നിയോഗം 2 Dark World Part IX (മാലാഖയുടെ കാമുകൻ) 1514

“നിനക്ക് വേണ്ടത്‌ എന്റെ പരിശീലനം അല്ലെ റോഷൻ? അല്ലെ?”

അവൾ എന്റെ തോളിൽ പിടിച്ചു കുലുക്കി..

“അതെ.. എന്നെ നീ അവളെ എതിരിടാൻ പരിശീലിപ്പിക്കണം.. അതാണ് എനിക്ക് വേണ്ടത്..”

ഞാൻ അവളെ നോക്കി പറഞ്ഞു…

“ശരി.. ഞാൻ ചെയ്യാം… “

അവൾ എന്റെ ചുണ്ടിൽ ചുംബിച്ചു.. ഞാൻ അവളെ കെട്ടിപിടിച്ചു ദേഹത്തേക്ക് അടുപ്പിച്ചു കഴുത്തിൽ ഒരു ഉമ്മ കൊടുത്തു..

അടക്കി പിടിച്ച ചിരികൾ കേട്ടപ്പോൾ ആണ് അവർ ഒക്കെ ഞങ്ങളെ നോക്കി നിൽക്കുന്ന കാര്യം ഓർമവന്നത്.. ഞാൻ വേഗം കൈ വലിച്ചു അടർന്നു മാറി..

****

റൂമിൽ ആയിരുന്നു ഞാൻ… വരുന്ന ഇടങ്ങളിൽ ഒക്കെ എനിക്ക് ഇതുപോലെ ആണല്ലോ ദൈവമേ എന്ന് ഞാൻ ഓർത്തു..
പക്ഷെ എന്നെ ഇവിടെ കൊണ്ടുവന്ന എന്റെ പെണ്ണിന്റെ അഭിമാനം പിന്നെ എന്റെ അഭിമാനം.. എന്റെ കുട്ടികളുടെ അഭിമാനം. ഇത് വിട്ടുള്ള കളി ഇല്ല.. വരുന്നത് നേരിടാം.. അവളുടെ ആഗ്രഹം ആണ് എന്നെ വിവാഹം കഴിക്കാൻ.. അത് നടത്തണം.

അല്ലെങ്കിൽ കൃതിരിൻ പെണ്ണിന്റെ കൈ കൊണ്ട് ചാവാം.. മരിക്കാൻ പേടി ഇല്ല.. പക്ഷെ മീനു… പാവം പെണ്ണ്..

വാതിൽ തുറന്നു കുട്ടികൾ വന്നു..

“പപ്പാ…”

അവർ രണ്ടുപേരും എന്റെ അടുത്ത് വന്നു നിന്നു.. രണ്ടുപേരും ആ കല്ലുകൾ മാല ആക്കി ഇട്ടിട്ടുണ്ട്. അത് വെട്ടിത്തിളങ്ങുന്നു.

“ആഹാ നല്ല ഭംഗി ഉണ്ടല്ലോ…”

ഞാൻ അവരെ നോക്കി പറഞ്ഞു..

“പപ്പാ.. പപ്പയെ കൊല്ലാൻ പോകുകയാണ് എന്ന് പറഞ്ഞല്ലോ പപ്പാ.. “

പെൺകുട്ടി സങ്കടത്തോടെ എന്റെ മുഖത്ത് നോക്കി ചോദിച്ചു.. എനിക്ക് സങ്കടം തോന്നി..

“ഛെ ഛെ.. അതൊക്കെ ഒരു തമാശ അല്ലെ.. എന്നെ ആരും കൊല്ലില്ല. രണ്ടു ആവൊനിയാക്കിനെ കൊന്ന എന്നെ ആര് കൊല്ലാൻ ആണ്?”

ഞാൻ രണ്ടുപേരെയും ചേർത്ത് പിടിച്ചു കൊണ്ട് പറഞ്ഞു..

“രണ്ടല്ല.. അന്ന് പറഞ്ഞില്ലേ ഒരെണ്ണത്തിനെ കൊന്നു എന്ന്? അപ്പോൾ മൂന്നെണ്ണത്തിനെ കൊന്നില്ലേ പപ്പാ? “

മകൻ ആവേശത്തോടെ ചോദിച്ചപ്പോൾ എനിക്ക് ചിരി ആണോ കരച്ചിൽ ആണോ വന്നത് എന്ന് എനിക്ക് പോലും അറിയാതെ ആയി..

“അത് നാട്ടിൽ അല്ലെ.. ഇത് ഇവിടെ.. “

മെല്ലെ പറഞ്ഞു ഒപ്പിച്ചപ്പോൾ അവർ എന്തോ ആലോചിച്ചു.. ഇവരുടെ വിചാരം ഈ സാധനം നാട്ടിലും ഉണ്ടെന്ന് ആണ്.

വീട്ടിൽ കയറി വന്ന വളവളപ്പൻ പാമ്പിൻ കുട്ടിയെ അബദ്ധത്തിൽ കൊന്നു പോയത് ആണെന്ന് ഇവർക്ക് അറിയില്ലല്ലോ..

“അപ്പൊ പപ്പാ ജയിക്കുമോ?”

അവളുടെ അടുത്ത ചോദ്യം..അവൾക്ക് മുഴുവൻ സംശയങ്ങൾ ആണ്…

“അതെ.. മക്കൾ ഇപ്പോൾ അതൊന്നും ആലോചിക്കേണ്ട.. വാ നമുക്ക് ഒന്ന് പുറത്തു പോയി നടന്നാലോ?”

“ആ.. പോവാം…”

അവർ ആവേശത്തോടെ പറഞ്ഞു.. ഞാൻ അവരുടെ കൈകൾ പിടിച്ചു ഇരു വശത്തും ആക്കി മെല്ലെ പുറത്തേക്ക് നടന്നു..

അത് കണ്ടപ്പോൾ കൃതിരിൻ പെണ്ണുങ്ങൾ എന്നെ നോക്കി..