോ”..

 

“അതിന്റെ സാധ്യത നിങ്ങൾ നോക്കണം.എവിടെ എങ്കിലും തല ഇടിച്ചെങ്കിൽ അവിടെ രക്തം കാണുമല്ലോ”

 

“അങ്ങനെയും ആവാം.ഇനി കൊലപാതകം ആണെങ്കിൽ മീഡിയയ്ക്ക് മുൻപിൽ എല്ല്ലാം മാറ്റി പറയേണ്ടി വരില്ലേ?”

 

”  തീർച്ചയായും സത്യം പറയണ്ടേതല്ലേ കർത്തവ്യം”

 

“അതേ പക്ഷെ ഇതൊരു കൊലപാതകം ആണെന്നറിഞ്ഞാൽ അസ്ലൻ ഭായിയുടെ ആൾക്കാർ അന്വേഷിച്ചു വന്നു പുലിവാൽ ഉണ്ടാക്കി പോവും. കേരളാ പോലീസ് നാറും. അതുമല്ല അയാൾ അത്ര നല്ലവൻ ഒന്നും അല്ലല്ലോ. ചത്തു പോയത് നന്നായതെ ഉള്ളു.”

 

“അപ്പൊ താൻ പറഞ്ഞു വരുന്നത്……”.

 

“അതേ…അത് തന്നെ. അപകട മരണം എന്ന രീതിയിൽ മതി. തല എവിടെയോ ചെന്നു ഇടിച്ചു ഇന്റർണൽ ബ്ലീഡിങ് ഉണ്ടായി അത് മതി. ഒന്നു മാറ്റി എഴുതണം. പ്ലീസ് സർ.”