നിയോഗം 2 Dark World Part IX (മാലാഖയുടെ കാമുകൻ) 1513

മറ്റു ഗ്രഹങ്ങൾ അടുത്ത് വരുന്നുണ്ടായിരുന്നു. ഇനി കുറച്ചു നേരം മറ്റു ഗ്രഹങ്ങളുടെ ഗ്രാവിറ്റി ഇവിടെ മാജിക് കാണിക്കും…

ഞങ്ങൾ അത് നോക്കി സ്നേഹിച്ചു അവിടെ ഇരുന്നു..

****

അർച്ചനയും മീനുവും ഡ്രസ്സ് മാറി പുറത്തു വന്നപ്പോൾ മെറിനും ലിസയും അവിടെ റെഡി ആയി നിന്നിരുന്നു..

അർച്ചന വെള്ള ചുരിദാറും, നീല കല്ലുവച്ച ജിമുക്കിയും അതിനു ചേരുന്ന വളകളും നെക്‌ലേസും, മീനു ഇളം റോസ് ചുരിദാറും ഏട്ടത്തി വാങ്ങി കൊടുത്ത ജിമുക്കി, നെക്‌ളേസ്‌ വളകൾ ഒക്കെ അണിഞ്ഞിരുന്നു..

“ആഹാ.. ഇതാര് രംബയും മേനകയുമോ? ഇന്ദ്രന്റെ സദസ്സിലേക്ക് ആണോ?”

ലിസ അവരെ കണ്ടു കളിയാക്കി ചോദിച്ചു..

“പോ ചേച്ചി… “

അർച്ചന ചിരിച്ചു കൊണ്ട് മെറിനെ നോക്കി.. അവളും ചിരിച്ചു..

“സത്യത്തിൽ.. ഇവരെപ്പോലെ ഇങ്ങനെ ഒരുങ്ങി നടക്കാൻ ഒക്കെ നമ്മുക്കും ആഗ്രഹം ഉണ്ട് അല്ലെ മെറിൻ.. പക്ഷെ എന്ത് ചെയ്യാൻ.. പണി ഇതായിപ്പോയില്ലേ?”

ലിസ ഒരു പുഞ്ചിരിയോടെ എണീറ്റ് ചെന്ന് മീനുവിന്റെ ഷാൾ വലിച്ചു നേരെ ഇട്ടു..

മെറിൻ ഒന്നും പറയാതെ പുഞ്ചിരിച്ചു.. അവളുടെ വേഷം ഒരു കറുത്ത ജാക്കറ്റും ഇലാസ്റ്റിക് ടൈപ്പ് നീല ജീൻസും ബൂട്ടും ആയിരുന്നു..

ലിസ ഫുൾ സ്ലീവ് വെള്ള ബനിയനും ജീൻസും ബൂട്ടും..

“നിങ്ങൾ സാരി ഉടുത്താൽ പിന്നെ ഞങ്ങളെ ആരും നോക്കില്ല ചേച്ചി… “

അർച്ചന ലിസയുടെ കവിളിൽ നുള്ളി.. അവൾ ചിരിച്ചു..

“റാണാ ആ ഒഴിഞ്ഞു കിടക്കുന്ന മൈതാനത്തു ചെല്ലാൻ പറഞ്ഞു.. ടൗണിൽ നിന്നും മാറി ഉള്ള..

വേറെ നമ്പറിൽ നിന്ന് ആണ് വിളിച്ചത്.. എന്തോ വലിയ കാര്യം പറയാൻ ഉണ്ട് എന്ന്…ഗൺ, ഫോൺ ഒന്നും എടുക്കരുത് എന്ന് പറഞ്ഞിട്ടുണ്ട്, ലിസ…”

തനിക്ക് വന്ന കാൾ അറ്റൻഡ് ചെയ്തു സംസാരിച്ച മെറിൻ ലിസയോട് പറഞ്ഞു.. ലിസ മെറിനെ നോക്കി തല കുലുക്കി.

“ചേച്ചി.. അപ്പോൾ ഞങ്ങൾ വന്നാൽ അത് തടസം അല്ലെ?”

മീനു ചോദിച്ചു..

“അല്ല.. നിങ്ങൾ വണ്ടിയിൽ ഇരുന്നാൽ മതി.. അത് കഴിഞ്ഞു നമുക്ക് ഒന്ന് മാളിൽ പോകാം…എന്തായാലും ഇതിനു പോകാതെ രക്ഷ ഇല്ല.. ഒഫീഷ്യൽ ആണ്…”

മെറിൻ പറഞ്ഞു.. ഉടനെ അവർ ഫ്ലാറ്റ് ലോക്ക് ചെയ്തു ഇറങ്ങി..

താഴെ ഇറങ്ങി.. അന്ന് മെറിന്റെ വണ്ടി കൊണ്ടുപോയി റോൾസ് റോയ്സിൽ ഇടിപ്പിച്ചപ്പോൾ അതിനു പരിക്ക് പറ്റിയിരുന്നു…

അപ്പോൾ ആ വണ്ടി റിപ്പയർ ചെയ്യാൻ കൊടുത്ത മെറിൻ ഒരു ടൊയോട്ട ഫോർച്യുനർ തൽകാലത്തേക്ക് എടുത്തിരുന്നു..

മീനുവും അർച്ചനയും പുറകിൽ കയറി.. ലിസ ഡ്രൈവിംഗ് സീറ്റിലും മെറിൻ മുൻപിലും..

വണ്ടി നീങ്ങി.. ടൗണിൽ നല്ല തിരക്ക് ആണ്..

അതിൽ കൂടി ലിസ വണ്ടി മെല്ലെ ഓടിച്ചു ടൗണിൽ നിന്നും വിട്ടപ്പോൾ നല്ല സ്പീഡിൽ വിട്ടു.. ടൗണിൽ നിന്നും അല്പം അകലെ ആണ് ഈ പറഞ്ഞ സ്ഥലം.

“നല്ല സ്മൂത്ത് വണ്ടി.. അല്ലെ മെറിൻ…”

അവൾ സ്പീഡ് അല്പം കൂടി കൂട്ടിക്കൊണ്ട് ചോദിച്ചു..