വൈഗ [മാലാഖയുടെ കാമുകൻ] 2134

ഞാൻ അതെടുത്തില്ല..പേപ്പർ വായിച്ചു കഴിഞ്ഞു ഞാൻ അടുക്കളയിൽ ചെന്നു..

“അമ്മെ ചായ….”

“ചായ ഞാൻ എടുത്തു വച്ചിരുന്നല്ലോ?”

എന്തോ ചെയ്തു കൊണ്ടിരുന്ന അവൾ തിരിഞ്ഞു…

ഞാൻ അവളെ നോക്കിയില്ല..

“അമ്മ ഉണ്ടാക്കിയത് മതി….”

അതും പറഞ്ഞു ഞാൻ വരാന്തയിൽ വന്നു…

കുറച്ചു കഴിഞ്ഞു അമ്മ ചായയും ആയി വന്നു..

“നീ എന്തിനാടാ അങ്ങനെ പറഞ്ഞത്? അവൾ കരയുന്നുണ്ട്…”

എനിക്ക് ദേഷ്യം വന്നു..

“ഇനി അങ്ങനെ മതി…. അമ്മ കൂടുതൽ ഒന്നും പറയണ്ട…”

“മ്മ്മ്…”

എന്ന് മൂളി അമ്മ അകത്തേക്ക് ചെന്നു.. അച്ഛൻ മോളെ എടുത്തു എങ്ങോട്ടോ പോയതാണ്..

ഞാൻ കുളിച്ചു ഒരുങ്ങി. അവൾ ഷർട്ടും പാന്റും അയൺ ചെയ്തു വച്ചിട്ടുണ്ട്..

ഞാൻ അതെടുക്കാതെ വേറെ ഒരെണ്ണം അയൺ ചെയ്തു എടുത്തു..

അതിട്ടു താഴേക്കു ചെന്നപ്പോൾ അവൾ ഡൈനിങ്ങ് ടേബിളിൽ എനിക്കുള്ള ഭക്ഷണം എടുത്തു വെക്കുകയായിരുന്നു..

അടുക്കളയിലേക്ക് പോയ അവൾ എന്നെ നോക്കി..

അവിടെ നിന്നു ഒന്ന് കൂടി നോക്കി.. എന്തോ പറയാൻ വന്നത് വിഴുങ്ങി..

രാവിലെ ബ്രേക്ക് ഫാസ്റ്റ് ഞാൻ കഴിച്ചില്ല… അവൾ സാധാരണ എടുത്തു തരികയാണ് പതിവ്..

ഞാൻ ആരോടും പറയാതെ കാറിൽ കയറി ഓടിച്ചു പോയി…

അവൾ വന്നു വരാന്തയിൽ നോക്കുന്നത് ഞാൻ കണ്ടിരുന്നു…

കൂടുതൽ സ്നേഹിച്ചാൽ ആണ് ഇവളുമാർക്കൊക്കെ കുഴപ്പം… ഇനി മാറണം..