🔰🏇സേതുബന്ധനം 4 🚩👑 [M.N. കാർത്തികേയൻ] 355

“കേട്ടില്ലായിരുന്നോ…. സിവിൽ സർവീസ് ഒന്നാം റാങ്ക് നേടിയ യുവാവ് സുഹൃത്തിനെ ബിയർ ബോട്ടിൽ പള്ളക്ക് കേറ്റി കൊന്നത്”

“അപ്പൊ സാറാണോ ജസ്റ്റിസ് എം.കെ.മേനോൻ.”

“അതേ… ആ ഹതഭാഗ്യൻ ഞാനാണ്”

“സർ സ്റ്റേഷൻ എത്തി…..”

ഡ്രൈവർ പറഞ്ഞു.
സേതുവും അയാളും നടന്നു നീങ്ങി. രണ്ടു പേരുടെ കയ്യിലും ഓരോ ബാഗുകൾ മാത്രമേ ഉള്ളായിരുന്നു.
ട്രെയിൻ എത്തും വരെ ഇരുവരും ഒന്നും സംസാരിച്ചില്ല. അയാളുടെ കണ്ണുകൾ നിറയുന്നത് കണ്ടത് കൊണ്ട് സേതു ഒന്നും ചോദിക്കാനും പോയില്ല. ട്രെയിൻ എത്തി. അവർ രണ്ടും റിസർവ് ചെയ്ത സീറ്റുകളിൽ പോയി ഇരുന്നു .
ട്രെയിൻ ഓടി തുടങ്ങിയപ്പോഴും ആ വൃദ്ധന്റെ കണ്ണുകൾ വെളിയിൽ ആയിരുന്നു. എന്തൊക്കെയോ ആലോചിച്ചിട്ടാവണം കണ്ണുകൾ നിറഞ്ഞിരുന്നു.

“സർ” സേതു വിളിച്ചു.

അയാൾ തിരിഞ്ഞു അവനു നേർക്ക് ഇരുന്നു.

“എന്താ മോനെ”

“സർ താങ്കളുടെ ഈ യാത്രക്ക് പിന്നിലെ ഉദ്ദേശം അറിഞ്ഞിരുന്നു എങ്കിൽ കൊള്ളാമായിരുന്നു”

“ഉദ്ദേശം.. ഇത് അവനുമായി പോകാനിരുന്ന യാത്രയാണ്. പുണ്യ സ്ഥലമായ കാശി സന്ദർശിച്ചു ഗംഗാ ജലത്തിൽ എല്ലാ അഴുക്കുകളും ഒഴുക്കി ശുദ്ധമാക്കണമെന്നായിരുന്നു ആഗ്രഹം. പക്ഷെ അവൻ… അവനില്ല”