നിയോഗം 2 Dark World Part IX (മാലാഖയുടെ കാമുകൻ) 1503

“ഇല്ല.. ഒന്നും ഇല്ല മോളെ.. ഞാൻ ഒരു കേസിന്റെ കാര്യം ആലോചിച്ചതാണ്.. പുതിയ ഒരു തുമ്പ് കിട്ടി.. അതാണ്…”

മെറിൻ വളരെ ബുദ്ധിമുട്ടി ഒരു നുണ പറഞ്ഞു..

“ഹോ പേടിച്ചു പോയി.. ഞാൻ വിചാരിച്ചു ഇനി ആ ക്വീൻ എങ്ങാനും ഇവിടെ വന്നു എന്ന്… ഈ ചേച്ചി..! ഞാൻ ചായ എടുക്കാം..”

അവൾ മെറിന്റെ കവിളിൽ നുള്ളി അകത്തേക്ക് പോയപ്പോൾ മെറിൻ ഞെട്ടി…

അവൾ പറഞ്ഞത് പോലെ തന്നെ.. എന്റെ തൊട്ടടുത്ത് വന്നിരുന്നു..അവൾ എന്റെ കവിളിൽ വരെ നുള്ളി… മീനു കവിളിൽ നുള്ളുന്നത് വരെ അവളുടെ വേഷത്തിൽ വന്ന ക്വീൻ ചെയ്തു. ഒരു മാറ്റവും ഇല്ല.. പക്ഷെ ഒരു മയക്കുന്ന സുഗന്ധം ഉണ്ടായിരുന്നു..

മെറിന് അല്പം പേടി തോന്നി.. ക്വീൻ.. അവൾ ഈ വീടിന്റെ അകത്ത്..

അതും മീനുവിന്റെ രൂപത്തിൽ.. രത്‌നവും അവൾ കൊണ്ടുപോയി.. മെറിൻ ആകെ പ്രാന്ത് പിടിച്ച അവസ്ഥയിൽ എത്തി.

അപ്പോഴേക്കും ലിസയും അർച്ചനയും വന്നു.. മെറിൻ ലിസയെ കൈ പിടിച്ചു വേഗം അപ്പുറത്തേക്ക് കൊണ്ടുപോയി..

“എന്താ മെറിൻ..? എന്താ?”

ലിസ മെറിന്റെ ഭാവം കണ്ടു ആശങ്കയോടെ ചോദിച്ചു..

“ലിസ.. ക്വീൻ ഇവിടെ വന്നിരുന്നു.. എന്റെ റൂമിൽ…”

മെറിൻ മെല്ലെ സെറ്റിയിൽ തളർന്നു ഇരുന്നു കൊണ്ട് പറഞ്ഞു..

“ഗോഡ്.. ആർ യു കിഡിങ്!!! ഹോളി ഫക്ക്… വൈ മെറിൻ?”

ലിസയുടെ ചോദ്യം ഉച്ചത്തിൽ ആയിരുന്നു.. അവൾ ആകെ പേടിച്ചിരുന്നു..

“അവൾ മീനുവിന്റെ രൂപത്തിൽ ആണ് വന്നത് ലിസ.. ഒരു വെത്യസവും എടുത്തു പറയാൻ ഇല്ല.
അവൾ ആ രത്‌നം ചോദിച്ചപ്പോൾ വേഗം എടുത്തു കൊടുക്കുകയും ചെയ്തു.. മൈ മിസ്റ്റേക്ക്.. ലിസ.. വാട്ട് ആം ഗോന്ന ടു?”

മെറിന്റെ അവസ്ഥ കരഞ്ഞത് പോലെ ആയിരുന്നു..

ലിസ മെറിന്റെ അടുത്ത് ഇരുന്നു.. അവളുടെ തോളിൽ കൈ വച്ചു..

“മെറിൻ.. അവൾ അത് കൊണ്ടുപോയ്‌ക്കോട്ടെ.. പക്ഷെ നീ എതിർത്തിരുന്നു എങ്കിലോ? അത് ആലോചിച്ചിരുന്നോ?”

അവൾ അത് ചോദിച്ചപ്പോൾ മെറിൻ അവളെ പരിഭ്രമത്തിൽ നോക്കി.. അവൾ പറഞ്ഞതിൽ കാര്യം ഉണ്ട്

“എലീസയുടെ വീട്ടിൽ നടന്നത് നമ്മൾ നേരിട്ട് കണ്ടതല്ലേ? അപ്പോൾ അവളെ എതിർത്തിരുന്നു എങ്കിൽ നമ്മുടെ മീനുട്ടി ആകുമായിരുന്നു ഇര.. നീ അത് കൊടുത്തത് നന്നായി മെറിൻ…”

ലിസ പറഞ്ഞു തീരലും മെറിന്റെ ഫോൺ അടിച്ചു.. ഒരു പ്രൈവറ്റ് നമ്പർ..

അവൾ ഫോൺ എടുത്തു..

“മെറിൻ.. എന്നോട് ക്ഷമിക്കണം.. ആ രത്‌നം അവൾ കൊണ്ടുപോയി അല്ലെ.. എനിക്ക് അവിടെ എത്താൻ കഴിഞ്ഞില്ല.. അവളുടെ പ്ലാൻ ഇതായിരുന്നു…”

അപ്പുറത്തു നിന്നും ഒരു മധുരശബ്ദം ഒഴുകി എത്തിയപ്പോൾ മെറിൻ ഒന്ന് പകച്ചു..

“ഇത്.. ഇതാരാണ്..?”

അവൾ ലിസയെ നോക്കി ഫോൺ സ്‌പീക്കറിൽ ഇട്ടു..

“ഞാൻ തന്ന ചോക്ലേറ്റ് നിങ്ങൾ കഴിച്ചിരുന്നു മെറിൻ.. ഇപ്പോൾ ഞാൻ ആരാണെന്നു മനസിലായില്ലേ?