ഒരു പാർക്കിൽ ഇരിക്കുകയായിരുന്നു ഞാൻ… നീല ഷർട്ടും കറുത്ത ജീൻസും ഒരു ബൂട്ടും ആണ് എന്റെ വേഷം..ഏകദേശം അൻപതു വയസുള്ള ഞാൻ ഒറ്റക്ക് പാർക്കിലെ ഒരു ബെഞ്ചിൽ ഇരിക്കുന്നത് ചിലർ നോക്കി കടന്നു പോകുന്നുണ്ട്… കൂടുതലും കപ്പിൾസ് ആണ്..

ഞാൻ ഇരുന്ന ബഞ്ച്.. ഏപ്പൊഴും ഞാനും വൈഗയും വന്നിരിക്കുന്ന സ്ഥലം… അവൾ ആദ്യമായി എന്നോട് ഇഷ്ടമാണ് എന്ന് പറഞ്ഞ സ്ഥലം… എന്റെ ചുണ്ടിൽ ഒരു പുഞ്ചിരി വിടർന്നു..

“എക്സ്ക്യൂസ്‌ മി സാർ….”

ഒരു കിളിനാദം കേട്ട് ഞാൻ ഓർമയിൽ നിന്നും വർത്തമാന കാലത്തേക്ക് വന്നു…

നോക്കിയപ്പോൾ ഒരു തരുണി.. കറുത്ത ഫുൾ സ്ലീവ് ബനിയനും ഇളം നീല ജീൻസും ധരിച്ച ഒരു സുന്ദരി..

“യെസ്‌?”

ഞാൻ തിരിച്ചു ചോദിച്ചു..

“ഐ ആം ലീന… ഒരു നാഷണൽ മീഡിയയിൽ വർക്ക് ചെയ്യുന്നു.. കുറച്ചു കാര്യങ്ങൾ ചോദിച്ചോട്ടെ?”

“ചോദിച്ചോളൂ… മിസ് ലീന….”

“ഞാൻ റെക്കോർഡ് ചെയ്യും.. പേർസണൽ കാര്യങ്ങൾ ചോദിക്കും… കുഴപ്പം ഇല്ലല്ലോ?”

അവൾ ഒരു വോയിസ് റെക്കോർഡർ കാണിച്ചു..

“നോ ഇഷ്യൂ …ചെയ്തോളു…എന്താ അറിയേണ്ടത് ?”

ഞാൻ പുഞ്ചിരിച്ചു കൊണ്ട് ചോദിച്ചു..

“സാറിന് എത്ര വയസ് ഉണ്ട്? ആൻപത് ആണോ?”

“അതെ.. എനിക്ക് അടുത്ത വർഷം അൻപതു തികയും… എന്താണ്?”

“അൻപതു വയസുള്ളവർ കുടുംബത്തിന്റെ ഒപ്പം ഇരിക്കാൻ ഇഷ്ടപെടാറില്ല.. അത് എന്തുകൊണ്ടാണ്? അതാണ് ഞങ്ങൾ ഇതുപോലെ ഒറ്റക്ക് ഇരിക്കുന്നവരെ തിരഞ്ഞു ഇന്റർവ്യൂ ചെയ്യുന്നത്… “

“ഒറ്റക്കിരുന്നാൽ എന്താ? “