നിയോഗം 2 Dark World Part IX (മാലാഖയുടെ കാമുകൻ) 1514

ക്വീൻ വലിയൊരു ചെയറിൽ ഇരിക്കുന്നുണ്ട്.. ഒരു ചതുരകളം.. അതിൽ ഡെൽറ്റ നിൽക്കുന്നു.. ഗ്രേ നിറം സ്യൂട്ട്‌ ആണ് അവളുടെ.. അതിനു ചുറ്റും ആണ് പെണ്ണുങ്ങളും കുട്ടികളും.

“ബേബി.. “

ട്രിനിറ്റി അത് മാത്രം വിളിച്ചു എന്റെ നെറ്റിയിൽ നെറ്റി മുട്ടിച്ചു എന്റെ മാസ്ക് തലയിൽ കൂടി ഇട്ടുതന്നു.. ഞാൻ കുട്ടികളെ ഒന്ന് കൂടി തലോടി കളത്തിലേക്ക് കയറി ചെന്നു..

ഡെൽറ്റ എന്നെ നോക്കി ചിരിച്ചു.. അവൾ മാസ്ക് ഒന്നും ഇട്ടിട്ടില്ല..

“നിന്നെ എനിക്ക് കൊല്ലണ്ട.. പക്ഷെ യു ഡോണ്ട് ബെലോങ്‌സ് ഹിയർ.. ട്രിനിറ്റിയെ സ്വന്തം ആക്കാനുള്ള ക്വാളിറ്റി നിനക്ക് ഇല്ല… അത്രേ ഉള്ളു എനിക്ക്…”

ഞാൻ ഒന്നും മിണ്ടിയില്ല..

ഇടയിൽ നിൽക്കാൻ ഒരാൾ വന്നു… അവൾ സമയം സെറ്റ് ചെയ്തു..

പോയിന്റ് ചെയ്ത സൂര്യ വെളിച്ചം ഒരു പച്ച കല്ലിൽ തട്ടിയപ്പോൾ അവൾ ഒരു സമയ നാഴിക പോലെ ഒരു കുപ്പി തിരിച്ചു വച്ചു.. അതിൽ നിന്നും തുള്ളി തുള്ളി ആയി നീല ജലം താഴേക്ക് ഉറ്റി..

“സ്റ്റാർട്ട് ….”

അവൾ പറഞ്ഞതും ഡെൽറ്റ മുൻപോട്ട് വന്നു ചാടി കറങ്ങി വരുന്നത് ഞാൻ ഒരു മിന്നായം പോലെ കണ്ടു…

അതിനു മുൻപേ തന്നെ അവളുടെ കാൽ അതിശക്തമായി എന്റെ കഴുത്തിൽ പടക്കം പൊട്ടും പോലെ അടിച്ചതും ഞാൻ തെറിച്ചു പോയി ചെരിഞ്ഞു അടിച്ചു നിലത്തു വീണു.. തല നിലത്ത് അടിച്ചു മാസ്ക് ഊരിപ്പോയി..

ബോധം പോയത് പോലെ… കണ്ണ് മറിഞ്ഞു പോകുന്നു.. ഇല്ല.. പാടില്ല.. ഞാൻ കൈ കുത്തി വളരെ ബുദ്ധിമുട്ടി എഴുന്നേറ്റപ്പോഴേക്കും അവളുടെ കാൽ വീണ്ടും ചീറി വന്നു എന്റെ നെഞ്ചിനു തന്നെ..

വേദനയോടെ മലർന്നടിച്ചു തെറിച്ചു വീണു ഞാൻ..

“ഡെൽറ്റ…! ഇതെന്താണ് ഇങ്ങനെ അറ്റാക്ക് ചെയ്യുന്നത്? എണീറ്റ് നില്ക്കാൻ അവസരം കൊടുക്കുക..”

ഇടയിൽ നിന്ന പെണ്ണ് അവളോട് പറയുന്നത് ഞാൻ കെട്ടു.. മെല്ലെ എണീറ്റ് നിന്നു.. നെഞ്ച് തകർന്നത് പോലെ..

ട്രിനിറ്റി നിലത്തു ഇരിക്കുന്നത് ഞാൻ കണ്ടു.. എന്റെ കുട്ടികൾ കരച്ചിലിന്റെ വക്കിൽ ആണ്..

“തോൽവി സമ്മതിച്ചാൽ ഇവിടെ വച്ച് നിർത്താം….നിന്നെ ഞാൻ തന്നെ യാത്ര ആക്കാം..”

ഡെൽറ്റ വിളിച്ചു പറഞ്ഞു..

“ഫക്ക് ഓഫ്…. “

അതായിരുന്നു എന്റെ മറുപടി.. അത് കേട്ടതോടെ അവളുടെ ദേഷ്യം ഇരട്ടിച്ചു എന്റെ നേരെ പാഞ്ഞു വന്നു..

അവളുടെ പഞ്ചുകൾ വന്നതൊക്കെ എനിക്ക് തടുക്കാൻ പറ്റി.. എന്റെ കയ്യിൽ കയറി പിടിച്ചു അവൾ പുറകോട്ട് തിരിക്കാൻ നോക്കിയപ്പോൾ ഞാൻ കൈ വലിച്ചു ഊരി അവളെ ചുവുട്ടി..

കൊണ്ടില്ല.. അവൾ വെട്ടിയൊഴിഞ്ഞു കാലു വീശി എന്റെ തുടയിൽ അടിച്ചു…

“ആഹ്….!”

വേദന കൊണ്ട് കരഞ്ഞ ഞാൻ ഒന്ന് ഞൊണ്ടി പുറകോട്ടു പോയപ്പോൾ അവൾ ചാടി പൊങ്ങി അന്തരീക്ഷത്തിൽ ഉയർന്നു..
ഇരുകാലുകളും ഒരുമിച്ചു ആണ് എന്റെ നെഞ്ചിനു നേരെ വന്നത്..

ചവിട്ടു കൊണ്ട് തെറിച്ചു വീഴുമ്പോൾ എന്റെ കുട്ടികൾ കരഞ്ഞു തുടങ്ങിയത് ഞാൻ കണ്ടു..
വായിൽ ചോര ചുവ.. സമയം കാൽ ഭാഗം പോലും ആയിട്ടില്ല..