രുദ്ര വീരസിംഹൻ -THE WARRIOR PRINCE-part-8 [PONMINS] 777

അച്ചു : ആ ദേ കണ്ടോ എന്റെ ഐഷുട്ടിക്ക് മാത്രേ ഈ കൂട്ടത്തിൽ ബുദ്ധിയുള്ളു ,,, അവൻ അവളെ നോക്കി പറഞ്ഞുകൊണ്ട് പുറത്തേക്ക് നടന്നു , അവൻ പോയെന്ന് കണ്ടതും എല്ലാവരും പൊട്ടി ചിരിച്ചു ,,,

കണ്ണൻ : അവന് മനസ്സിലാവാത്തത് നിന്റെ ഭാഗ്യം , അല്ലേൽ നിന്നെ ചുമരിൽ നിന്നും വടിച്ചെടുക്കേണ്ടി വന്നേനെ ഐഷുട്ടി ,,, അതിനവൾ ഒന്ന് ഇളിച്ചു കാണിച്ചു അവർക്കെല്ലാം .

ഒരു സ്വിഫ്റ്റ് കാറിൽ ആണ് അച്ചുവും കൂടെ രാജ വീരൻ മുത്തശ്ശനുംപോകുന്നത് , അദ്ദേഹത്തെ അവന്റെ കൂടെ കൂട്ടിയിരുന്നു അവൻ . ഒമറിന്റെ കൂടെ ഫാസിലും ഉണ്ട് , അതുകൊണ്ട് കോളേജിലെ കുറച്ചു കാര്യങ്ങൾ എല്ലാം അവൻ പറഞ്ഞു കൊടുക്കും .

ആയിഷക്ക് പോകാനും വരാനും എല്ലാം കാറും ഡ്രൈവറും അറേഞ്ച് ചെയ്തിരുന്നു , അവളുടെ ഡീറ്റെയിൽസ് കോളേജിൽ പുറത്തു വിടുന്നില്ലെന്ന് അവർ തീരുമാനിച്ചിരുന്നു ,,,
കുറച്ചു ദൂരം ഉള്ളത് കൊണ്ട് അച്ചു ആദ്യം തന്നെ ഇറങ്ങി, അവർക്ക് പിന്നാലെ ഒരു ബൈക്കും ആയി ഒരു ഗർഡും ഉണ്ട് , ബൈക്ക് അച്ചുവിന് തന്നെ ആണ് , അവിടെ അടുത്തെല്ലാം ബൈക്കിൽ പോക്കേ നടക്കു എന്ന് അവൻ അന്വേഷിച്ചറിഞ്ഞിരുന്നു ,, ആയിഷ കൊടുത്ത ഹൌസ ഓണറുടെ നമ്പറിൽ വിളിച്ചു വീട് കണ്ട് പിടിച്ചു , ഒരു സിമ്പിൾ ഓട് വീട്, ഒരു സിറ്റൗട്ടും ഒരു ഹാളും 3 റൂമും ഒരു ബാത്രൂം അകത്തും ഒരെണ്ണം പുറത്തും വെള്ളം കിണറ്റിൽ ആണ് കോരണം , മോട്ടോർ കണക്ഷൻ ഉണ്ട് അത് ശെരിയാക്കിയിട്ടില്ല അതിന് ആളെ വിടാം എന്ന് പറഞ്ഞു അയാൾ , മുറ്റത് നിന്ന് നോക്കിയാൽ തന്നെ കാണാം സ്കൂൾ, അത് കൊണ്ട് കുട്ടികൾ പോകുന്നത് എല്ലാം കാണാം, തൊട്ടടുത്തൊന്നും ആൾപാർപ്പില്ല , ഒറ്റപ്പെട്ട ഒരു വീട് ആണ്,സ്കൂളിനോട് ചേർന്ന് തന്നെ 3 കടകൾ ഉണ്ട് , ഒന്നൊരു കൂൾബാർ ഒരു സ്റ്റേഷനറി പിന്നെ ഒരു പലചരക്ക് കട ,, ഇവിടെ നിന്ന് നോക്കുമ്പോൾ ഒരു യൂ ഷേപ്പിൽ കിടക്കുന്ന ഓടിട്ട ഒരു കെട്ടിടം ആണ് സ്കൂൾ ,അവൻ എല്ലാം ഒന്ന് നോക്കിക്കണ്ട ശേഷം അകത്തേക്ക് കയറി , മുത്തശ്ശനും ഒരു റൂം അറേഞ്ച് ചെയ്ത ശേഷം അവനും ഒന്ന് റൂം സെറ്റ് ചെയ്തു കിണറ്റിൻ കരയിൽ ചെന്ന് രണ്ട് പാട്ട വെള്ളം കോരി തല വഴി ഒഴിച്ചു , നല്ല തണുത്ത വെള്ളം ആയത്കൊണ്ട് നല്ല സുഖം തോന്നി അവന് , അവൻ തലതുവർത്തി തിരിഞ്ഞപ്പോൾ ആണ് , 6 വയസ്സോളം പ്രായം തോന്നുന്ന 3 കുട്ടികളും ഒരു 10 വയസ്സ് കാരിയും നിൽക്കുന്നത് കണ്ടത് , അവനെ കണ്ട് പേടിച്ചുള്ള നില്പാണെന്ന് കണ്ടപ്പോഴേ മനസ്സിലായി , പഴകിയ സ്കൂൾ യൂണിഫോം ആണ് ധരിച്ചിരിക്കുന്നത് ,അതുകൊണ്ട് സ്കൂൾ കുട്ടികൾ ആണെന്ന് അവന് മനസ്സിലായി , അവരെ ഒന്ന് മയ പെടുത്താൻ അവൻ അവരെ നോക്കി ഒന്ന് ചിരിച്ചു , അത് കണ്ട അവർക്കും സമാദാനം ആയ പോലെ നിന്നു , എന്നാലും പേടി വിട്ടിട്ടില്ല ,,,,

അച്ചു : ഹായ് , ഞാൻ ഇവിടത്തെ പുതിയ താമസക്കാരൻ ആണ് , എന്തിനാ സുന്ദരികുട്ടികൾ വന്നേ ,,, അവൻ ചിരിയോടെ ചോദിച്ചു ,,, എന്നാൽ അവർ മറുപടി പറയാതെ അങ്ങനെ നിന്നു ,

അച്ചു : ഹേ പറയടോ , വന്ന കാര്യം പറഞ്ഞാൽ അല്ലേ അറിയൂ ,,,, അവൻ വീണ്ടും ചിരിയോടെ തന്നെ ചോദിച്ചു

വെ ,,, വെള്ളം ,,, എടുക്കാൻ ,, ആ 10 വയസ്സുകാരി പറഞ്ഞൊപ്പിച്ചു ,

അവൻ അത് കേട്ടതും വേഗം ഒരു പാട്ട വെള്ളം കോരി അവർക്ക് കൊടുത്തു ,, അവർ വേഗം കയ്യിലുള്ള ബോട്ടിലിലേക്ക് നിറച്ചു അവിടുന്നു പോയി , അവൻ അവരെ ഒരു നിമിഷം നോക്കി നിന്നു , അവൻ സ്വപ്നത്തിൽ കണ്ടത് അവൻ ഓർത്തു , പിന്നെ വേഗം അകത്തേക്ക് കയറി ഷർട്ടും മുണ്ടും ഇട്ട് ഡോക്യൂമെൻറ്സും എടുത്ത് അവിടുന്ന് ഇറങ്ങി .

9 മണിയോടെ തന്നെ ഒമറും ടീമും കോളേജിലേക്ക് എത്തി , PK ഗ്രൂപ്പ് ഓഫ് കോളേജസ് എന്ന വലിയ കവാടം കടന്ന് അവർ മുന്നോട്ട് പോയി ആദ്യം ലെഫ്റ്റ് സൈഡിൽ ആർട്സ് കോളേജും റൈറ്റ് സൈഡിൽ എഞ്ചിനീയറിംഗ് കോളേജും ആണ് , അത് കഴിഞ്ഞു കുറച്ചൂടെ മുന്നോട്ട് പോയാൽ ലെഫ്റ്റിൽ സ്പോർട്സ് കോളേജും കുറച്ചൂടെ മുന്നിൽ റൈറ്റ് സൈഡിൽ മെഡിക്കൽ കോളേജും പിന്നെ അവിടുന്ന് അല്പം മാറി കോളേജ് അഡ്മിനിസ്ട്രേഷൻ ഓഫീസ് കെട്ടിടവും ആണ് , ഒമറും കൂട്ടരും ആ കെട്ടിടത്തിലേക്ക് കയറി റിസപ്ഷനിൽ ഇരിക്കുന്ന പെൺകുട്ടിക്ക് അടുത്തേക്ക് ചെന്ന് നിന്നു

“ ഹൌ ക്യാൻ ഐ ഹെല്പ് യൂ സാർ “… അവൾ ചോദിച്ചു

യാസിൻ : ഇവിടെ ഇപ്പോൾ ആരാണ് ചാർജ് ഉള്ളത് ,ഐ മീൻ എംഡി ഓർ സിഇഒ ,,,

“സാർ രണ്ട് പേരും വരാറുണ്ട് , ഇന്നിപ്പോ എത്താൻ സമയം ആകുന്നെ ഉള്ളു ,ഇപ്പൊ അവരുടെ പിഎ ഉണ്ട് ”

യാസിൻ : ഒകെ , എങ്കിൽ അവരെ ഒന്ന് വിളിക്കു പ്ലീസ് ,,,,