🔰🏇സേതുബന്ധനം 4 🚩👑 [M.N. കാർത്തികേയൻ] 355

“സർ അന്ധന്മാരെ കണ്ടിട്ടില്ലേ.അവര് സ്വപ്നാം കാണുന്നത് എങ്ങനെ എന്നു ചിന്തിച്ചിട്ടുണ്ടോ. നമ്മൾ സ്വപ്നം കാണുന്നതിനു ഒക്കെ ഒരു പരിധി ഉണ്ട്. പക്ഷേ അവർക്കോ… അവരിത് വരെ ലോകം കണ്ടിട്ടില്ല. അവർ ഓരോന്നും കാണുന്നത് അവരുടെ രീതിക്ക് ആവും.അവരുടെ ഭാവനക്ക് അതിരുകൾ ഇല്ല എന്നതാണ് സത്യം. നമ്മുടെ സ്വന്തം ഭാവനയിൽ നമ്മൾ എന്തു സ്വപ്നം ആണ് കണ്ടത്. അവർക്ക് ഓരോന്നും അവരുടേതായ രീതിയിൽ കാണാം. പക്ഷേ നമുക്കത് പറ്റില്ല. കാരണം നമ്മൾ അതൊക്കെ നേരിട്ട് കണ്ടിട്ടുണ്ട്. അവരത് കണ്ടിട്ടില്ല. അവർ അവരിടേതായ ഒരു ലോകം സൃഷ്‌ടിച്ചു അതിൽ സ്വൈര്യമായി വിഹരിക്കും.അപ്പൊ പറഞ്ഞു വന്നത് ചിലപ്പോ ഒക്കെ നമ്മളും അന്ധർ ആയിരിക്കുക. കാണേണ്ട കാഴ്ചകൾ കാണുക. അല്ലാത്തത് വിട്ട് കളയുക. സ്വയം മനസ്സിൽ മകൻ അങ്ങനെ ചെയ്തിട്ടില്ല എന്നു കരുതി ആശ്വസിക്കുക.അതേ ഉള്ളു ഇതിനു പരിഹാരം”

അയാൾ ഒന്നും മിണ്ടാതെ വെളിയിലേക്ക് നോക്കിയിരുന്നു. അയാൾ ആലോചനയിൽ ആയത് കൊണ്ട് സേതുവും ശല്യപ്പെടുത്താൻ പോയില്ല. അവനൊന്നു സീറ്റിൽ ചാരി ഇരുന്നു മയങ്ങി.

(പോലീസ് സർജന്റെ വീടിനു മുന്നിൽ)

സി.ഐ ജേക്കബ് ഗ്രിഗറി ജീപ്പ് ഒതുക്കി വീടിന്റെ കോളിംഗ് ബെൽ മുഴക്കി.
വാതിൽ തുറന്നു സർജൻ വെളിയിലേക്ക് നോക്കി.

“ആ താൻ വന്നോ. കേറി വാ അകത്തേക്ക് ഇരിക്കാം”

അവർ രണ്ടും ഉള്ളിലേക് പോയി ഇരുന്നു.

“ഡോ തനിക്ക് കുടിക്കാൻ എന്താ വേണ്ടത്. രാവിലെ അല്പം മറ്റവൻ ഒഴിക്കട്ടെ. ഒന്നു ഉഷാർ ആവാൻ”

“അയ്യോ സർ ഒന്നും വേണ്ട. പോരാത്തതിന് ഞാൻ ഡ്യൂട്ടിയിലും ആണ്.”.