നിയോഗം 2 Dark World Part IX (മാലാഖയുടെ കാമുകൻ) 1514

അവൾ മെറിനെ ഒന്ന് നോക്കി ഒന്നും മിണ്ടാതെ വേഗം അതുംകൊണ്ട് പുറത്തേക്ക് പോയി..

“ഈ പെണ്ണിന് ഇതെന്താ… കുറുമ്പി…”

മെറിൻ സ്വയം പറഞ്ഞു ചിരിച്ചു മെല്ലെ അടുക്കളയിലേക്ക് നടന്നു.. അർച്ചനയും ലിസയും പുറത്ത് പോയതാണ്. അവൾ അല്പം വെള്ളം എടുത്തു കുടിച്ചു..

ബാൽക്കണിയിലേക്ക് പോകാം എന്ന് കരുതി അവൾ ഫോണും എടുത്തു അർച്ചനയുടെ റൂമിലേക്ക് കയറി..

ഉടനെ ആ റൂമിലെ ബാത്റൂമിലെ വാതിൽ തുറന്നു മീനു കുളിച്ചു ഒരു ഇളം റോസ് ഫുൾ സ്ലീവ് ബനിയനും കറുത്ത പാവാടയും ഇട്ടു, മുടി തുവർത്തിക്കൊണ്ടു പുറത്തു വന്നു..

“ചേച്ചി ഉറങ്ങിയില്ലേ? ഉറങ്ങണം എന്ന് പറഞ്ഞു പോയിട്ട്? ഇപ്പൊ എണീറ്റെ ഉള്ളോ? ഞാൻ കുളിക്കുവാരുന്നു..”

അവൾ മെറിനെ നോക്കി ചിരിച്ചു കൊണ്ട് പറഞ്ഞു…

“അഹ് ഞാൻ ഉറ…….”

മെറിൻ അത് പൂർത്തി ആക്കാതെ ഞെട്ടി അവളെ കണ്ണ് മിഴിച്ചു നോക്കി.. ഇവൾ ഇവിടെ? അപ്പോൾ നേരത്തെ വന്നു രത്‌നം വാങ്ങിയത് ആരാ??

“എന്താ ചേച്ചി?”

അവൾ മെറിൻ പെട്ടെന്ന് ഞെട്ടിയത് കണ്ടു ആകെ അന്തം വിട്ട് മെറിനെ നോക്കി ചോദിച്ചു..

“നീ.. നീ പച്ച ഹാഫ് സാരി അല്ലെ ധരിച്ചത്??”

മെറിൻ അവളോട് ചോദിച്ചു..

“ഈ ചേച്ചിക്ക് എന്താ? ഞാൻ നേരത്തെ ഇട്ടതു ചുരിദാർ അല്ലെ.. ഇപ്പൊ കുളിച്ചു വന്നു ഇതാ ഇതിട്ടു.. പച്ച ഹാഫ് സാരിയുടെ ബ്ലൗസ് അന്ന് കീറിപോയി.. വീട്ടിൽ വച്ച്.. വല്ല സ്വപ്നവും കണ്ടോ എന്റെ ചേച്ചി??”

അവൾ മെറിന്റെ അടുത്ത് വന്നു അവളുടെ കൈ പിടിച്ചു.

“എന്റെ ഈശോയെ….!”

മെറിൻ അതും പറഞ്ഞു തലയിൽ കൈ വച്ച് ബെഡിൽ ഇരുന്നു…
അവളുടെ കണ്ണിൽ ഇരുട്ട് കയറിയ അവസ്ഥ ആയി..

***

മെയ്‌വൂൺ ഗ്രഹം

ഞാൻ അതിരാവിലെ എഴുന്നേറ്റു.. ഇതെന്റെ അവസാന ദിവസം ആകാം…

ഞാൻ ഒന്ന് കൈ കൂപ്പി പ്രാർത്ഥിച്ചു.. എനിക്ക് വേണ്ടി അല്ല.. എന്റെ നാട്ടിൽ ഉള്ളവർക്ക് വേണ്ടി..

പിന്നെ എന്റെ കുട്ടികൾക്ക് വേണ്ടിയും.. എന്ത് പറഞ്ഞാലും ഭാഗ്യവാൻ ആണ് ഞാൻ.. എന്റെ കുട്ടികൾ ആണ് ഇവിടെ മുഴുവൻ.. അതും ശക്തരായ കുട്ടികൾ..
അതോർത്തപ്പോൾ ഞാൻ പുഞ്ചിരിച്ചു.

നന്നായി ഒന്ന് കുളിച്ചു വന്നു.. കറുത്ത സ്യൂട്ട്‌.. അത് ധരിച്ചു.. അപ്പോഴേക്കും ട്രിനിറ്റി ഭക്ഷണം കൊണ്ടുവന്നിരുന്നു.. ഇറച്ചിയും തേനും പാലും. അത് കഴിച്ചു..

അവൾ എന്നെ സ്നേഹത്തോടെ ഊട്ടി.. ഞാൻ അവളുടെ കവിളിൽ ഒരു ഉമ്മ കൊടുത്തു..

കുട്ടികൾ കൂടെ വന്നപ്പോൾ ഞാൻ അവരെയും ചേർത്ത് പിടിച്ചു ഒന്ന് സ്നേഹിച്ചു.. പെൺകുട്ടിയുടെ മുഖം അല്പം ആശയക്കുഴപ്പത്തിൽ ആണ്..

കുറച്ചു നേരം ആയപ്പോൾ ഒരു സൈറൺ മുഴങ്ങി.. ഉടനെ ട്രിനിറ്റി എന്നെയും കൂടി ഒരു ഗ്രൗണ്ട് പോലത്തെ സ്ഥലത്തേക്ക് നടന്നു..

അവിടെ മെയ്‌വൂണിലെ മുഴുവൻ ആളുകളും ഉണ്ട്.. പെണ്ണുങ്ങളും കുട്ടികളും.