നിയോഗം 2 Dark World Part IX (മാലാഖയുടെ കാമുകൻ) 1503

“അവൾ എന്റെ സഹോദരി ആണ്.. എന്നാലും അവൾ ചെയ്തത് ശരിയല്ല.. അവളെ തോൽപ്പിച്ചാൽ, നിനക്ക് കിട്ടുന്ന വില. അത് വളരെ വലുതായിരിക്കും റോഷൻ…”

അവൾ മെല്ലെ പറഞ്ഞു..

“അത് നടക്കില്ല എന്ന് നിനക്ക് അറിയാമല്ലോ.. എനിക്ക് ആ സമയം തീരും വരെ പിടിച്ചു നിന്നാൽ മതി..”

“സമയം തീരും വരെ നിന്നാലും അവൾ തോൽക്കും.. അങ്ങനെ നോക്കിയാൽ അവളെ തോൽപ്പിക്കാൻ ഒരു വഴി ഉണ്ട്….”

ട്രിനിറ്റി തല ഉയർത്തി എന്നെ നോക്കി..

അവളുടെ നീലകണ്ണുകൾ വെട്ടി തിളങ്ങുകയായിരുന്നു… അവൾ എന്തോ മാർഗം കണ്ടതായി എനിക്ക് തോന്നി..

***

Shoba Apartments, Kochi

മെറിൻ റൂമിൽ എന്തോ ആലോചിച്ചു കിടക്കുകയായിരുന്നു..

റെവന്റെ കാര്യം ആലോചിച്ചപ്പോൾ അവൾക്ക് എന്താണ് നടന്നത് എന്ന് അറിയില്ലായിരുന്നു.. അവൾ കുറെ ഉപകാരം ചെയ്തു.. ഇപ്പോൾ അവളെ സഹായിക്കാൻ എന്താണാവോ വഴി എന്ന് അവൾ ചിന്തിച്ചു.

എന്തൊക്കെ ആണ് ഈ ലോകത്തു നടക്കുന്നത്.. മനുഷ്യൻ ഒന്നും അല്ലാത്ത അവസ്ഥ.. സഹായത്തിന് ഉണ്ടായിരുന്ന ഒരു ആൾ ആണ് പോയത്..

അതിനിടയിൽ കയ്യിൽ കിട്ടി എന്ന് കരുതിയ ഡി ഏയ്ഞ്ചൽസ്.. റാണ കാരണം അവർ രക്ഷപെട്ടു..

റാണ എന്തോ ഒളിക്കുന്നുണ്ട്.. അവിടെ നിന്നും പിടിച്ച ആരുടെയും ഒരു ഡീറ്റൈൽസും അയാൾ പറഞ്ഞില്ല.. കൂടാതെ അയാൾ എങ്ങനെ അവിടെ എത്തി??

അതൊക്കെ ആലോചിച്ചപ്പോൾ അവൾക്ക് പ്രാന്ത് പിടിക്കുന്നത് പോലെ തോന്നി.. അവൾ മേശയിൽ വച്ച റെഡ്ബുൾ എടുത്തു തുറന്നു കുടിച്ചു.

കതക് തുറക്കുന്ന ശബ്ദം കേട്ടപ്പോൾ മെറിൻ തല പൊക്കി നോക്കി..

മീനു പച്ച ഹാഫ് സാരി ഉടുത്തു റൂമിൽ വന്നു അവളെ നോക്കി ചിരിച്ചു..

“ആഹാ സാരി ഉടുത്തു സുന്ദരി ആയല്ലോ.. അല്ല എപ്പൊഴും സുന്ദരി ആണല്ലോ പെണ്ണ്….”

മെറിൻ അവളെ നോക്കി ചിരിച്ചു..

“ഓഹ്‌ പിന്നെ.. എന്നാലും ചേച്ചിയുടെ അത്രക്ക് വരുമോ?”

“ദേ പെണ്ണെ.. കളിയാക്കിക്കോ ഇനി… “

മെറിൻ ചിരിച്ചു കൊണ്ട് ബെഡിൽ എണീറ്റിരുന്നു..

“ചേച്ചി എനിക്ക് ആ രത്‌നം ഒന്ന് തരാമോ? എന്തിനാ എന്ന് ചോദിക്കരുത്…”

അവൾ ഒരു ചിരിയോടെ അടുത്ത് വന്നു മെറിന്റെ കവിളിൽ ഒന്ന് നുള്ളി..

അവളിൽ നിന്നും പതിവില്ലാത്ത ഒരു സുഗന്ധം മെറിനെ പൊതിഞ്ഞു..

“നിനക്ക് എന്ത് വേണമെങ്കിലും നിന്റെ ചേച്ചി തരില്ലേ.. ആ അലമാര തുറന്നാൽ അതിൽ ഉണ്ട്.. എടുത്തോളൂ…”

മെറിൻ ചിരിച്ചു കൊണ്ട് പറഞ്ഞു..

“ചേച്ചി എടുത്തു താ.. അത് ചേച്ചിയുടെ കൈകൊണ്ടു തന്നാൽ മാത്രമേ വിചാരിച്ച കാര്യം നടക്കുള്ളൂ.. വാ ചേച്ചി….”

മീനു മെറിനെ പിടിച്ചു വലിച്ചു..

“ഈ പെണ്ണിന്റെ ഒരു കാര്യം… “

മെറിൻ എഴുന്നേറ്റു അലമാര തുറന്നു രത്‌നത്തിന്റെ ബോക്സ് എടുത്തു അവൾക്ക് കൊടുത്തു..അവൾ അത് വേഗം വാങ്ങി..
അത് കിട്ടിയപ്പോൾ അവളുടെ മുഖം സന്തോഷം കൊണ്ട് നിറഞ്ഞു..