നിയോഗം 2 Dark World Part IX (മാലാഖയുടെ കാമുകൻ) 1513

“അതെ ലിസ.. ഞാൻ ജീപ്പ് മാറ്റി ഒരു ടാറ്റ ഹാരിയർ ആക്കിയാലോ എന്ന് ആലോചിക്കുകയാണ്.. എനിക്ക് ആ വണ്ടി ഇഷ്ടമായി..”

ലിസയും മെറിനും വണ്ടികളെപ്പറ്റി സംസാരിച്ചു..

എന്നാൽ വളരെ വേഗം തന്നെ വണ്ടി ഒഴിഞ്ഞ മൈതാനത്തേക്ക് ഉള്ള വഴിയിൽ കയറി.. വഴിയിൽ നിന്നും ഏകദേശം അര കിലോമീറ്റർ ഉള്ളിൽ ആണ് ഈ മൈതാനം.

ആകെ വിജനം ആണ്… അവൾ വണ്ടി മൈതാനത്തിന്റെ ഒരു മൂലക്ക് നിർത്തി.. അടുത്തെങ്ങും ആരും ഇല്ലാത്ത ഒരു സ്ഥലം ആണ് ഇത്.

“റാണ എത്തിയില്ലേ? അയാളെ വിളിക്കരുത് എന്നാണ് പറഞ്ഞത്..എന്തോ രഹസ്യം ആയ കാര്യം ആണെന്ന് തോന്നുന്നു.. “

മെറിൻ വണ്ടിയിൽ നിന്നും ഇറങ്ങി. ലിസയും..

ലിസ എന്തോ പറയാൻ വന്നു.. എന്നാൽ അവൾ ചെവി ഓർത്ത്‌ ഒരു നിമിഷം നിന്നു..

മൈതാനത്തിൽ ഇടക്ക് ഇടക്ക് കാല്പാദം മൂടുന്ന പുല്ലുകൾ വളർന്നു നിൽക്കുന്നുണ്ട്.. അതിൽ നിന്നും രണ്ടോ മൂന്നോ മുയലുകൾ ഓടിപോയി..

ഉടനെ.. വല്ലാത്ത ഒരു മുരൾച്ചയോടെ കാട്ടിൽ നിന്നും ഒരു കറുത്ത ട്രയാംഫ് ടൈഗർ 1200 അഡ്വെഞ്ചർ ബൈക്ക് മൈതാനത്തേക്ക് ഒരു കറുത്ത പുലി ചാടും പോലെ ചാടി കയറി വന്നു….

ഉടനെ അപ്പുറത്ത് നിന്നും വല്ലാത്ത ശബ്ദത്തിൽ ഒരു കറുത്ത BMW R1250 അഡ്വെഞ്ചർ ബൈക്ക് കൂടി ചാടി കുതിച്ചു വന്നു..

കറുത്ത ലെതർ ജാക്കറ്റും, കറുത്ത ലെതർ ടൈപ്പ് പാന്റും, ബൂട്ടും കറുത്ത ഹെൽമെറ്റും വച്ച രണ്ടുപേർ ആണ് ബൈക്ക് ഓടിച്ചിരുന്നത്…

“ഇറ്റ്സ്സ് എ ട്രാപ് മെറിൻ…”

ലിസ മെറിനെ നോക്കി..

രണ്ടു ബൈക്കും ഒന്ന് വട്ടം ചുറ്റി മെറിന്റെയും ലിസയുടെയും വണ്ടി പാർക്ക് ചെയ്തതിന്റെ അല്പം മാറി പാർക്ക് ചെയ്തു..

അവർ വണ്ടിയിൽ നിന്നും ഇറങ്ങിയപ്പോൾ ലിസയും മെറിനും പരസ്പരം നോക്കി.. മീനു അവരെ കണ്ടപ്പോൾ അർച്ചനയുടെ കയ്യിൽ മുറുകെ പിടിച്ചു.

പെണ്ണിന്റെ ഷേപ്പ് അവർ കണ്ടു.. അവർ രണ്ടുപേരും ഹെൽമെറ്റ് ഒരുമിച്ചു ഊരി…

“വാട്ട് ദി ഹെൽ? ഇതെങ്ങനെ? നോ.. എനിക്ക് വിശ്വസിക്കാൻ ആകുന്നില്ല മെറിൻ.. ദിസ് ക്യാണ്ട് ബി റിയൽ….!”

ലിസ മെറിനെ പകച്ചു നോക്കിയപ്പോൾ മെറിൻ അമ്പരന്നു നിൽക്കുകയായിരുന്നു.. അവൾക്കും മനസിലായില്ല.. ഈ മുൻപിൽ നിൽക്കുന്നവർ രണ്ടുപേർ.. എങ്ങനെ??

ഡിമോണിക് ഏയ്ഞ്ചൽസ്….

അവരുടെ തലമുടിയുടെ നിറം മാറിയിരിക്കുന്നു..

ഒരാളുടെ മുടി മഞ്ഞയും മറ്റെയാൾ ചുവപ്പും ആണ്.. അപ്പോൾ എയർപോർട്ട് വഴി പോയി എന്ന് വിശ്വസിപ്പിക്കാൻ അവർ ഒരു കളി കളിച്ചത് ആണ്.

“ലിസ.. അപ്പോൾ ആരോ കാര്യം ആയി ഇവരെ ഹെല്പ് ചെയ്തിട്ടുണ്ട് നമ്മളെ കുടുക്കാൻ.. റാണ ആണെങ്കിൽ?”

മെറിൻ അവളെ നോക്കി.. ലിസയുടെ കണ്ണുകൾ അവരിൽ ആയിരുന്നു.

“ഹേയ് ഗേൾസ്.. വി ഹാവ് സം അൺഫിനിഷ്ഡ് ബിസിനസ്…”

അതിൽ ഒരുവൾ ഹെൽമെറ്റ് താഴെ ഇട്ടു മുൻപോട്ട് വന്നു..

“ഡോണ്ട് എക്സ്പെക്റ്റ്‌ റാണ…”

അവൾ പറഞ്ഞത് അല്പം ഞെട്ടലോടെ ആണ് മെറിനും ലിസയും കേട്ടത്..

ഒരു സംശയം തോന്നിയിരുന്നു എങ്കിലും ഇത് പ്രതീക്ഷിച്ചില്ല.. റാണ അവരുടെ സൈഡ് ആണോ? അതോ റാണയെ ഇവർ തടഞ്ഞോ? അതോ കൊന്നോ?