രുദ്ര വീരസിംഹൻ -THE WARRIOR PRINCE-part-8 [PONMINS] 779

രുദ്ര വീരസിംഹൻ -THE WARRIOR PRINCE-part-47

അച്ചുവിന്റെ വാക്കുകൾ അവളിൽ ഒരു സമാദാനം വരുത്തി എങ്കിലും താൻ കാരണം അവനൊന്നും വരാൻ പാടില്ലെന്ന് ഉറപ്പിച്ചത് കൊണ്ട് ഒന്നും തന്നെ വിട്ട് പറയാതെ അവനോട് നന്ദി മാത്രം പറഞ്ഞു അവർ കുട്ടികളെയും എടുത്ത് പുറത്തേക്ക് ഇറങ്ങി , അത് അച്ചുവിനും ചെറിയ വിഷമം വരുത്തി എങ്കിലും അവർക്ക് വേണ്ടിയുള്ള കരുതൽ അവന്റെ മനസ്സിൽ രൂപപ്പെട്ടിരുന്നു

അച്ചു : മിസ് , പേര് പറഞ്ഞില്ല

“ സ്മിത”,,, അവർ ചിരിയോടെ തന്നെ പറഞ്ഞുകൊണ്ട് പോയി , അവർ പോയതും അവന്റെ ഫോണിൽ നിന്നും അവരുടെ ഫോട്ടോ വേറൊരാൾക്ക് അയച്ചു അവൻ കൂടെ ഒരു മെസേജും “ പ്രൊട്ടക്ട് തേം വെൽ “,,,

ഉച്ച സമയം ആയതും ബെൽ മുഴങ്ങുന്നതിന് മുൻപ് തന്നെ അച്ചു കഞ്ഞിപ്പുരയിൽ എത്തിയിരുന്നു , അകത്തേക്ക് കയറി ചെന്ന് അവിടുത്തെ കാര്യങ്ങൾ നിരീക്ഷിച്ചു നിന്നു അവൻ , കുട്ടികൾ വരാൻ തുടങ്ങിയതും അവനുംകൂടി വിളമ്പാൻ , അപ്പോഴേ അവൻ ശ്രേദ്ധിച്ചു മാറി നിൽക്കുന്ന കുട്ടികളെ അവരെ അവൻ കൈകാട്ടി വിളിച്ചതും നമ്മുടെ പീക്കിരികൾ ആദ്യം തന്നെ ഓടി പുറകെ മറ്റുള്ളവരും അവരെ എല്ലാം ചിരിയോടെ നോക്കിക്കൊണ്ട് തന്നെ അവർക്ക് വിളമ്പി കൊടുത്തു അവൻ , പീക്കിരികളെ അവൻ അവിടെയുള്ള ബെഞ്ചിലേക്ക് ഇരുത്തി ബാക്കി ഉള്ളവർ കിട്ടിയ ഭക്ഷണവും കൊണ്ട് പുറത്തേക്ക് ഇറങ്ങി , അവനും ഒരു പാത്രത്തിൽ ഭക്ഷണം എടുത്ത് കഴിക്കാൻ ആയി തുടങ്ങിയപ്പോൾ ആണ് പുറത്തു നിന്ന് എന്തോ ബഹളം കേട്ടത് അവൻ ചെന്ന് നോക്കി , അവിടെ താഴെ വീണ് കിടക്കുന്ന ഒരു പെൺകുട്ടിയും അടുത്തായി അവളോട് ആക്രോശിക്കുന്ന രാവിലെ വന്നവരിൽ ഒരുത്തനും ആ കുട്ടിയുടെ താഴെ വീണ ഭക്ഷണത്തിൽ ചവിട്ടി അരക്കുക ആണ് അയാൾ , അതെല്ലാം കണ്ട് ചിരിയോടെ കുറച്ചുപേർ അയാളുടെ വലത് ഭാഗത്തും പേടിയോടെ തങ്ങൾക്ക് കിട്ടിയ ഭക്ഷണം കയ്യിൽ പിടിച്ചു പെൺകുട്ടികൾ ഇടത് ഭാഗത്തും നിൽക്കുന്നുണ്ട് , അവന്റെ സ്വപ്നം ഓർമ്മ വന്നതും അവനിൽ ദേഷ്യം നിറഞ്ഞു , പാഞ്ഞു മുന്നോട്ട് ചെന്ന് അയാളുടെ മുതുകിൽ ആഞ്ഞു ചവിട്ടി തെറിപ്പിച്ചു , “ ആഹ് “ എന്നാലറിക്കൊണ്ട് അയാൾ തെറിച്ചു വീണു , വീണടത് നിന്ന് ചാടി എണീച്ചു തിരിഞ്ഞു നോക്കി , ദേഷ്യത്തോടെ നോക്കി നിൽക്കുന്ന അച്ചുവിനെ കണ്ടതും അയാളും ദേഷ്യത്തോടെ നിന്നു , അവൻ മുന്നോട്ട് രണ്ടടി കയറി നിന്നു ,

“ ദേ, സാറെ , ഈ നാടിന് ചില പ്രതേകതകൾ ഉണ്ട് , അതൊന്നും അറിയാതെ ഇവിടെ വന്ന് വിളയാടിയാൽ തിരിച്ചു കുടുംബത്തേക്ക് പോകില്ല ,,,അയാൾ അവനെ നോക്കി ദേഷ്യത്തിൽ അലറി ,,,, അവൻ അയാളെ ഒന്ന് പുച്ഛത്തോടെ നോക്കി ആ പെൺകുട്ടികളെ നോക്കി

അച്ചു : അകത്തു പോയി വേറെ വാങ്ങി കഴിച്ചോ ,,, അവരോട് ചിരിയോടെ പറഞ്ഞു, അവർ മറ്റേ ആളെ ഒന്ന് പേടിയോടെ നോക്കി പതിയെ അകത്തേക്ക് കയറി

“ സാറെ , അവൾമാർക്ക് ഇവിടുന്ന് ഭക്ഷണം കൊടുക്കാൻ പറ്റില്ല “ അയാൾ പിന്നെയും ദേഷ്യത്തിൽ അലറി

അച്ചു : അതെന്താടാ നിന്റെ തന്തയുടെ തറവാട്ടിൽ നിന്നും കൊണ്ട് വന്നതാണോ ആ ഭക്ഷണം ,,, അവനോട് അതെ ടോണിൽ തിരിച്ചു പറഞ്ഞു , അത് അയാളിൽ വീണ്ടും ദേഷ്യം നിറച്ചു ,

“ സാറെ , ഇവിടെ വന്ന് ഒരുത്തനും വലിയവൻ ആയിട്ടില്ല , സാർ ആദ്യം ആയോണ്ട് ഒരു ഇളവ് തന്നു പക്ഷേ സാറിന് മൊട എന്ന അതങ്ങ് തീർത്തു തന്നിട്ട് തന്നെ കാര്യം “ ,, അയാൾ അതും പറഞ്ഞു അച്ചുവിന്റെ നേരെ വന്നു ,, അയാളുടെ കൈ അവനിൽ സ്പർശിക്കും മുൻപ് തന്നെ ആ കൈ പിടിച്ചു തിരിച്ചൊടിച്ചു അച്ചു , “ ആഹ്ഹ “ അയാൾ വലിയ വായിൽ കരഞ്ഞു ,അതുകേട്ട് ചുറ്റും കൂടിയ കുട്ടികൾ എല്ലാം രണ്ടടി പുറകോട്ട് വച്ച് , അച്ചു അയാളെ മുഖത്തേക്ക് കുത്തിയതും മൂക്കിലൂടെ ചോര ഒലിപ്പിച്ചുകൊണ്ട് അയാൾ താഴേക്ക് വീണു , മൂക്കും പൊത്തി അയാൾ അച്ചുവിനെ നോക്കി , അവൻ എല്ലാവരെയും ഒന്ന് നോക്കി

അച്ചു : ഞാൻ ഇന്നലെ പറഞ്ഞിരുന്നു ആരുടേയും അവകാശങ്ങൾ നിഷേധിക്കരുത് എന്ന് , നിഷേധിച്ചവർക്ക് ശിക്ഷയും കിട്ടുമെന്ന് , ഈ രുദ്രൻ വെറും വാക്ക് പറയാർ ഇല്ല ,,,, അത്രയും പറഞ്ഞു അയാൾക്ക് നേരെ തിരിഞ്ഞു അച്ചു

അച്ചു : അന്നം ,, അന്നത്തെയാണ് നീ കാൽകൊണ്ട് ചവിട്ടി അരച്ചത് , അതിനുള്ള ശിക്ഷ ആദ്യം തരാം , അതും പറഞ്ഞു അവൻ അയാളുടെ കാലിലേക്ക് ഊക്കോടെ ചവിട്ടി , “ ക്ലാക് “ എല്ല് പൊട്ടുന്ന ഒരു ശബ്ദം എല്ലാവരും കേട്ട് ഞെട്ടി പോയി അയാൾ വേദനയിൽ കിടന്ന് പിടഞ്ഞു ,,,അച്ചു ഗേറ്റിലേക്ക് ഒന്ന് നോക്കിയതും രണ്ടു പേർ വന്ന് അയാളെ പൊക്കി ,,

അച്ചു : പച്ച വെള്ളം കൊടുക്കരുത് , അന്നത്തിന്റെയും വിശപ്പിന്റെയും വില അവൻ നന്നായൊന്ന് അറിയട്ടെ എന്നിട്ട് ബാക്കി ,,,, അതും പറഞ്ഞു കൈ കാണിച്ചതും അവർ അയാളെ പൊക്കിക്കൊണ്ട് പോയി , കുട്ടികൾ എല്ലാം അച്ചുവിനെ പേടിയോടെ നോക്കി , അവൻ കൈകഴുകി തന്റെ ഭക്ഷണം എടുത്ത് കഴിച്ചു .

അതിന് ശേഷം എല്ലാം ശാന്തം ആയിരുന്നു , അടുത്ത വെള്ളിയാഴ്ചക് ശേഷം 10 ദിവസം സ്കൂൾ അവധി ആയിരിക്കും എന്നും , ടീച്ചേഴ്സിന് സ്പെഷ്യൽ ട്രെയിനിങ് ഉണ്ടാവുമെന്നും അച്ചുവിന്റെ മെമോ എല്ലാരിലേക്കും എത്തി , കുട്ടികൾ എല്ലാം അവധി കിട്ടിയതിൽ സന്തോഷത്തോടെ ഇരുന്നു .

അന്നത്തെ ക്ലാസ് കഴിഞ്ഞു വീട്ടിൽ എത്തിയ ശേഷം വീരൻ മുത്തശ്ശനെ കൂട്ടി പുറത്തേക്ക് നടക്കാൻ ഇറങ്ങിയതാണ് അച്ചു , അവൻ നടന്ന് കണ്ണെത്താ ദൂരത്തോളം പരന്നു കിടക്കുന്ന പടങ്ങളുടെ നടുവിലൂടെ പോകുന്ന ഒരു റോഡിൽ എത്തി ,അവിടെ നിന്ന് അവർ ചുറ്റും നോക്കി കണ്ടു ഓരോന്ന് സംസാരിച്ചു നിന്നു ,ഒരു വണ്ടി വരുന്ന ശബ്ദം കേട്ടാണ് അവർ തിരിഞ്ഞു നോക്കിയത് , ആ റോട്ടിലൂടെ ഒരു mat ബൈക്കിൽ നിറയെ സാധനങ്ങൾ നിറച്ചു ഒട്ടി വരുന്ന ഒരു പെൺകുട്ടി , ഇവരെ കണ്ടതും അവൾ അവർക്കരികിൽ വണ്ടി നിർത്തി , ഒരു 18 വയസ്സ് ഒക്കെ പ്രായം തോന്നും അവൾക്ക് , അവൾ അവരെ ഒന്ന് നോക്കി

“ ആരാ , മുൻപ് ഇവിടെ കണ്ടിട്ടില്ലല്ലോ “ അവൾ സംശയത്തോടെ ചോദിച്ചു

അച്ചു : ഞാൻ രുദ്രൻ , ഇവിടുത്തെ സ്കൂളിൽ പുതുതായി വന്നതാ ,,, അവൻ ചിരിയോടെ തന്നെ അവളോട് പറഞ്ഞു ,,, അവൾ അത് കേട്ടതും ഒന്ന് ഞെട്ടി

“ ദൈവമേ ഇടി മാഷ് “,, അവൾ അതും പറഞ്ഞു വണ്ടിയിൽ നിന്നും ചിരിയോടെ ഇറങ്ങി സ്റ്റാൻഡിൽ ഇട്ട് അവനടുത്തേക്ക് നിന്നു , അവൻ അവൾ വിളിച്ചതും അവൾ പ്രവർത്തിക്കുന്നതും എല്ലാം അന്തിച്ചു നോക്കി നിൽക്കുക ആണ്