വൈഗ [മാലാഖയുടെ കാമുകൻ] 2133

അവൾ പൊട്ടിക്കരഞ്ഞു….

ഈ പ്രായത്തിൽ തന്നെ എത്ര അനുഭവിച്ചു ഇവൾ.. എനിക്ക് വല്ലാതെ സങ്കടം വന്നു..

ഞാൻ അവളുടെ അടുത്തേക്ക് ഇരുന്നു അവളുടെ മുഖം കയ്യിൽ കോരി എടുത്തു…

“ഇനി നനയാൻ പാടില്ല ഈ കണ്ണുകൾ.. പിന്നെ.. നീ പറഞ്ഞില്ലേ എനിക്ക് നിന്നെ ഇഷ്ടമല്ല എന്ന്?

അന്ന് നിന്നെ കണ്ടപ്പോൾ ദൈവത്തിനോട് പ്രാർത്ഥിച്ചതാണ് ഇതുപോലെ ഒരെണ്ണത്തിനെ എനിക്ക് തന്നൂടെ എന്ന്?

ആ ദൈവം അതിനെ തന്നെ തരും എന്ന് വിചാരിച്ചില്ല…

ഇഷ്ടമാണ് നിന്നെ… വൈഗേ….”

അവളുടെ കരച്ചിൽ നിന്നു..

കേട്ട കാര്യം വിശ്വസിക്കാൻ വയ്യാതെ അവൾ എന്നെ നോക്കി.. പിടക്കുന്ന കണ്ണുകൾ.. വിതുമ്പുന്ന ചുണ്ടുകൾ..

അവൾ എന്റെ നെഞ്ചിലേക്ക് വീണു പൊട്ടിക്കരഞ്ഞു…

എനിക്ക് ആകെസങ്കടം ആയി.. ഇനി ഇവളെ കരയിക്കാൻ പാടില്ല..

കുറച്ചു നേരം അങ്ങനെ കിടന്ന ശേഷം അവൾ മുഖം പൊക്കി ഒരു ചമ്മലോടെ അകന്നു മാറി.. മുഖം കരഞ്ഞു വീർത്തിരിക്കുന്നു..

“ഇനി കരഞ്ഞാൽ കിട്ടും കേട്ടോ നിനക്ക്?”

അവൾ അത് കേട്ടപ്പോൾ ഒന്ന് ചിരിച്ചു.. ഒരു പെണ്ണ് കരഞ്ഞു കഴിഞ്ഞു മന്ദഹസിക്കുന്നത് പൂ വിരിയും പോലെ ആണ്..

അന്ന് സമാധാനത്തോടെ കിടന്നു… കിടന്നപ്പോൾ അകലം കുറച്ചു കുറഞ്ഞിരുന്നു..

രാവിലെ എണീറ്റ് നേരെ താഴെ ചെന്നു.. കളിക്കുന്ന വാവയെ എടുത്തു നേരെ അടുക്കളയിൽ ചെന്നു..

അവൾ നിറഞ്ഞ ചിരിയോടെ ചായ എടുത്തു തന്നു..

“എന്താ മോനു ഇപ്പൊ അമ്മ ചായ തരേണ്ടെ? അല്ലെങ്കിൽ അവൾ തന്നാൽ ഇറങ്ങില്ലായിരുന്നല്ലോ? “