നിയോഗം 2 Dark World Part IX (മാലാഖയുടെ കാമുകൻ) 1514

മെറിൻ.. അവൾ ആ രത്‌നം കൈക്കൽ ആക്കാൻ ആണ് റെവനെ കൊണ്ടുപോയത്..

ഞാൻ അവളെ തേടി പോകും എന്ന് അവൾക്ക് അറിയാമായിരുന്നു.. എന്നാൽ അവൾ നിങ്ങളെ ഒന്നും ചെയ്യാത്തതിന് കാരണം, പൂർണമായ മനസോടെ വേണം ആ രത്‌നം നൽകാൻ..

അത് കൊടുത്തത് കൊണ്ട് ഡാർക്ക് എയ്ഞ്ചൽ ഇനി നിങ്ങളിൽ ആരുടെയും പുറകെ വരില്ല… നിങ്ങൾ ഇനി ഇതിൽ നിന്നും മാറി നിൽക്കുക.. അവൾ അതിശക്ത ആണ്..

കൂടാതെ.. റെവൻ മിസ്സിംഗ് ആണ്.. അതിനാൽ ഞാൻ അവളെ കണ്ടുപിടിക്കും വരെ അവിടെ ഉണ്ടാകില്ല.. നിങ്ങൾ എവിടെ പോകുമ്പോഴും അർച്ചനയെയും മീനാക്ഷിയെയും കൂട്ടുക.. നന്നായി സൂക്ഷിക്കുക.

ആരെയും വിശ്വസിക്കാതെ ഇരിക്കുക.. കഴിയുന്നതും പുറത്തും പോകാതെ നോക്കണം.. റോഷൻ ഉടനെ വരും… സമാധാനത്തോടെ ഇരിക്കുക…”

അത്രയും പറഞ്ഞു ആ സപ്തസ്വരം പോലെ മധുരമായ ആ സ്വരം നിന്നു.. ഫോൺ കട്ട് ആയി.. ലിസയും അത് കേട്ടിരുന്നു..

മെറിൻ അല്പം ആശ്വാസത്തോടെ അവളെ നോക്കി..

“ഇനി സങ്കടപ്പെട്ട് ഇരുന്നു ഈ സൗന്ദര്യം കുറയണ്ട.. റോഷൻ വരുന്നുണ്ട് എന്ന്…”

ലിസ അവളുടെ താടി പിടിച്ചു കുലുക്കിയപ്പോൾ ആ സാഹചര്യത്തിലും മെറിന് ചിരി പൊട്ടി..

**

മെയ്‌വൂൺ ഗ്രഹം..

തൂവെള്ള തുണികൾ ചുറ്റി ഞാൻ തയാറായി നിന്നു.. ഇന്ന് സന്ധ്യക്ക് ആണ് ട്രിനിറ്റിയെ വിവാഹം ചെയ്യേണ്ടത്..

ആലോചിക്കുമ്പോൾ പേടി ആകുന്നു.. മൂന്നാമത്തെ കല്യാണം.. അതും ഭൂമിയിൽ നിന്നും കോടിക്കണക്കിനു പ്രകാശ വർഷം അകലെ..

മീനു എങ്ങാനും ഇതറിഞ്ഞാൽ അവൾ കറിക്കത്തി എങ്ങാനും എടുത്തു എന്റെ കൊച്ചു റോഷനെ ചെത്തും എന്നെനിക്ക് തോന്നി… അർച്ചന പിന്നെയും ക്ഷമിക്കും.

അയ്യോ.. ആലോചിക്കാൻ വയ്യ..

“റോഷൻ.. എന്തൊരു ശക്തി ആണ് നിനക്ക്.. നീ അവളെ ഇടിച്ച ആ ഇടി എനിക്ക് ആയിരുന്നു കൊണ്ടതെങ്കിൽ ഞാൻ അപ്പോൾ മരിച്ചേനെ…”

കിവെറ എന്റെ ദേഹം ഫിക്സ്‌ ചെയ്‌തു കഴിഞ്ഞു എന്തോ ഒരു മരത്തിന്റെ ഇല അരച്ചത് ദേഹത്ത് തേക്കുമ്പോൾ എന്നെ നോക്കി പറഞ്ഞു..

“കിവെറ.. എനിക്ക് അതിൽ എന്തോ സംശയം ഉണ്ട്….”

“എന്ത് സംശയം?”

അവൾ തേക്കുന്നത് നിർത്തി എന്നെ നോക്കി…

“ഏയ് ഒന്നും ഇല്ല.. വെറുതെ തോന്നിയത് ആണ്…”

ഞാൻ ചിരിച്ചപ്പോൾ അവൾ ചിരിച്ചുകൊണ്ട് എന്റെ കാലിൽ അത് തേച്ചു… ഞാൻ അവളുടെ വാല് പിടിച്ചു നോക്കിയപ്പോൾ അവൾ ചിരിച്ചു..

“വാല് പിടിച്ചു കഴുത്തിൽ ചുറ്റാൻ ആണോ? ട്രിനിറ്റി പറഞ്ഞു തന്നത് ആയിരിക്കും അല്ലെ?”