രുദ്ര വീരസിംഹൻ -THE WARRIOR PRINCE-part-8 [PONMINS] 779

ഹാജിക്ക : എല്ലാവരും ഒന്ന് താഴേക്ക് പോയെ , എനിക്ക് ആയിഷുട്ടിയോട് ഒരു കാര്യം പറയാൻ ഉണ്ട് ,,, അവർ എല്ലാവരോടും ആയി പറഞ്ഞതും എല്ലാവരും പോകാൻ തുടങ്ങി

ഹാജിക്ക : ഹഫ്സ കൈജ നിങ്ങൾ അവിടെ നിക്ക് ,,, എല്ലാവരും പോയതും അവരെ മാത്രം അവിടെ നിർത്തി

ബെഡിൽ അണിഞ്ഞൊരുങ്ങി ഒരു ഹൂറിയെ പോലെ ഇരിക്കുന്ന ആയിഷയെ കണ്ടതും “ മാഷാ അള്ളാഹ് “ എന്ന് പറഞ്ഞുപോയി ജാസ്മിൻ , ആയിഷയുടെ സൗന്ദര്യം കണ്ട് കണ്ണ് തള്ളി നിന്നുപോയി ജാസ്മിൻ ,,,

അവരെല്ലാം ഒരു നോട്ടം അവളെ കണ്ട ശേഷം റൂമിന് പുറത്തേക്ക് ഇറങ്ങി നിന്നു , അപ്പോഴും തലയും താഴ്ത്തി ഇരിക്കുക ആണ് ആയിഷ .ഹാജിക്ക ഒമറിന്റെ തോളിലൂടെ കയ്യിട്ട് അവളുടെ മുന്നിലേക്ക് കയറി നിന്നു

ഹാജിക്ക : ആയിഷുട്ടി , നിന്റെ നിക്കാഹ് കഴിഞ്ഞുട്ടോ , ഇതാണ് നിനക്ക് ഞാൻ കണ്ടെത്തിയ രാജകുമാരൻ പേര് “ ഒമർ “,,,, അയാളുടെ ശബ്ദം ആ റൂമിൽ അലയടിച്ചു , കൈജയും ഹഫ്സയും ഞെട്ടിക്കൊണ്ട് ഹാജിക്കയെ നോക്കി , ഹാജിക്കയുടെ സംസാരം ആദ്യം സങ്കടം വരുത്തിയെങ്കിലും അവസാനം പറഞ്ഞ പേര് അവളുടെ തല ഉയർത്തി മുന്നോട്ട് നോക്കിച്ചു

തല ഉയർത്തി മുന്നോട്ട് നോക്കിയതും തന്നെ നോക്കി നിറഞ്ഞ ചിരിയോടെ നിൽക്കുന്ന സുന്ദരനായ ഒരു യുവവിനെ കണ്ടതും അവൾ വീണ്ടും ഞെട്ടി അതിനേക്കാൾ ഞെട്ടൽ താൻ സ്വപ്നം കണ്ടിരുന്ന കാപ്പി കണ്ണുകൾ കണ്ടായിരുന്നു , അവൾക്ക് സങ്കടവും സന്തോഷവും എല്ലാം കൂടെ വന്നതും സഹിക്കാൻ കഴിയാതെ പൊട്ടി കരഞ്ഞുപോയി , എന്നാലും ആശ്വാസത്തിന്റെ ഒരു തിളക്കം ഉണ്ടായിരുന്നു ആ കണ്ണുകളിൽ ,,, ഹാജിക്ക മുന്നോട്ട് വന്ന് അവളെ ചേർത്ത് പിടിച്ചു എന്നിട്ട് പതിയെ അവളോട് ചോദിച്ചു “ രാജകുമാരനെ ഇഷ്ട്ടായില്ലേ എന്റെ കുട്ടിക്ക് “ അയാളുടെ കളിയോടെ ഉള്ള ചോദ്യത്തിന് ഒരു ചെറു ചിരിയോടെ ആ നെഞ്ചിലേക്ക് ചാരി നിന്നു അവൾ അപ്പോഴും ഒളി കണ്ണാൽ തന്നെ തന്നെ നോക്കി നിൽക്കുന്ന അവളുടെ രാജകുമാരനെ നോക്കിയിരുന്നു അവൾ , അവന്റെ കുസൃതി നിറഞ്ഞ നോട്ടം കാണെ അവളിൽ നാണത്തോടെ ഉള്ള ചിരികൾ സന്തോഷത്തോടെ വിരിയാൻ തുടങ്ങിയിരുന്നു .

രുദ്ര വീരസിംഹൻ -THE WARRIOR PRINCE-part-38

ഫായിസും ഫാസിലും ആ റൂമിലേക്ക് ഓടി കയറി വന്നു , അവർ അവിടെ നിൽക്കുന്നവരെ എല്ലാം ഒന്ന് നോക്കി

ഫായിസ് : ഉപ്പ , ഞങ്ങൾ പള്ളിയിൽ നിന്നറിഞ്ഞത് സത്യം ആണോ ,,, അയാൾ അവിശ്വസനീയതയോടെ ചോദിച്ചു

ഹാജിക്ക : അതെ , ഇതാണ് എന്റെ ആയിഷന്റെ രാജകുമാരൻ പേര് ഒമർ ,,, മോളെ ഞങ്ങൾ പുറത്തുണ്ട് നിങ്ങൾ ഒന്ന് സംസാരിക്ക് മഹർ അവന്റെ കയ്യിൽ ഉണ്ട് അത് അവൻ കഴുത്തിൽ ഇട്ട് തരും ,, അയാൾ അത്രയും ചിരിയോടെ പറഞ്ഞ ശേഷം മറ്റുള്ളവരെ കൂട്ടി പുറത്തേക്കിറങ്ങി വാതിൽ പതിയെ ചാരി ,

ആയിഷ പതിയെ തല ഉയർത്തി ഒമെറിനെ ഒന്ന് നോക്കി , അവളെ തന്നെ നോക്കി ചിരിയോടെ നിൽക്കുക ആണ് അവൻ , അത് കണ്ടതും അവളും അവന് ഒരു ചിരി നൽകി ,,

ഒമർ :ഞാൻ ഒമർ ,ഒരു മലപ്പുറത്തെ ഒരു യതീഖാനയിൽ ആണ് വളർന്നത് , എംബിഎ വരെ പഠിച്ചിട്ടുണ്ട് , ബിസിനസ് ആണ് ചെയ്യുന്നത് , ഇന്നിവിടെ കോളേജ് വാങ്ങാൻ വന്നത് ഞാൻ ആണ് , അപ്പോഴാണ് ഉപ്പുപ്പാ സങ്കടപ്പെടുന്നതും പിന്നെ തന്റെ സുചൂതിൽ കിടന്നുള്ള ദുആ എല്ലാം കേട്ടത് , അപ്പോഴത്തെ ഒരു വെപ്രാളത്തിൽ തന്റെ സമ്മതം ചോദിക്കാൻ വിട്ട് പോയി , തനിക്ക് എന്തെങ്കിലും താൽപര്യക്കുറവ് ഉണ്ടേൽ പറയാം ,,,അവൻ പതിഞ്ഞ ശബ്ദത്തിൽ അവളോട് ചോദിച്ചു ,, അവൾ ഇല്ലെന്ന് തലയാട്ടി ,അത് അവന് ആശ്വാസം നൽകി ,

ഒമർ : എന്ന മഹർ ഇട്ടോട്ടെ ,, അവൻ വീണ്ടും ചോദിച്ചു , അവൾ സമ്മതത്തോടെ തലയാട്ടി , അവൻ പതിയെ അത് അവളുടെ കഴുത്തിൽ കെട്ടി കൊടുത്തു , രണ്ടുപേരും അതീവ സന്തോഷത്തോടെ നിറഞ്ഞ മിഴികളോടെ ഒന്ന് പരസ്പരം നോക്കി ചിരിച്ചു .

ഒമർ :ഐഷു , ഇനി ഞാൻ പറയുന്നത് ശ്രേദ്ധിച്ചു കേൾക്കണം , ഞാൻ നിന്നെ പൂർണ്ണ മനസ്സോടെ തന്നെ ആണ് കല്യാണം കഴിച്ചത് , അതിൽ എനിക്ക് 100 %തൃപ്തിയാണ് , എന്നെ കുറിച്ചുള്ള കൂടുതൽ കാര്യങ്ങൾ ഞാൻ വഴിയേ പറഞ്ഞു തരാം , ഇപ്പോ എന്റെ കൂടെ വന്നിട്ടുള്ളവർ എന്റെ ഫ്രണ്ട്‌സ് ആണ് , പിന്നെ ഇനി താഴെ നമ്മൾ പോകുമ്പോൾ പല പൊട്ടിത്തെറികളും ഉണ്ടാവും അറിയാലോ നിന്നെ കെട്ടാൻ ഇരുന്നവൻ എന്തായാലും പ്രശ്നം ഉണ്ടാക്കും അതുകൊണ്ട് എന്ത് കണ്ടാലും കേട്ടാലും പേടിക്കരുത് ,നീയും നിനക്ക് വേണ്ട പെട്ടവരും എന്റെ സംരക്ഷണയിൽ ആണ് , അതുകൊണ്ട് ഈ ഒമർ ജീവനോടെ ഉള്ളപ്പോൾ അവർക്കൊന്നും ഒന്നും സംഭവിക്കാൻ ഞാൻ വിടില്ല , പിന്നെ എന്തിനും എനിക്ക് കൂട്ടായി എന്റെ ഫ്രണ്ട്സും ഉണ്ട് , അതോണ്ട് പേടിയൊന്നും കൂടാതെ ധൈര്യമായി ഇരിക്കണം ,,, അവൻ അവളോട് ചിരിയോടെ പറഞ്ഞു കൊണ്ട് അവളുടെ കൈ പിടിച്ചു പുറത്തേക്ക് ഇറങ്ങി , അവിടെ എല്ലാവരും അവരെ കാത്തിരിക്കുക ആയിരുന്നു , അച്ചുവും കണ്ണനും അവളുടെ അടുത്തേക്ക് ചെന്നു ,അവളോട് ഒന്ന് ചിരിച്ചു

അച്ചു : ഞാൻ രുദ്രൻ അച്ചു എന്ന് വിളിക്കും ഇത് കർണൻ കണ്ണൻ എന്ന് വിളിക്കും , ഒന്നും പേടിക്കണ്ടാട്ടൊ ഞങ്ങൾ രണ്ട് ഏട്ടന്മാർ നിന്റെ ഇടവും വലവും കാണും ,,,, അവൻ ചിരിയോടെ പറഞ്ഞു , അവളും ചിരിയോടെ തലയാട്ടി ,, തന്റെ കുട്ടി മനസമാധാനത്തോടെ ചിരിക്കുന്നത് കണ്ടതും ഹാജിക്ക സന്തോഷത്തോടെ താഴേക്ക് ഇറങ്ങി ,

അണിഞ്ഞൊരുങ്ങി സന്തോഷം നിറഞ്ഞ ചിരിയുമായി വരുന്ന ആയിഷയെ കണ്ടതും എല്ലാവരും അവളെ തന്നെ നോക്കി നിന്ന് പോയി , ഹാജിക്ക അവളുടെ കൈയിൽ പിടിച്ചു സന്തോഷത്തോടെ മുന്നിൽ കെട്ടിയിരിക്കുന്ന സ്റ്റേജിലേക്ക് കയറ്റി , അതുകണ്ട ഹാജറ മുന്നോട്ട് വന്നു