നിയോഗം 2 Dark World Part IX (മാലാഖയുടെ കാമുകൻ) 1502

അതിൽ ഒരുത്തൻ റാണയോടു വിളിച്ചു പറഞ്ഞപ്പോൾ റാണ ചിരിച്ചു. അയാൾ വീണു കിടക്കുന്ന മീനുവിനെ നോക്കി..

ഗുണ്ടകൾ വല്ലാത്ത ചിരിയോടെ മെറിനെയും ലിസയെയും നോട്ടം ഇട്ടപ്പോൾ റാണ അർച്ചനയുടെ കവിളിൽ ഒരു അടി കൂടെ അടിച്ചു..

അലറികരഞ്ഞു നിലത്തു വീണ അവളെ അവൾ കഴുത്തിൽ പിടിച്ചു വലിച്ചു പൊക്കി… അവൾ ശ്വാസം കിട്ടാതെ പുളഞ്ഞു..

മെറിൻ കണ്ണുകൾ ഇറുക്കി അടച്ചു…

റോഷൻ ഇല്ല.. റെവൻ.. അവൾ ഇല്ല.. അവളെ തേടി പോയ സഹായിക്കുന്ന പെണ്ണ്, അവളും ഇല്ല… പറഞ്ഞിരുന്നു ശ്രദ്ധിക്കാൻ.. കേട്ടില്ല.. മെറിൻ സ്വയം ശപിച്ചു..

ഇനി സഹായത്തിന് ആരും ഇല്ല… ഈ ഗുണ്ടകളും ഇയാളും ഞങ്ങളെ…..
ഒരു കരച്ചിൽ പുറത്തു വരാതെ അവളുടെ തൊണ്ടയിൽ തന്നെ കുടുങ്ങി..

സകല ദൈവത്തിന്റെയും വിളിച്ചു അവൾ ദുർബലമായി കയ്യിലെ വിലങ്ങ് അഴിക്കാൻ ശ്രമിച്ചുകൊണ്ടിരുന്നു..

ഗുണ്ടകളിൽ ചിലർ മീനുവിന്റെ അടുത്ത് ചെന്ന് അവളുടെ ശരീരം കണ്ണുകൾ കൊണ്ട് കൊത്തി വലിക്കുകയായിരുന്നു.. അവരിൽ ഒരാൾ അവളുടെ മുഖത്തേക്ക് കുപ്പിയിൽ നിന്നും മദ്യം ഒഴിച്ചപ്പോൾ അവൾ ഞരങ്ങി കണ്ണ് തുറന്നു..

കണ്ണിൽ കണ്ട കാഴ്ച എന്താ സംഭവിക്കുന്നത് എന്ന് അവൾക്ക് ആദ്യം മനസിലായില്ല.. കാര്യങ്ങൾ മനസിലായപ്പോൾ അവൾ ഞെട്ടി വിറച്ചു.. ദേഹം മൊത്തം വിറയൽ ബാധിച്ചു..

അർച്ചനയുടെ കഴുത്തിൽ മുടിയിൽ കുത്തി പിടിച്ചു നിൽക്കുന്ന റാണ.. അവൾ വേദന കൊണ്ട് കരയുന്നു..

മെറിന്റെയും ലിസയുടെയും ചുറ്റിനും ഇരുമ്പ് കമ്പിയും ആയി വൃത്തികെട്ട ചിരിയും ആയി നിൽക്കുന്ന കുറച്ചു ആളുകൾ..

അവളുടെ ചുറ്റിനും അവളെ ആർത്തിയോടെ നോക്കി നിൽക്കുന്ന കുറച്ചുപേർ.. പച്ച മാംസം കണ്ട പുലികളെപോലെ..

“ചേച്ചി….??!!”

അവൾ കരഞ്ഞു കൊണ്ട് മെറിനെ വിളിച്ചപ്പോൾ മെറിൻ അവളെ നോക്കി കരഞ്ഞു.. ലിസ അപ്പോഴും കൈ വലിക്കുകയായിരുന്നു.. എങ്ങനെ എങ്കിലും അഴിയുമോ എന്ന്…

അതോടെ മീനുവിന് മനസിലായി റോഷന് വേണ്ടി കാത്തു വച്ചത് എല്ലാം ഇന്ന് പോകും എന്ന്..

ജീവൻ അടക്കം…

(തുടരും… )