വൈഗ [മാലാഖയുടെ കാമുകൻ] 2134

കുറച്ചു കഴിഞ്ഞു ലൈറ്റ് ഓഫ് ആക്കി അവൾ സൈഡിൽ കിടന്നു.. ഇതാണ് കല്യാണം കഴിഞ്ഞ പിറ്റേ ദിവസം മുതൽ ഉള്ള ശീലം.. എന്നോട് ഒന്നും മിണ്ടാറില്ല..ഞാൻ മിണ്ടാൻ ശ്രമിച്ചു എങ്കിലും അവൾ താല്പര്യം കാണിച്ചില്ല..

ഞാൻ തല ചെരിച്ചു അവളെ നോക്കി.. ഫാനിലേക്ക് കണ്ണും നട്ട് കൈകൾ വയറിൽ കൊരുത്തു വച്ച് കിടക്കുന്ന സ്ത്രീ രൂപം…

അവളിൽ നിന്നും എന്തോ ഒരു സുഗന്ധം എന്നെ വന്നു പൊതിഞ്ഞു…

അവളെ ഒന്ന് കെട്ടിപിടിച്ചാൽ പഞ്ഞികെട്ടു കെട്ടിപിടിക്കുന്നത് പോലെ ഉണ്ടാകും..

അവളുടെ വിടർന്ന് ഒതുങ്ങിയ അരക്കെട്ടിൽ ചിത്രം വരക്കാം…

ഉമ്മകൾ കൊടുക്കാം… ഞാൻ അങ്ങനെ പലതും ചിന്തിച്ചു കൂട്ടി…

കനക വിഗ്രഹം പോലെ ഒരു പെണ്ണ് അടുത്ത് കിടന്നിട്ട് അവളെ ഒന്ന് തൊടാൻ പോലും പറ്റാത്ത ഒരു ഊള ആയല്ലോ ദൈവമേ എന്ന് ഞാൻ ഓർത്തു…

“എല്ലാം യോഗം…”

ഞാൻ പറഞ്ഞത് കുറച്ചു ഉച്ചത്തിൽ ആയി..

“എന്തെങ്കിലും പറഞ്ഞോ ഏട്ടാ?”

എനിക്ക് എന്റെ ചെവിയെ വിശ്വസിക്കാൻ ആയില്ല.. അവൾ ഇതാ എന്നോട് മിണ്ടുന്നു..

“ഇല്ല…!”

“ഞാൻ കേട്ടല്ലോ?”

ഞാൻ ഒന്നും മിണ്ടിയില്ല… ആ സംഭാഷണം അവിടെ അവസാനിച്ചു..

എന്നാൽ അതൊരു സന്തോഷം ഉണ്ടാക്കി…

ഇവൾക്ക് ഞാൻ കൂടുതൽ ശ്രദ്ധ കൊടുക്കുന്നുണ്ട് എന്നെനിക്ക് തോന്നി..

രാവിലെ എണീറ്റ് ഞാൻ താഴേക്ക് ചെന്നു… അവൾ ചായ കൊണ്ട് വന്നു മേശയിൽ വച്ചു..