നിയോഗം 2 Dark World Part IX (മാലാഖയുടെ കാമുകൻ) 1513

“സോറി… വിസിൽ ഊതികൂടായിരുന്നോ…റോഷൻ…”

“അഭിമാനം ആണ് വലുത്.. “

ഞാൻ മെല്ലെ പുഞ്ചിരിച്ചു.. വേദനയോടെ

അവൾ അല്പം കുറ്റബോധത്തോടെ എന്നെ നോക്കി… അവൾ എന്തോ മറക്കുന്നതായി എനിക്ക് തോന്നി..

ദേഹത്ത് പല സ്ഥലങ്ങൾ മുറിഞ്ഞിരിക്കുന്നു..

വയറിൽ അത് കടിച്ച ഭാഗത്തു നിന്നും ചോര നന്നായി വരുന്നുണ്ട്..

നേരത്തെ ഗൂഢസ്മിതം നടത്തിയ പെണ്ണ് ഇപ്പോൾ എന്നെ ആരാധനയോടെ നോക്കുന്നത് കണ്ടപ്പോൾ എനിക്ക് അല്പം സന്തോഷം തോന്നി..

കിവെറ ചത്ത് കിടന്ന മൃഗങ്ങളുടെ തലയിൽ നിന്നും കത്തി ഉപയോഗിച്ചു ആ തിളങ്ങുന്ന കല്ലുകൾ ഇളക്കി എടുത്തു..

അതൊരു ലിക്വിഡ് ഉപയോഗിച്ചു കഴുകി ഒരു തുണി പോലെ ഒരു കവറിൽ ഇട്ടു എനിക്ക് നേരെ നീട്ടി.

ഞാൻ അത് വാങ്ങി..

“അഭിമാനം ആണ് നീ.. എനിക്കും ഇവിടെ ഉള്ള ഏതൊരു പെണ്ണിനും അഭിമാനിക്കാം.. നീയാണല്ലോ ഞങ്ങളുടെ കുട്ടികളുടെ പിതാവ് എന്ന്..”

കിവെറ അഭിമാനത്തോടെ പറഞ്ഞു…

“ഏയ്.. അങ്ങനെ ഒന്നും പറയണ്ട.. “

ഞാൻ മെല്ലെ പറഞ്ഞപ്പോൾ അവൾ എന്റെ കൈ പിടിച്ചു..

“വരൂ.. നിനക്ക് വേദന ഉണ്ടാകും.. “

അവൾ എന്നെ പിടിച്ചു വണ്ടിയിൽ കയറ്റി..

അവളും അവളുടെ ഒപ്പം വന്ന പെണ്ണും ആ ജീവികളെ പിടിച്ചു വണ്ടിയുടെ പുറകിൽ ചുരുട്ടി ഇട്ടു. ഈ വണ്ടിക്ക് നല്ല നീളം ആണ്…

അവർ എന്നെ കൊണ്ടുപോയത് ട്രെയിനിങ് നടന്നിരുന്ന സ്ഥലത്തേക്ക് ആണ്..
ആദ്യം പുഴയിൽ മുങ്ങി അതിനു ശേഷം എന്നെ ഒരു റൂമിൽ കൊണ്ടുപോയി കിടത്തി..

****

Somewhere @ Kochi

ഡാർക്ക് എയ്ഞ്ചലിനെ കണ്ടപ്പോൾ റെവൻ വണ്ടിയിൽ നിന്നും ഇറങ്ങി…

“നീ അവനെ എങ്ങോട്ടാണ് കൊണ്ടുപോയത്? എനിക്ക് വേണം അവനെ…”

ഡാർക്ക് ഏയ്ഞ്ചൽ അവളുടെ മുൻപിൽ വന്നു നിന്ന് അവളെ നോക്കി. അവളുടെ ഭാവം എന്താണെന്നു റെവനു മനസിലായില്ല..

“നീ എന്തിനാണ് അവന്റെ പുറകിൽ? ലീവ് ഹിം. നിനക്ക് എന്നെ തൊടാനുള്ള നിയമം ഇല്ല.. പിന്നെ അതൊരു സാധാരണ മനുഷ്യൻ ആണ്.. അവന്റെ ജീവിതം നീ തകർക്കരുത്…”

റെവൻ അവളെ നോക്കി പറഞ്ഞു.

“ഞാൻ നിയമം നോക്കാറില്ല റെവൻ.. എന്നെ തടയാൻ ആരും ഇല്ല. പിന്നെ അവൻ ആണോ സാധരണ മനുഷ്യൻ? മെയ്‌വൂൺ മൊത്തം അവന്റെ കുട്ടികൾ ആണ്..
അവന് കൃതിരിൻ കുട്ടികൾ ഉണ്ടാകണമെങ്കിൽ അവനെ അവർ അംഗീകരിക്കണം.
അവരുടെ ശക്തി പകർന്നു കൊടുക്കണം.. എനിക്ക് അതാണ് വേണ്ടത്.. അവനെ ആണ് എനിക്ക് വേണ്ടത്..

അതിന് ആരെ വേണമെങ്കിലും ഞാൻ കൊല്ലും.. നിന്നെ ആയാലും.. എന്റെ സഹോദരിയെ ആയാലും..ആരെ ആയാലും.. “

അവൾ പറഞ്ഞു നിർത്തിയപ്പോൾ റെവൻ ഒന്ന് ഭയന്നു.. പറഞ്ഞാൽ അത് പോലെ ചെയ്യുന്നവൾ ആണ് ഡാർക്ക് എയ്ഞ്ചൽ..

“നിന്നെ തടയാൻ ഞങ്ങൾ എന്തും ചെയ്യും.. , പിന്നെ അവൻ വരും.. നിന്നെ തേടി ആയിരിക്കും അവൻ വരുന്നത്.. ഞാനും എനിക്ക് ആകുന്നത് ചെയ്യും…”