🔰🏇സേതുബന്ധനം 4 🚩👑 [M.N. കാർത്തികേയൻ] 355

ഞങ്ങൾ രണ്ടും മടി കൂടാതെ കഴിച്ചു. നല്ല വിശപ്പ് ഉണ്ടായിരുന്നത് കൊണ്ട് അപ്പൊ ഒരു ഉൽക്ക കൊണ്ട് വന്നു തന്നാലും തിന്നു പോകുന്ന അവസ്ഥ ആയിരുന്നു. നല്ല രുചിയുള്ള ആഹാരമായിരുന്നു. അതുള്ളത് കൊണ്ട് ഏതായാലും  ഞങ്ങൾക്ക് ഉൽക്ക തിന്നേണ്ടി വന്നില്ല. ആഹാരം ഒക്കെ മട മടാ അടിച്ചു കേറ്റി ഇരുന്നപ്പോൾ ആണ് മുകളിൽ നിന്നൊരു ശബ്ദം.

ഗിറ്റാർ പ്ലേ ചെയുന്ന സൗണ്ട് ആണ്. പാശ്ചാത്യ സംഗീതവും കേൾക്കുന്നുണ്ട്. മേനോൻ സർ വരുന്നില്ല എന്നു പറഞ്ഞത് കൊണ്ടു ഞാൻ മുകളിലേക് പോയി. ഒരു ടെറസ് സെറ്റപ്പ് ആണ്. അവിടെ കുറെ പേർ ഒരുമിച്ചു ഇരുന്നു ഫുഡ്ഡും കഴിച്ചു പാട്ടൊക്കെ പാടുന്നു. ഞാൻ അങ്ങോട്ട് പോയി. നിക്കോളാസ് എന്ന ഒരു ഫ്രഞ്ചുകാരൻ ആണ് പാടിയത്.

അവിടെ ഉള്ളവരെയൊക്കെ പരിചയപ്പെട്ടു. പല ദേശം പല സംസ്കാരം ഒരു കുടകീഴിൽ. ഇന്ത്യയെ അറിയാനും രീതികൾ പഠിക്കാനും വേണ്ടി വന്നതാണെന്നാണ് അവർ പറഞ്ഞത്. കുറച്ചു സമയം ഞങ്ങൾ സംസാരിച്ചിരുന്നു. അവരുടെ ആഹാരത്തിനുള്ള ക്ഷണം സ്നേഹപൂർവ്വം നിരസിച്ചു ഞാൻ താഴെ മുറിയിലേക് ചെന്നു.

റൂമിൽ ചെന്നു കയറിയപ്പോ ഞാൻ കണ്ടത് മേനോൻ സാറുമായി സംസാരിച്ചു കൊണ്ടിരിക്കുന്ന ജീവനെയാണ്. ഞാൻ വന്നത് കണ്ടു അവർ രണ്ടും ചിരിച്ചു. അവൻ ബെഡ്‌ഢിൽ നിന്നും എഴുന്നേറ്റു നിന്നു.

“ആ ജീവനോ വന്നിട്ട് ഒരുപാട് നേരമായോ…. ഞാൻ മുകളിൽ വരെ ഒന്നു പോയിരുന്നു”

“ഇല്ല ചേട്ടാ ഇപ്പോൾ വന്നതെ ഉള്ളു. ചേച്ചി പറഞ്ഞു വിട്ടത് ആണ്. ഇവിടെ വന്നപ്പോ സർ പറഞ്ഞു ഇങ്ങൾ മോളിലേക്ക് പോയെന്ന്. അതാ വെയിറ്റ് ചെയ്തു ഇരുന്നത്. ഇവിടെ ഒക്കെ ചുമ്മ ഒന്നു ചുറ്റി കാണിപ്പിക്കാൻ ആണ് ചേച്ചിയുടെ ഓർഡർ. അതാ വന്നത്. നിങ്ങൾ റെഡി ആയാൽ നമുക്കു ഉടനെ പോകാം”

“ഇന്ന് എനിക്ക് നല്ല ക്ഷീണമുണ്ട്. നിങ്ങൾ പോയിട് വാ. വയസ്സയില്ലെ. ഞാനിനി എന്തു കാണാൻ ആണ്. നിങ്ങൾ പോയിട്ട് വാ. ഞനൊന്നു കിടക്കട്ടെ.” മേനോൻ സർ പറഞ്ഞു

ഞങ്ങളായി എതിരും നിന്നില്ല. പുള്ളി വാക്ക് ഒരു തവണയെ പറയൂ. പിന്നെ അതിലൊരു മാറ്റം പ്രതീക്ഷിക്കണ്ട. ഞാൻ ഡ്രസ്സും മാറി അവനോടൊപ്പം ഇറങ്ങി നടന്നു.

ഞങ്ങൾ താഴേക്കിറങ്ങി നടന്നു.