രുദ്ര വീരസിംഹൻ -THE WARRIOR PRINCE 8

Author :PONMINS

PREVIOUS PARTS 

രാത്രി ഭക്ഷണ ശേഷം കണ്ണൻ അച്ചുവിന്റെ അടുത്തേക്ക് വന്നു ,

കണ്ണൻ : അച്ചു , അവർ എഗ്രി ചെയ്തിട്ടുണ്ട് ,വെള്ളിയാഴ്ച തന്നെ നമുക്ക് രെജിസ്ട്രേഷൻ നടത്തം , അന്ന് അങ്ങോട്ട് ചെല്ലാൻ പറഞ്ഞിട്ടുണ്ട് , കൂടാതെ അന്ന് അയാളുടെ മകന്റെ നിക്കാഹ് കൂടി ആണ് , അപ്പോ അത് കഴിഞ്ഞ ശേഷം രെജിസ്ട്രേഷനും കഴിഞ്ഞു ഇങ് പോരാം ,,, അവൻ കാര്യം അറിയിച്ചു

അച്ചു : മ്മ് ,ഞാനും നീയും ഒമറും യാസിനും ജാസ്മിനും മതി , ഗാർഡ്സിൽ നിന്നും ഒരു വണ്ടി വന്നോട്ടെ കല്യാണം ഒക്കെ അല്ലെ എന്തേലും പ്രോബ്ലം ഉണ്ടായാൽ ഒതുക്കാൻ ആള് വേണം , പിന്നെ ഡീലിങ്സ് എല്ലാം ഒമറിന്റെ പേരിൽ മതി അതിനുള്ള ഡോക്യൂമെന്റസ് എല്ലാം കയ്യിൽ കരുതണം ., പിന്നെ നാളെ മുതൽ സിഇഒ പോസ്റ്റ് മൈക്ക് നോക്കട്ടെ , കോളേജ് ഒന്ന് ടേക്ക് ഓവർ ചെയ്യാനും മറ്റും നമുക്ക് കുറച്ചു ദിവസം അവിടെ നിൽക്കേണ്ടി വരും , അവിടെ താമസ സൗകര്യം ഉണ്ടോ എന്ന് കൂടെ നോക്കണം ,,,, അവൻ കാര്യങ്ങളെല്ലാം വിശദമായി തന്നെ പറഞ്ഞു കൊടുത്തു , അതിനെല്ലാം തലയാട്ടി സമ്മതിച്ചുകൊണ്ട് കണ്ണൻ പോയി .

പിറ്റേ ദിവസം രാവിലെ മൈക്കും റാമും ആണ് ഓഫീസിൽ പോയത് , അജു അവന്റെ തിരക്കിൽ ആയിരുന്നു , അച്ചുവും കണ്ണനും ജാസ്മിനും കൂടി ചില പേപ്പേഴ്സ് റെഡി ആക്കുക ആയിരുന്നു .

ഓഫീസിൽ എത്തിയ റാമും ദേവയാനിയും കൂടെ അകത്തേക്ക് കയറി , മൈക്ക് വണ്ടി പാർക്ക് ചെയ്ത ശേഷം ഒരു ഫോൺ കാളും കഴിഞ്ഞാണ് അകത്തേക്ക് നടന്നത് , സിഇഒ ക്യാമ്പിന്റെ മുന്നിലെ വിസിറ്റിംഗ് സീറ്റിൽ ഇരിക്കുന്നവരെ കണ്ടതും അവന്റെ ഞെറ്റി ചുളിഞ്ഞു , അവനെ കണ്ട അവരും അവനെ സംശയത്തോടെ നോക്കി ,
അവൻ അവരുടെ മുന്നിലേക്ക് പോയി നിന്നു , എന്നാൽ അവൻ പറഞ്ഞു തുടങ്ങും മുൻപേ പുച്ഛത്തോടെ ഉള്ള ശബ്ദം അവിടെ മുഴങ്ങിയിരുന്നു

“ എന്താണ് എന്റെ കൂടപ്പിറപ്പ് എന്നെ തേടി ഇവിടെ , വല്ല പൈസക്കും വന്നതാണെങ്കിൽ ഗൂഗിൾ പേ നമ്പർ തന്നാൽ മതി ഇതിലേക്ക് ഇട്ട് തരാം ,ഇപ്പോ പിന്നെ പെമ്പറന്നോത്തിയെയും നോക്കേണ്ടി വരുമല്ലോ ചിലവ് കൂടും , കൂത്തുപാള എടുത്തവൻ നക്ക പിച്ചയായ ആ പെണ്ണിനെ കെട്ടുമ്പോൾ ഓർക്കണമായിരുന്നു വഴിയാധാരം ആകുമെന്ന് ,,,” അവൾ പുച്ഛത്തിൽ പറഞ്ഞു ,എന്നാൽ ഇതെല്ലം കേട്ട് മൈക്ക് ഒരു പുച്ഛച്ചിരിയോടെ നിൽക്കുക ആയിരുന്നു ,

മൈക്ക് : എന്റെ കുടപ്പിറപ്പ് എന്താണാവോ ഇവിടെ ,,, അവനും പുച്ഛത്തോടെ ചോദിച്ചു

മരിയ : ഹഹഹ , അതറിയാതെ ആണോ എന്നെ കാണാൻ വന്നത് , ഞാനും എന്റെ ഇച്ചായനും ഇവിടെ ആണ് വർക്ക് ചെയ്യുന്നത് , ആം ദി സെക്കൻഡ് പിഎ ഓഫ് സിഇഒ ,,,,, അവൾ അഹങ്കാരത്തോടെ പറഞ്ഞു , അതുകേട്ട മൈക്ക് ശെരിക്കും ചിരി വന്ന് പോയി ,

മൈക്ക് : ഓഹ് , പിഎ ആണോ , ഓക്കേ , അപ്പൊ കാണാം ,,,, അതും പറഞ്ഞു അവൻ മുന്നോട്ട് നടന്നു ,മരിയ അവനെ പുച്ഛത്തോടെ നോക്കി അവിടെ തന്നെ ഇരുന്നു .

കുറച്ചു കഴിഞ്ഞതും കാതറിൻ വന്ന് അവളെ വിളിച്ചു സിഇഒ ഓഫീസിലേക്ക് നടന്നു , ചിരിയോടെ കളിച്ചു ചിരിച്ചാണ് അവളോടൊപ്പം പോയത് , ഡോർ തുറന്ന് അകത്തു കയറിയതും സിഇഒ സീറ്റിൽ ഇരിക്കുന്ന മൈക്കിനെ കണ്ട് അവൾ ഞെട്ടി , അവിടെ മൊത്തം കറങ്ങുന്ന പോലെ തോന്നി അവൾക്ക് ,,, മൈക്ക് അവളെ നോക്കി പുച്ഛത്തോടെ ചിരിച്ചു