രുദ്ര വീരസിംഹൻ -THE WARRIOR PRINCE-part-8 [PONMINS] 776

അച്ചു : അഹ് , നീ എന്താ കാണിക്കുന്നേ കരയാതെ കഴിക്കാൻ നോക്ക് ,,, അവൻ കുറച്ചു ദേഷ്യത്തിൽ പറഞ്ഞു

“ഞാൻ ,,ഞാൻ ,, ഇവർക്ക് കൊടുത്തോട്ടെ ,, മൂ ,, മൂന്ന് ദിവസായി ഇവർ ഭക്ഷണം കഴിച്ചിട്ട് ,,,, അവൾ കരച്ചിലോടെ പറഞ്ഞു , അച്ചുവിന് ആകെ ഷോക്ക് ആയിരുന്നു ,6 വയസ്സുള്ള കുട്ടികൾ 3 ദിവസം ആയി ഭക്ഷണം കഴിച്ചിട്ടെന്ന് അറിഞ്ഞതും അവൻ ആകെ ദേഷ്യം വന്നു

അച്ചു :അത് മോൾ കഴിച്ചോ ഇവർക്കുള്ളത് ഞാൻ കൊടുത്തോളം ,, അവന്റെ കയ്യിലുള്ള പ്ലേറ്റ് കാണിച്ചുകൊണ്ട് പറഞ്ഞു ,, പിന്നെ ഒട്ടും സമയം കളയാതെ കുഞ്ഞുരുളകൾ അവൻ തന്നെ വാരി കൊടുത്തു അതീവ സന്തോഷത്തോടെ തന്നെ ആ കുഞ്ഞുങ്ങൾ അത് കഴിക്കുന്നത് അതെ സന്തോഷത്തോടെ അവൻ നോക്കി നിന്നു , ഭക്ഷണം കഴിച്ചു കഴിഞ്ഞു വെള്ളവും നിറച്ചു അവർ അവനെ നോക്കി ചിരിച്ച ചിരിയിൽ ഉണ്ടായിരുന്നു അവനോടുള്ള നന്ദി ,
—————-

റാമിനും കൂട്ടർക്കും ഒരുപാട് കാര്യങ്ങൾ ചെയ്ത് തീർക്കാൻ ഉണ്ടായിരുന്നു , ഒരുപാട് പേപ്പർ വർക്കുകൾ ഫയൽസ് എല്ലാം ക്ലിയർ ആക്കി വന്നപ്പോഴേക്കും ഉച്ചയായി ,ഭക്ഷണം കഴിക്കാൻ വന്നിരുന്നപ്പോൾ അസ്ലമിനെയും കൂടെ കൂട്ടിയിരുന്നു അവർ ,

യാസിൻ : അല്ല അസ്‌ലം രാവിലെ വന്നവർ ആ എംഡിയും സിഇഒയും എങ്ങനെയാ ആളുകൾ ,,

അസ്‌ലം : രണ്ടും കണക്കാ സാർ , ഇവിടെ ഒരുപാട് തിരുമറികൾ നടത്തിയിട്ടുണ്ട് അവർ , അൽത്താഫ് സാർ പിന്നെ സിറാജ് സാറിന്റെ ഏട്ടന്റെ മകൻ ആണെന്ന് വെക്കാം , ചന്ദ്രിക മഠത്തിന് ഇവിടെ എന്താ അധികാരം എന്ന് എനിക്കും കറക്റ്റ് ആയിട്ട് അറിയില്ല ,,,,, അവൻ മറുപടി പറഞ്ഞു .

യാസിൻ : ഈ ചന്ദ്രിക എവിടെ ഉള്ളതാ ,,,

അസ്‌ലം : അവർ പടവീടൻ മധുവിന്റെ മകൾ ആണ് ,ഒരു വിളഞ്ഞ വിത്ത , സൂക്ഷിക്കണം സാർ അവരുടെ പൊൻ മുട്ട ഇടുന്ന താറാവിനെയാ നിങ്ങൾ തട്ടിയെടുത്തത് , അവർ അടങ്ങിയിരിക്കില്ല ,,, അവൻ ഗൗരവത്തിൽ പറഞ്ഞു ,അതിന് ഒരു ചിരി മാത്രം നൽകി അവർ ഭക്ഷണം കഴിച്ചു തീർത്തു .
——————-

അച്ചു ഹെഡ് മാസ്റ്ററുടെ ഓഫീസിലേക്ക് കയറി ചെന്നു ,അവിടെ ഒരു 50 വയസ്സ് പ്രായമുള്ള ഒരു സ്ത്രീ ആയിരുന്നു , അച്ചു പതിയെ അവരെ ഒന്ന് നോക്കി വിളിച്ചു

അച്ചു : മാം ,, അവർ അവനെ തലപൊക്കി നോക്കി

“എസ് , എന്ത് വേണം “ അവർ സൗമ്യമായി തന്നെ പറഞ്ഞു

അച്ചു : ഞാൻ ഇവിടെ പുതുതായി ചാർജ് എടുത്ത മാനേജർ ആണ് , ഇനി കുറച്ചു ദിവസം ഇവിടെ ഉണ്ടാവും , പിന്നെ ഇവിടുത്തെ കാര്യങ്ങൾ ഒക്കെ ഒന്ന് ചോദിച്ചറിയാൻ വന്നത് ആണ് ,,,അവൻ ചിരിയോടെ കാര്യം പറഞ്ഞു

“ഹലോ ,ഞാൻ നിർമല hm ആണ് , സദാനന്ദൻ സാർ ആണ് പ്രിൻസിപ്പൽ , ഇവിടെ പ്രീ കെജി മുതൽ 10 വരെ ഓരോ ക്ലാസും പ്ലസ്ടു 6 ക്ലാസും ആണ് ഉള്ളത് , ഇതിനു മൊത്തം ആയി 20 ടീച്ചേഴ്സും ഉണ്ട് ,2 പിയൂണും ,, മൊത്തം 700 കുട്ടികൾ ആണ് ഉള്ളത് , ഇതാണ് സ്കൂളിലെ പൊതുവെ ഉള്ള വിവരോം

അച്ചു : എനിക്കൊരു ടീച്ചേർസ് മീറ്റിംഗ് നടത്തണം ഒന്ന് അറേഞ്ച് ചെയ്യാൻ പറ്റുമോ ,അതുപോലെ ലാസ്റ്റ് പിരീഡ് ഒരു മുഴുവൻ സ്കൂൾ അസ്സെബ്ലിയും , പ്ളീസ്

“ നോ പ്രോബ്ലം , ഇപ്പൊ തന്നെ ചെയ്യാം “,,

കുറച്ചു നേരത്തിന് ശേഷം ടീച്ചേർസ് എല്ലാം സ്റ്റാഫ് റൂമിൽ എത്തി , വന്നവരിൽ ഒരാൾ നേരത്തെ ആടിയാടി വന്നവനും ഉണ്ടായിരുന്നു , മുഴുവനായും കേട്ട് വിട്ടിട്ടിലായിരുന്നു , അയാൾ പുറകിലായി ഒരു കസേരയിൽ ഇരുന്നു , ആകെ 13 പേർ ആണ് ഉള്ളത് , അതിൽ 6 ആണുങ്ങൾ ആയിരുന്നു ഉണ്ടായിരുന്നത് ,ബാക്കി ഉള്ളവർ സ്ത്രീകൾ 3 ചെറുപ്പക്കാരികളെയും അവൻ കണ്ടു ,അവൻ നിർമല മഠത്തെ ഒന്ന് നോക്കി .

നിർമല : സദാനന്ദൻ സാർ രാവിലെ വന്നിരുന്നു , പുറത്തു പോയെന്ന് തോന്നുന്നു , മറ്റുള്ളവരിൽ രണ്ട് ഗർഭ അവധിയിൽ ആണ് , ബാക്കി ഉള്ളവർ ഇന്ന് വന്നിട്ടില്ല ,,,

അച്ചു : അവർ ലീവ് അപ്ലൈ ചെയ്തിരുന്നോ ,, അതിന് ഇല്ലെന്ന് തലയാട്ടി നിർമല മാം

അച്ചു : ഈ രെജിസ്റ്ററിൽ എല്ലാവരും എല്ലാദിവസത്തേയും സൈൻ ചെയ്യുന്നുണ്ട് , ഇന്ന് വരാത്ത 5 പേരുടെ സൈനും ഉണ്ട് , എന്താ അതിന്റെ ഒക്കെ അർത്ഥം ,,, അവൻ സ്റ്റാഫ് രജിസ്റ്റർ എടുത്ത് കൊണ്ട് ചോദിച്ചു ,,, എന്നാൽ അതിന് മറുപടി ഒന്നും കൊടുത്തില്ല മാം ,

അച്ചു : ഓക്കേ ലീവ് ഇറ്റ് , എന്താണ് സാറിന്റെ പേര് ,,, അതും പറഞ്ഞു മുന്നോട്ട് വന്ന ശേഷം ആ കുടിയന്റെ മുന്നിൽ നിന്ന് കൊണ്ട് ചോദിച്ചു ,,,

അയാൾ അവനെ കണ്ടിട്ടും പുച്ഛത്തോടെ ആ കസേരയിൽ തന്നെ ഇരുന്നുകൊണ്ട് മറുപടി കൊടുത്തു “ രാജൻ”,,

അവൻ : ഓഹ് , അപ്പോ രാജൻ മാഷ് ഏത് വിഷയം ആണ് എടുക്കുന്നത്

രാജൻ : ഞാൻ ഇവിടെ ഇംഗ്ലീഷ് ടീച്ചർ ആണ് ,, അയാൾ പുച്ഛത്തോടെ പറഞ്ഞു ,അയാളുടെ പറച്ചിൽ കേട്ട് അവൻ അയാളെ ഒന്ന് നോക്കി ചിരിയോടെ തന്നെ അവൻ തിരിച്ചു നടന്ന് എല്ലാവർക്കും മുന്നിലേക്ക് നിന്നു