രുദ്ര വീരസിംഹൻ -THE WARRIOR PRINCE-part-8 [PONMINS] 776

“ എന്റെ പേര് ഖാലിദ് “ അവൻ ആ പേര് പറഞ്ഞതും കൈജയുടെ മുഖം ഒന്ന് വിടരുന്നതും പിന്നെ അത് ദുഖത്താൽ താഴുന്നതും അവൻ കണ്ടു ,

“ ഖാലിദ് ഇബ്രഹിം “ അത് കൂടി പറഞ്ഞതും കൈജയുടെ താഴ്ന്ന തല പെട്ടെന്ന് തന്നെ പൊങ്ങി , കണ്ണുകളിൽ എന്തോ തിളക്കം നിറഞ്ഞു , വേറെന്തോ കൂടെ അവനിൽ നിന്നും കേൾക്കാൻ ആയി ആ മനം തുടക്കുന്നത് ആ കണ്ണുകളിൽ കണ്ടു അവൻ

“ ഇബ്രഹിം സേട്ടിന്റെയും ഖദീജ ഇബ്രഹിം സേട്ടിന്റെയും മകൻ “,,, അവൻ ലാസ്റ്റ് പറഞ്ഞത് വിതുമ്പലോടെ ആണ് , കൈജ വിശ്വാസക്കാൻ ആവാതെ അവനെ തന്നെ ഞെട്ടിക്കൊണ്ട് നോക്കി നിന്നു, ആ കണ്ണുകൾ നിറഞ്ഞു വന്നു എന്തിനോ വേണ്ടി ആ കാതുകൾ ചെവിപൂണ്ടു ,

“ ഉമ്മ “ എന്നൊരു വിളിയോടെ ഖാലിദ് കൈജയെ തന്നോട് ചേർത്തതും പരിസരം മറന്ന് കൈജയും വാവിട്ട് കരഞ്ഞു പോയിരുന്നു , വർഷങ്ങൾക്ക് മുൻപ് മരിച്ചെന്ന് കരുതിയ തന്റെ മകൻ ജീവനോടെ മുന്നിൽ വന്ന് നിൽക്കുന്നത് വിശ്വസിക്കാൻ ആവാതെ അവർ അവന്റെ മുഖത്തേക്ക് വീണ്ടും വീണ്ടും നോക്കി , കരച്ചിൽ നിർത്താൻ ആവാതെ അവർ സംസാരിക്കാൻ പാട് പെട്ടു , അവൻ അവരെയും കൊണ്ട് അവിടെയുള്ള സെറ്റിയിലേക് ഇരുന്നു , രണ്ടുപേരും മുറുകെ കെട്ടിപ്പിടിച്ചു കുറച്ചു നേരം കരഞ്ഞു ,

കൈജ :ഞാൻ ,, ഞാൻ ,, അന്ന് ,,അന്ന് ,,, അവർക്ക് വാക്കുകൾ കിട്ടുന്നില്ലായിരുന്നു ,,,

ഖാലിദ് : വേണ്ട ഉമ്മ ഒന്ന് റിലാക്സ് ആയ ശേഷം സംസാരിക്ക , എന്റെ ഉമ്മ ഒരു തെറ്റും ചെയ്തിട്ടില്ലെന്ന് എനിക്ക് അറിയ , ഞാൻ എല്ലാം പറയാം ,,ഒന്ന് സമാധാനം ആവട്ടെ ,,,,, അവൻ ചിരിയോടെ പറഞ്ഞു ,,,

അല്പം ഒന്ന് ശാന്തമായതും എല്ലാവരും അവർക്ക് പറയാൻ ഉള്ളത് കേൾക്കാനായി കാതോർത്തു ,,

“ മുംബൈയിലെ ഒരു മാർവാടി ആയിരുന്നു ഇബ്രാഹിം സേട്ട് , ആയാളും അയാളുടെ 3 സഹോദരികളും മാത്രം അടങ്ങിയ ഫാമിലി , അവരെ എല്ലാം നന്നായി തന്നെ കെട്ടിച്ചയച്ചു അദ്ദേഹം , ഗാർമെൻറ്സ് ബിസിനസ് ആയിരുന്നു അവർക്ക് , അദ്ദേഹത്തിന്റെ കൂടെ വർക്ക് ചെയ്തിരുന്ന ആൾ ആയിരുന്നു എന്റെ ഉപ്പ ,മലയാളികൾ ആയത് കൊണ്ട് തന്നെ ഉപ്പാനോട് നല്ലൊരു ബന്ധം ആയാൾക്കുണ്ടായി , അങ്ങനെ ആണ് എന്തോ ആവശ്യത്തിന് വീട്ടിൽ വന്ന അദ്ദേഹം എന്നെ കാണുന്നത് , അങ്ങനെ ഉപ്പാനോട് എന്നെ ചോദിച്ചു നിറഞ്ഞ സന്തോഷത്തോടെ തന്നെ ഉപ്പയും ഞാനും സമ്മതം പറഞ്ഞു , നിക്കാഹ് കഴിഞ്ഞു സന്തോഷത്തോടെ ഉള്ള ജീവിതം 3 ആം മാസത്തിൽ എന്റെ വയറ്റിൽ ആദ്യത്തെ കണ്മണി മൊട്ടിട്ടു എന്നറിഞ്ഞതും ആ സന്തോഷത്തിന് ആക്കം കൂടി , അങ്ങനെ ഞങ്ങളുടെ രാജകുമാരൻ ജനിച്ചു അവന് എന്റെ ഉപ്പ ആണ് ഖാലിദ് എന്ന് പേരിട്ടത് , അതിന് 2 വർഷം കഴിഞ്ഞാണ് എന്റെ ഉപ്പ മരണപ്പെടുന്നത് അതിൽ മനം നൊന്തെന്ന പോലെ 2ആം മാസം ഉമ്മയും പോയി , ആ സങ്കടം എല്ലാം അദ്ദേഹവും ഇവനും തീർത്തു , അങ്ങനെ ഇവന് 4 വയസ്സുള്ളപ്പോൾ ഞാൻ വീണ്ടും ഗർഭിണി ആയി , ഇവനായിരുന്നു സന്തോഷം മുഴുവൻ കൂടപ്പിറപ്പിനെ കിട്ടാൻ പോകുന്നതിന്റെ, എനിക്ക് 8ആം മാസം ആയിരിന്നു, ഇവനെയും കൊണ്ട് എന്തോ ആവശ്യത്തിന് പുറത്തു പോയതാണ് രാത്രി ആയിട്ടും വന്നില്ല , ഞാൻ ആകെ പേടിച്ചു പോയി , എന്നെ നോക്കാൻ നിർത്തിയ സ്ത്രീ വയറ്റിലുള്ള കുഞ്ഞിന്റെ പേരും പറഞ്ഞു എന്നെ സമാധാനിപ്പിച്ചു , ഉറങ്ങാതെ അവരെ കാത്തിരുന്ന എന്റെ മുന്നിലേക്ക് കരച്ചിലോടെ അദ്ദേഹത്തിന്റെ സഹോദരിമാർ കയറി വന്നു , ഞാൻ എന്ത് ചെയ്യണം എന്നറിയാതെ അവരെ നോക്കി , അവരുടെ വായിൽ നിന്നും ഞാൻ കേട്ടു അദ്ദേഹവും എന്റെ മോനും എന്നെ വിട്ട് പോയെന്ന് , ഞാൻ ആകെ തകർന്ന് പോയി , പിറ്റേ ദിവസം കത്തി കരിഞ്ഞ ഒരു രൂപം വീട്ടിൽ കൊണ്ട് വന്നു , എന്നെ കാണിച്ചത് കൂടി ഇല്ല ,അവരെല്ലാം കൂടെ പെട്ടെന്ന് തന്നെ അത് മറമാടി,പിന്നീട് എന്റെ അവിടെയുള്ള ജീവിതം അവരുടെ അടിമക്ക് തുല്യം ആയിരുന്നു , ഒരു ഗർഭിണി എന്ന് പോലും നോക്കാതെ എന്നെ തല്ലി , എന്നെ നോക്കാൻ ഏൽപ്പിച്ച പെണ്ണിനെ പറഞ്ഞു വിട്ട് വീട്ടിലെ പണികൾ എന്നെകൊണ്ട് ചെയ്യിച്ചു , ആ വീടും കടകളും എല്ലാം അവർ കയ്യേറി എന്റെ സ്ഥാനം അടുക്കളയിലെ വെറും നിലത്തായി , ദിവസങ്ങൾ അതുപോലെ കടന്ന് പോയി , ഒരു ദിവസം രാത്രി പ്രസവ വേദന വന്ന് ഞാൻ കരഞ്ഞു അവർ ആരും എന്നെ ഒന്ന് തിരിഞ്ഞു നോക്കിയില്ല , ഞാൻ എന്നാൽ ആവും വിതം പുറത്തേക് പോയി , റോട്ടിൽ നിന്നു ഏതോ ഒരു നല്ല മനുഷ്യൻ എന്നെ ഹോസ്പിറ്റലിൽ എത്തിച്ചു , പിന്നെ ലേബർ റൂമിൽ കയറ്റുന്നതും പ്രസവിക്കുന്നതും കുഞ്ഞിന്റെ കരച്ചിലും ഡോക്ടർ പെൺകുഞ്ഞാണെന്ന് പറഞ്ഞതും എനിക്ക് ഓർമ്മ ഉണ്ട് , അതോടെ എന്റെ ബോധം മറഞ്ഞു , പിന്നെ ഞാൻ എണീറ്റത് 3 ദിവസം കഴിഞ്ഞാണ് , ഉണർന്ന ഞാൻ ഒരു വാർഡിൽ ബെഡിൽ കിടക്കുക ആണ് , എന്റെ കുഞ്ഞിനെ ഞാൻ ചോദിച്ചു , എന്നാൽ ,,എന്നാൽ ,, പ്രസവ ശേഷം കുഞ്ഞിന് വയ്യതയെന്നും മരിച്ചെന്നും പറഞ്ഞു അവർ , വാവിട്ട് കരയാനെ എനിക്ക് കഴിഞ്ഞുള്ളു , കുറെ കരഞ്ഞു , അന്ന് വൈകിട്ട് അദ്ദേഹത്തിന്റെ മൂത്ത സഹോദരി എന്നെ കാണാൻ വന്നു , ആ കുഞ്ഞുള്ളത് കൊണ്ടാണ് എന്നെ അവിടെ നിർത്തിയിരുന്നത് , ഇനിയിപ്പോ അതും ഇല്ലാതായത് കൊണ്ട് എന്നോട് ഇനി അങ്ങോട്ട് വരണ്ട എന്ന് അവർ തീർത്തും പറഞ്ഞു പോയി , തകർച്ചക് മേൽ തകർച്ച അവസാനം പെരുവഴിയിലുമായി , ആ ഹോസ്പിറ്റലിലെ ഒരു മലയാളി നേഴ്സ് എന്റെ അവസ്ഥ കണ്ട് എന്നെ അവിടുത്തെ ഒരു ഓൾഡേജ് ഹോമിൽ ആക്കി , അവിടെ 3 മാസം എനിക്ക് നില്ക്കാൻ ഉള്ള പൈസയും ആ നേഴ്സ് കൊടുത്തു , അവിടെ നിന്നാണ് എനിക്ക് ഹാഷിമിന്റെ അടുത്തേക്ക് ജോലി കിട്ടുന്നത് ,അവിടുന്ന് ഇതുവരെ എത്തി .