രുദ്ര വീരസിംഹൻ -THE WARRIOR PRINCE-part-8 [PONMINS] 779

ഹാജിക്ക : എന്തിനാ പുറത്തൊക്കെ നിർത്തുന്നെ ഇവിടെ തന്നെ നിൽക്കാം കുറച്ചു പേർക്ക് , ബാക്കി ഉള്ളവരെ ഫായിസിന്റെ വീട്ടിലും നിർത്താം , ഭക്ഷണം ഇവിടെ തന്നെ ആക്കം , ഞാൻ ആ വീരനോട് വരാൻ പറയാം ,,, അദ്ദേഹം ഉടനെ തന്നെ അതിനുള്ള മറുപടി കൊടുത്തു

ഒമർ : അത് പോലെ എനിക്ക് താമസിക്കാൻ സ്കൂളിന് അടുത്തയി എന്തേലും സൗകര്യം കിട്ടുമോ ,,,,അവൻ എല്ലാവരോടും ആയി ചോദിച്ചു

ഹഫ്സ : അതെന്തിനാ ,നിനക്ക് ഇവിടുന്ന് പോയി വന്നൂടെ ,,

അച്ചു : അത് വേണ്ട , എനിക്ക് അവിടെ നിന്ന് ചില കാര്യങ്ങൾ അറിയാൻ ഉണ്ട് ,,, അവൻ ഗൗരവത്തോടെ പറഞ്ഞു

ആയിഷ : അവിടെ പഠിപ്പിക്കുന്ന ഒരു ടീച്ചർ ഉണ്ട് എനിക്ക് പരിജയം ഉള്ളത് അവരോട് ഒന്ന് ചോദിച്ചാലോ ,,,അവൾ അച്ചുവിനെ നോക്കി ചോദിച്ചു , അവൻ ഉടനെ സമ്മതം കൊടുത്തതും അവൾ അവരെ വിളിച്ചു സംസാരിച്ചു , എന്നിട്ട് തിരിച്ചു വന്നു

ആയിഷ : സ്കൂളിന്റെ ഓപ്പോസിറ് ആയി ഒരു വീട് ഉണ്ട് , അവിടെ ഇപ്പൊ ആരും താമസം ഇല്ല , അവിടെ നിൽക്കാം എന്ന് പറഞ്ഞു ടീച്ചർ , പിന്നെ അച്ചുവേട്ടൻ പുതിയ ഇംഗ്ലീഷ് മാഷ് ആണ് എന്ന പറഞ്ഞത് അത് കുഴപ്പം ഇല്ലാലോ ,,, അവൾ അവനെ നോക്കി ചിരിയോടെ ചോദിച്ചു

അച്ചു : ഹഹ , അപ്പൊ താമസവും റെഡി പഠിപ്പിക്കാൻ ഉള്ള വിഷയവും റെഡി ,,അപ്പോ നാളെ രാവിലെ അവരോട് അതൊന്ന് റെഡി ആക്കി ഇടാൻ പറ , പിന്നെ ഒമർ ഒഴികെ ബാക്കി എല്ലാവരും നാളെ കാര്യങ്ങൾ ഏറ്റെടുത്ത ശേഷം കോളേജ് ഹോസ്റ്റലിലേക്ക് മാറും ,,,, അവന്റെ തീരുമാനങ്ങൾ എല്ലാം എല്ലാവരും അംഗീകരിച്ചു .

ഉച്ചയോടെ തന്നെ ഖാലിദും ടീമും ഒഴികെ ഉള്ളവർ എല്ലാം എത്തിയിരുന്നു , കാര്യങ്ങൾ എല്ലാം കണ്ണനും ഒമേറും അവരെ കാര്യമായി തന്നെ പറഞ്ഞു കൊടുത്തു , അവർക്ക് ആവശ്യമായ പേപ്പറുകൾ എല്ലാം യാസിനും ജാസ്മിനും കൂടെ റെഡി ആക്കി , ഭക്ഷണമെല്ലാം കഴിച്ച ശേഷം ബാക്കി ഉള്ള കാര്യങ്ങൾ അവർ നോക്കി , കുറച്ചുപേർ ആ കോളേജും പരിസരവുമെല്ലാം കാണാനും കാര്യങ്ങൾ അറിയാനും പോയി , ബാക്കി ഉള്ളവർ നാളെ മുതലുള്ള കാര്യങ്ങൾ കൃത്യമായി പ്ലാൻ തയ്യാറാക്കി .

4 മണിയോടെ ഫാസിലും അച്ചുവും ഒമറും കണ്ണനും യാസിനും കൂടെ ഫുട്ബോൾ ഗ്രൗണ്ടിലേക്ക് പുറപ്പെട്ടു , ജാസ്മിനോട് ആയിഷയെ ശ്രെദ്ധിക്കാൻ പ്രതേകം ഏർപ്പാട് ചെയ്താണ് അവർ പോയത് , ഫായിസ് വീട്ടിൽ താമസിക്കുന്നവരുടെ കാര്യങ്ങൾ ചെയ്ത് കൊടുക്കാൻ അവരുടെ കൂടെ അങ്ങോട്ടും പോയി

20 മിനുട്ട് യാത്രക്ക് ശേഷം അവർ ഗാലറി കെട്ടിയ ഗ്രൗണ്ടിൽ എത്തി ചേർന്നു , വണ്ടി പാർക്ക് ചെയ്ത ശേഷം എല്ലാവരും ഇറങ്ങി ഫാസിൽ അവന്റെ കൂട്ടുകാരുടെ അടുത്തേക്ക് കൂട്ടിക്കൊണ്ട് പോയി , എല്ലാവരോടും ഒന്ന് ചുമ്മാ സംസാരിച്ച ശേഷം ഫാസിൽ അവിടെ നിന്ന അവന്റെ ഒരു കൂട്ടുകാരന്റെ കൂടെ ബാക്കി ഉള്ളവരെ ഗാലറിലേക്ക് വിട്ട് അവരുടെ സീറ്റ് പിടിച്ചു , കളിക്ക് അരമണിക്കൂർ ബാക്കി ഉണ്ടെങ്കിലും ജന സാഗരം പോലെ ആളുകൾ എത്തിക്കൊണ്ടിരുന്നു , ഒരു ഫുട്ബോൾ മത്സരത്തിന്റെ മുഴുവൻ ഊർജവും ആവാഹിച്ചുകൊണ്ട് തന്നെ എല്ലാവരും ആർപ്പും വിളിയുമായി മത്സരം കാണാൻ കാത്തിരുന്നു .
10 മിനുട്ടിന് ശേഷം വാടിയ മുഖവുമായി വരുന്ന ഫസലിനെ കണ്ട് അവർ കാര്യം ചോദിച്ചു , അവൻ വിഷമത്തോടെ അവരുടെ അടുത്തായി ഇരുന്നു

ഫാസിൽ : ഞാൻ ഇന്നലെ പറഞ്ഞില്ലേ പുറത്തൂന്ന് കുറച്ചുപേരെ വിളിച്ചിട്ടുണ്ടെന്ന് അവരെല്ലാം ഇന്ന് രാവിലെ ഇവിടെ എത്തിയിരുന്നു , ഇപ്പോ നോക്കുമ്പോൾ അവരെയൊന്നും കാണാൻ ഇല്ല ,,,, അവൻ അതും പറഞ്ഞു തല താഴ്ത്തി

ഒമർ : അയ്യോ ,, അതെന്താ അവർ ചതിച്ചത് ആണോ ,,,

ഫാസിൽ : ഹേയ് അല്ല ,അവരുടെ കിട്ടും ബാഗും എല്ലാം അവിടെ ഉണ്ട് , ഇത് അവരുടെ പണി ആകും ആ പടവിടന്മാരുടെ , അവർ പൊക്കിയതാവും അവരെ , ഇനി ഈ കളിയിൽ കളിക്കാൻ പോലും നല്ല പ്ലേയേഴ്സ് ഇല്ല നമുക് , എതിർ ടീം ആണേൽ എല്ലാം സൂപ്പർ പ്ലയേഴ്‌സും , isl ലും , യൂണിവേഴ്സിറ്റിയിലും ഒക്കെ കളിക്കുന്ന പ്ലയെർസ് ആണ് അവരിൽ , അവരോട് നമ്മുടെ ഈ പീറ ചെക്കന്മാർ ഇറങ്ങി കളിച്ചാൽ തോൽക്കും ,,ഉറപ്പ് ,,,,, അവൻ സങ്കടത്തോടെ പറഞ്ഞു കൊണ്ടിരുന്നു

അച്ചു : നീ വാ നമുക്ക് അവരെ ഒന്ന് പോയി കാണാം , കളി തുടങ്ങാൻ ഇനി അതികം സമയം ഇല്ലല്ലോ ,,, അതും പറഞ്ഞു ഫാസിലിനെ കൂട്ടി അവരെല്ലാം അവരുടെ ടീമിന്റെ ഡ്രസിങ് റൂമിലേക്ക് പോയി , നേരത്തെ അവരുടെ കൂടെ വന്ന ഫാസിലിന്റെ കൂട്ടുകാരൻ ആരോ വിളിച്ചു പിന്നിലോട്ട് പോയി , അവർ നടന്ന് ഡ്രസിങ് റൂമിൽ എത്തി , അവിടെ ആകെ 11 പേർ ഒരു ആത്മ വിശ്വാസവും ഇല്ലാതെ റെഡി ആയി നിൽക്കുന്നുണ്ടായിരുന്നു .

ഫാസിൽ : അവരുടെ വല്ല വിവരവും ഉണ്ടോടാ ,,