നിയോഗം 2 Dark World Part IX (മാലാഖയുടെ കാമുകൻ) 1513

ഞാൻ അല്പം ആശങ്കയോടെ ചോദിച്ചു.

“സംസാരിച്ചു.. അവൾക്ക് കുഴപ്പം ഒന്നും ഉള്ളതായി തോന്നിയില്ല.. വരൂ റോഷൻ.. എല്ലാവരും കാത്തിരിക്കുന്നു..”

എനിക്ക് പേടി തോന്നി.. എന്നാലും അവളുടെ ഒപ്പം വണ്ടിയിൽ കയറി..

കൊട്ടാരത്തിന്റെ ഒരു ഹാളിൽ ആണ് എത്തിയത്. ഹാൾ എന്ന് പറഞ്ഞാൽ പുറത്താണ്.. ഓപ്പൺ ഹാൾ പോലെ. ഒരു മരവും ഉണ്ട്. അതിന്റെ അടിയിൽ അല്പം പൊങ്ങിയ ഒരു സ്റ്റേജ് പോലെ ഒരു ഭാഗം.. അതിൽ ക്വീൻ ഇരിക്കുന്നുണ്ട്..

ബാക്കി എല്ലാവരും താഴെ നിരന്നു നിൽക്കുന്നു.. പല പെണ്ണുങ്ങൾ.. അവരൊക്കെ എന്നെ കണ്ടു ചിരിച്ചു തല താഴ്ത്തിയപ്പോൾ എനിക്കും നാണം വന്നു..

മെയ്‌വൂണിലെ ക്വീൻ എന്നെയും ട്രിനിറ്റിയെയും മുകളിലേക്ക് വിളിച്ചു.. അതിനു ശേഷം എണീറ്റ് നിന്നു.. ഒരു പ്രസംഗത്തിന് തയ്യാറെടുത്തത് പോലെ..

“കുട്ടികളെ…

അവൾ അത് വിളിച്ചു ചുറ്റും നോക്കി.. എല്ലാവരും ഒതുങ്ങി നിന്നു.. വാലുകൾ നിലത്ത്..കൈ കെട്ടി.

“റോഷൻ എന്ന മനുഷ്യനെ ആരും പറഞ്ഞു തരേണ്ട ആവശ്യം ഇല്ല.. അന്യം നിന്ന് പോകേണ്ട ഈ ഗ്രഹത്തിലെ ജീവൻ വീണ്ടെടുത്ത് തന്നത് റോഷൻ ആണ്. അവന്റെ പ്രേതെകത നമ്മുടെ മരുന്ന് അവന്റെ ശരീരം സ്വീകരിച്ചു എന്നതാണ്..
അതുകൊണ്ടു തന്നെ കൃതിരിൻ വർഗത്തിന്റെ രക്തവും ശക്തിയും ആണ് അവന്റെ ദേഹത്ത് ഉള്ളത്.. അതിനാൽ എന്റെ മകൾ ആയ, നിങ്ങളുടെ ഒക്കെ സഹോദരി ആയ ട്രിനിറ്റി അവനെ വരിക്കാൻ താത്പര്യപ്പെടുന്നു..

ഒരു കാര്യം മാത്രം പറയാം.. ഈ കൂട്ടത്തിൽ എനിക്കോ നിങ്ങൾ ആർക്കും കിട്ടാത്ത ഒരു ഭാഗ്യം ആണ് ട്രിനിറ്റിക്ക് വരാൻ പോകുന്നത്.. അതാണ് വിവാഹം.

ആർക്കെങ്കിലും ഇതിൽ എതിർപ്പ് ഉണ്ടോ?”

ആ ചോദ്യം ക്വീൻ അവസാനം ചോദിച്ചപ്പോൾ ഞാൻ പേടിയോടെ അവരെ നോക്കി..

എല്ലാവരുടെയും ചുണ്ടിൽ പുഞ്ചിരി ആണ്.. ആരും ഒന്നും മിണ്ടിയില്ല.. എല്ലാവർക്കും സമ്മതം…

ട്രിനിറ്റി എന്നെ നോക്കി ചിരിച്ചു.. ക്വീൻ സന്തോഷത്തോടെ എന്തോ പറയാൻ വന്നു.. എന്നാൽ അതിന്റെ മുൻപേ വേറെ ഒരു ശബ്ദം അവിടെ മുഴങ്ങി..

“എതിർപ്പുണ്ട്…!”

ആ ഉറച്ച സ്വരം കേട്ടപ്പോൾ ഞാൻ ഞെട്ടി.. ഞാൻ മാത്രം അല്ല..

ആ പറഞ്ഞ ആൾ ഒഴികെ ബാക്കി എല്ലാവരും ഞെട്ടി.. ക്വീൻ അടക്കം..

ഡെൽറ്റ… അവൾ മുൻപോട്ട് വന്നു.. ട്രിനിറ്റി തല താഴ്ത്തി…
അവളുടെ കണ്ണിൽ നിന്നും വെള്ളം വന്നു.. എനിക്ക് വല്ലാത്ത സങ്കടം തോന്നി… അവൾ എതിർപ്പ് പറഞ്ഞതിൽ അല്ല.. ട്രിനിറ്റിയുടെ സങ്കടം കണ്ടിട്ട് ആണ്..

“എതിർപ്പിന്റെ കാരണം പറയൂ…”

ക്വീൻ അവളെ നോക്കി..

“യുവർ ഹൈനെസ്, റോഷൻ ഒരു മനുഷ്യൻ ആണ്. അവൻ ശക്തൻ അല്ല. ശക്തൻ ആയ ഒരാൾ എന്റെ സഹോദരിയെ വരിക്കണം എന്നാണ് എന്റെ ആഗ്രഹം.. “

അവൾ പറഞ്ഞു..

“ഡെൽറ്റ.. അവൻ രണ്ടു ആവൊനിയാക്കിനെ ആണ് കൊന്നത്.. അത് പോരെ അവന്റെ ശക്തി തെളിയിക്കാൻ?