🔰🏇സേതുബന്ധനം 4 🚩👑 [M.N. കാർത്തികേയൻ] 355

അന്ന് ആ ചൈനീസ് ഓഫീസർ പറഞ്ഞ ആ വാചകത്തിൽ അവരുടെ നിരാശ മുഴുവനും കാണാം (“only that bloody indians is defeated us in this world” എന്ന് ആയിരുന്നു അദ്ദേഹം അന്ന് പറഞ്ഞത്). വിദേശത്തെ ചില പത്രങ്ങളും അന്ന് ഈ ഓഫീസർ പറഞ്ഞ കാര്യങ്ങൾ വാർത്തയാക്കിയിരുന്നു.

അത്ഭുതങ്ങളുടെ പറുദീസയാണ് നമ്മുടെ ഭാരതം പലതും കെട്ടു കഥകളായി നമുക്ക് തോന്നുമെങ്കിലും പൌരാണിക ഭാരതത്തിൽ ഇല്ലാത്ത ശാസ്ത്രങ്ങൾ ഇലായിരുന്നു എന്നതാണ് സത്യം ആധുനിക ലോകം ഇനിയും ഒരു 100 കൊല്ലം മുന്നേറിയാലും അതിനൊപ്പം എത്തുമോ എന്ന് ആണ് സംശയം.”

“ഓ…. ഇങ്ങനെ ഒക്കെ സംഭവം ഉണ്ടല്ലേ അത്ഭുതം തന്നെ”

” പിന്നില്ലാണ്ട്. മനസ്സ് നിയന്ത്രിക്കാൻ വരെ കഴിവുള്ളവർ ഉണ്ട്. പക്ഷെ ഇപ്പൊ ജീവിച്ചിരിക്കുന്ന പല സന്യാസി വര്യന്മാർക്കും അറിയാത്ത വിദ്യകൾ വരെ അവനു അറിയാം”

“എന്തോ എവിടെ ഒക്കെയോ ഒരു പന്തികേട്. സ്വാമി ബാക്കി പറ. മർമ്മ വിദ്യയെ പറ്റി”

“‘മര്‍മ്മമറിയുന്നവര്‍ തല്ലാന്‍ പാടില്ല’ എന്നാണ് പഴമൊഴി. കാരണം, മര്‍മ്മമറിഞ്ഞൊന്ന് കൊടുത്താല്‍ ചിലപ്പോള്‍ കിട്ടുന്നയാള്‍ പിന്നെ ജീവനോടെ ഉണ്ടാകില്ല എന്നതു തന്നെ. മര്‍മ്മസ്ഥാനത്ത് തല്ലിയാല്‍, ആക്രമണം ഉണ്ടായാല്‍ അത് മരണത്തിലേക്കുള്ള വഴി കൂടിയാണ്. ഇക്കാരണങ്ങളാലാണ് മര്‍മ്മസ്ഥാനത്ത് തല്ലരുത് എന്ന് പറയുന്നത്. മര്‍മ്മസ്ഥാനത്ത് ആക്രമിക്കരുത് എന്നു പറയുമ്പോള്‍ എന്താണ് മര്‍മ്മസ്ഥാനം എന്നു കൂടി അറിഞ്ഞിരിക്കണം.

മര്‍മ്മസ്ഥാനങ്ങള്‍ എന്നറിയപ്പെടുന്നത്, വിട്ടു വിട്ടു സ്പന്ധിക്കുകയും അമര്‍ത്തുമ്പോള്‍ വേദനിക്കുകയും ചെയ്യുന്ന ശരീര ഭാഗങ്ങളെയാണ്. ഇത് പ്രധാനമായും ജീവന്റെ സ്ഥാനങ്ങളാണ്. അങ്ങനെ ജീവന്‍ തങ്ങുന്ന ഈ ജീവല്‍സ്ഥാനങ്ങൾ ആണ് മര്‍മ്മസ്ഥാനങ്ങൾ ആയി കരുതപ്പെടുന്നത്. ജീവന്റെ മര്‍മ്മം എന്നും പറയും, യഥാര്‍ത്ഥത്തിൽ രോഗത്തിനും രോഗവിമുക്തിക്കും കാരണമാകുന്ന സ്ഥാനങ്ങള്‍ ആണ്. പൊതുവെ സിദ്ധന്മാര്‍ ആണ് മര്‍മ്മചികിത്സ ചെയ്യുന്നത്. അതുകൊണ്ടു തന്നെ ഗുരുകുല സമ്പ്രദായപ്രകാരമാണ് ഈ വിദ്യ മറ്റുള്ളവരിൽ എത്തുന്നത്. ഉത്തമനായ ശിഷ്യന് മാത്രമേ ഗുരുക്കന്മാർ ഈ വിദ്യ നല്കിയിരുന്നുള്ളൂ.