രുദ്ര വീരസിംഹൻ -THE WARRIOR PRINCE-part-8 [PONMINS] 779

അൻവർ : നീയൊക്കെ എന്താടാ കരുതിയത് , ഞാൻ കണ്ണ് വെച്ച പെണ്ണും ഞാൻ കണ്ണ് വെച്ച സ്വത്തും തട്ടി എടുത്ത് സുഖമായി വാഴാമെന്നോ , ഹ്മ്മ് , രണ്ടു ദിവസം എന്റെ ഉപ്പാന്റെ പ്രശ്നത്തിന്റെ പുറകെ ആയിപോയി , അതുകൊണ്ട് വരാൻ പറ്റിയില്ല , ആഹ് സാരമില്ല ഇന്ന് നിന്നെയൊക്കെ അങ് തീർത്തിട്ട് അവളെയും ഞാൻ പോക്കും , പിന്നെ നിന്റെയൊക്കെ കൂടെ വന്ന ഒരുത്തി ഉണ്ടേലോ ,, അവളും കൊള്ളാം ,,, ഇന്ന് രണ്ടിനേം ഞാൻ നന്നായൊന്ന് ഹഹ ,,,

അവൻ അതും പറഞ്ഞു സ്വയം ചിരിച്ചു നിന്നു ,, പിന്നെ ഗുണ്ടകളിൽ ഒരാളെ നോക്കി , മുടി നീട്ടി വളർത്തിയ ഒരുവൻ മുന്നോട്ട് നടന്ന് വന്നു , അവന്റെ പുറകിൽ തിരുകിയ വാൾ അവൻ ഊരി എടുത്തു , ഇരുതല മൂർച്ചയുള്ള ആ വാൾ വണ്ടിയുടെ വെട്ടത്തിൽ വെട്ടി തിളങ്ങി , അയാൾ അച്ചുവിന് നേരെ വന്നു വാൾ വീശാൻ കൈ പൊക്കിയതും ഒറ്റ കുതിപ്പിന് അച്ചു അവന്റെ കൈയുടെ ഷോൾഡർ ജോയിന്റിൽ നോക്കി പ്രഹരിച്ചിരുന്നു അവന്റെ കൈ ജോയിന്റിൽ നിന്നും തെന്നി മാറി താഴേക്ക് തൂങ്ങി “അആഹ്ഹ്ഹ് ” എന്ന കരച്ചിലോടെ വാൾ താഴേക്ക് ഇട്ട് അയാൾ ഇടതു കൈകൊണ്ട് തന്റെ വലതു കൈ താങ്ങി ഞെട്ടലോടെ അച്ചുവിന് നേരെ നോക്കി , അതെ അവസ്ഥ തന്നെ ആയിരുന്നു അൻവറിനും കൂട്ടർക്കും അതുപോലെ ഫാസിലിനും , അച്ചു ആ ഗുണ്ടയുടെ നെഞ്ചിലേക്ക് ആഞ്ഞു ചവിട്ടി ,അയാൾ തെറിച്ചു അൻവർ ഇരുന്ന വണ്ടിയിലേക്ക് ഊക്കോടെ തട്ടി താഴേക്ക് വീണു ,, അച്ചു താഴെ വീണ വാൾ എടുത്ത് അൻവറിനെ നോക്കി ഒന്ന് ചിരിച്ചു , അവൻ അത് കണ്ട് ദേഷ്യത്തിൽ അലറി “ വെട്ടി കൊല്ലെടാ അവനെ “. അവന്റെ അലർച്ച കേട്ടതും ബാക്കി 14 ഗുണ്ടകളും ഒന്നിച്ചു തന്നെ അവരുടെ ആയുധങ്ങളും ആയി വന്നു , അവൻ മുന്നോട്ട് കുതിച്ച അതെ സമയം തന്നെ അച്ചുവും വേഗത്തിൽ മുന്നോട്ട് കുതിച്ചിരുന്നു , അവർക്കൊന്ന് ആയുധം പൊക്കാൻ പോലും സമയം കൊടുക്കാതെ ആ 14 പേരെയും അച്ചു അരിഞ്ഞു തള്ളി , അവരെല്ലാം ജീവനറ്റ് താഴെ വീണതും കണ്ടതൊന്നും വിശ്വസിക്കാൻ ആവാതെ അൻവർ പേടിയോടെ അവനെ തന്നെ കണ്ണും തുറിച്ചു നോക്കി നിന്നു , അച്ചു ഒരു ചിരിയോടെ തന്നെ അവന്റെ നേരെ നടന്നു , അവൻ മുന്നോട്ട് വരുന്നത് കണ്ടതും അൻവർ പേടിയോടെ പിന്നോട്ട് നടന്നു , നേരത്തെ അച്ചു അടിച്ചിട്ട ഗുണ്ടയുടെ അടുത്തെത്തിയതും അവൻ ആ വാൾ അൻവറിനെ നോക്കിക്കൊണ്ട് തന്നെ താഴെ കിടക്കുന്നവന്റെ മേലേക്ക് കുത്തി ഇറക്കി വെച്ചു .അതുകൂടി കണ്ടതും അൻവർ പേടിയോടെ താഴെക്കിരുന്നു കരയാൻ തുടങ്ങി , അവൻ പെട്ടെന്ന് ബോധം മറഞ്ഞു വീഴുകയും ചെയ്തു .

അത് കണ്ടതും അച്ചു തിരിച്ചു നടന്നു , ഫാസിൽ ഒമറിന്റെ കൂടെ നിന്ന് കണ്ട കാഴ്ചയിൽ ആകെ ഞെട്ടി നിൽക്കുക ആണ് , 15 പേരെ വെറും നിമിഷങ്ങൾ കൊണ്ട് ഒരു ദയ ദയാദാക്ഷണ്യവുമില്ലാതെ വെട്ടി തള്ളി ഒരു കൂസലും ഇല്ലാതെ വരുന്നത് കണ്ടതും അവനും അച്ചുവിനെ കാണെ പേടിതോന്നി , അത് മനസ്സിലായെന്ന പോൽ അച്ചു അവന്റെ മുന്നിലേക്ക് വന്ന് നിന്നു, അവനെ നോക്കി ഒന്ന് ചിരിച്ചു

അച്ചു :പേടി ഉണ്ടോ ഫാസിൽ , പേടിക്കണ്ട എന്നെ സ്നേഹിക്കുന്നവർക്ക് എന്നും ഞാൻ ഒരു ദേവൻ ആണ് , അല്ലാത്തവർക്ക് അസുരനും , ആ കോളനിയിൽ നമ്മൾ പ്രതീക്ഷിക്കുന്നതിലും വലിയ കാര്യങ്ങൾ ആണ് നടക്കുന്നത് , അവിടെ കുടുങ്ങിപ്പോയ അനേകം പേരുടെ പ്രാർത്ഥനയുടെ ഫലമാണ് ഞങ്ങളെ ഇവിടെ എത്തിച്ചത് , അവിടെ കാവൽ നിൽക്കുന്നവർക്കും അതിനെല്ലാം കുട പിടിക്കുന്നവർക്കും മരണ ശിക്ഷ നൽകുമെന്ന് വാക്ക് കൊടുത്താണ് ഞാൻ ഈ മണ്ണിൽ കാൽ കുത്തിയത് , അതുകൊണ്ട് ഇതുപോലുള്ള കാഴ്ചകൾ ഇനിയും കണ്ടെന്ന് വരാം , പേടിയാന്നേൽ കൂടെ വരരുത് അതല്ല ഒരു പറ്റം പാവങ്ങളുടെ കണ്ണീര് ഒപ്പാൻ ദൈര്യമുണ്ടെങ്കിൽ കൂടെ കൂടം the choice is yours ,,,,

അവൻ ഒരു ചിരിയോടെ അത്രയും പറഞ്ഞുകൊണ്ട് വണ്ടിയിലേക്ക് കയറി , ഫാസിലിനെ ഒന്ന് നോക്കി ചിരിച്ചുകൊണ്ട് ഒമറും പോയതും എന്തെല്ലാമോ ഉറപ്പിച്ചെന്ന പോലെ ചിരിയോടെ തന്നെ അവനും അകത്തേക്ക് കയറി , അവന്റെ മുഖത്തെ ചിരി കണ്ടതും അച്ചുവും ഒന്ന് അവനെ നോക്കി ചിരിച്ച ശേഷം വണ്ടി എടുക്കാൻ നിന്നു , അപ്പോഴേക്കും കുറച്ചു പേർ വന്ന് അൻവറിനെ ബന്ധിച്ചു ജീപ്പിലേക്ക് കയറ്റി വണ്ടി മാറ്റി കൊടുത്തു , രുദ്രൻ വണ്ടി മുന്നോട്ട് എടുത്ത് അവർക്കരികിൽ നിർത്തി , അവരെ ഒന്ന് നോക്കി

“ അവനറിയാവുന്നത് മുഴുവൻ കക്കിക്കണം , ഒരു തുമ്പ് പോലും മിസ് ആവരുത് “… അത്രയും പറഞ്ഞു അവിടേം വിട്ടു , ഗുണ്ടകളെ മുഴുവൻ അവർ വന്ന വണ്ടിയിലേക്ക് ഇട്ട് അത് ഒരു സൈഡിലേക്ക് മാറ്റി ഇട്ട് കത്തിച്ചു , ആൾ പാർപ്പില്ലാത്ത സ്ഥലം ആയത് കൊണ്ട് തന്നെ ആ വണ്ടികൾ മുഴുവൻ കത്തി തീർന്നിട്ടും ആരും അറിഞ്ഞില്ല .

കുറച്ചു നേരത്തെ യാത്രക്ക് ശേഷം അവർ വീട്ടിൽ എത്തി , ഒരു ചിരിയോടെ തന്നെ അവരെല്ലാം ഫ്രഷ് ആവാൻ റൂമിലേക്ക് പോയി ,അച്ചു അവന്റെ കയ്യിലെ കവറുമായി കിച്ചണിലേക്കും ,അയിഷയും ജാസ്മിനും കൈജ എന്തോ കാര്യമായി ചെയ്യുന്നത് നോക്കി നിൽക്കുക ആണ് , അവൻ അവരെ ഒന്ന് നോക്കി

അച്ചു : ഐഷുട്ടി ,,, അവൻ ചിരിയോടെ വിളിച്ചതും ,അതെ ചിരിയോടെ തന്നെ അവൾ തിരിഞ്ഞു നോക്കി , അവൻ കയ്യിൽ ഉള്ള കവർ അവളെ ഏൽപ്പിച്ചു

അച്ചു :ഇത് നിന്റെ കെട്ടിയോൻ ഉണ്ടാക്കിയതാ , കഴിച്ചിട്ട് എങ്ങനെ ഉണ്ടെന്ന് പറ ,,, അവൻ അതും പറഞ്ഞു അവിടുന്ന് പോയി , ആയിഷ ആകെ വണ്ടർ അടിച്ചു നിന്നതും ജാസ്മിൻ 3 പ്ലേറ്റുമായി വന്ന് അവളുടെ കയ്യിൽ നിന്നും ആ പൊതി വാങ്ങി വിളമ്പാൻ തുടങ്ങിയിരുന്നു

ജാസ്മിൻ : ആയിഷ ഞാൻ ഭംഗിവാക്ക് പറയല്ല കേട്ടോ , നിന്റെ കെട്ടിയോൻ ഉണ്ടാക്കുന്ന ഫുഡ് അപാര ടേസ്റ്റ് ആണ് , അവൻ മൂഡ് വന്നാലേ ഉണ്ടാക്കൂ അല്ലാതെ നമ്മൾ പറഞ്ഞാൽ ഒന്നും ഉണ്ടാക്കില്ല അല്ലേൽ പിന്നെ അച്ചുവോ രാമോ പറയണം , നീ ഇത് കഴിച്ചു നോക്ക് മോളെ ടേസ്റ്റ് അറിയാൻ കൈജാത ഇനി ഇത് കഴിച്ചിട്ട് നോക്കാം ,,,,

അതും പറഞ്ഞു അവൾ വിളമ്പിയ ഭക്ഷണം അവർക്ക് കൊടുത്തു , ആയിഷ വല്ലാത്ത കൊതിയോടെ ആണ് അത് കഴിച്ചു തുടങ്ങിയത് , പറഞ്ഞപോലെ തന്നെ ഇതുവരെ അനുഭവിക്കാത്ത ഒരു ടേസ്റ്റ് ഉണ്ടായിരുന്നു അതിന് , അവൻ വേഗം തന്നെ കഴിച്ചു തീർത്തു വീണ്ടും എടുത്തു സന്തോഷത്തോടെ മനസ്സ് നിറഞ്ഞു അവൾ അത് കഴിച്ചു .

ഫ്രഷ് ആയി താഴെ വന്നതും പുറത്തു ഒരു വണ്ടി വന്ന് നിൽക്കുന്ന ശബ്ദം കേട്ടതും അച്ചുവും ഒമറും പുറത്തേക്ക് ഇറങ്ങി , ഒരു ബ്ലാക്ക് താർ ആയിരുന്നു അത് , കോ ഡ്രൈവർ സീറ്റിൽ നിന്നും രാജ വീരൻ മുത്തശ്ശനും ഡ്രൈവിംഗ് സീറ്റിൽ നിന്നും ഖാലിദും ഇറങ്ങി വന്നു , ഖാലിദ് രണ്ടുപേരെയും ഒന്ന് പുണർന്ന ശേഷം സൗഹൃദ സംഭാഷണത്തോടെ അകത്തേക്ക് രാജ വീരൻ മുത്തശ്ശനൊപ്പം അച്ചുവും അദ്ദേഹത്തെ എന്റെ മുത്തശ്ശൻ ആണ് എന്ന് പറഞ്ഞുതന്നെ ആണ് അവൻ പരിചയപ്പെടുത്തിയത് , പരിചയപ്പെടുത്തുന്നതിനിടയിൽ ആണ് കൈജയും ആയിഷയും ചായയും പലഹാരവും കൊണ്ട് വന്നത് , അച്ചു ഖാലിദിനെ എല്ലാവർക്കും പരിചയപ്പെടുത്താൻ നിന്നതും അവൻ തടഞ്ഞു എന്നിട്ട് പതിയെ എണീച്ചു വന്ന് ,കൈജയുടെ കയ്യിൽ ഉള്ള ടി ട്രേ വാങ്ങി അച്ചുവിനെ ഏൽപ്പിച്ചു അവരുടെ മുന്നിൽ ആയി നിന്നു , എന്നിട്ട് എല്ലാവർക്കും കേൾക്കാവുന്ന ശബ്ദത്തിൽ പറഞ്ഞു .